Jeremías 47:2 - Bible in Tzotzil de Chenalhó with Deuterocanon

² Jech laj yal li Muc'ul Diose: “Ta xtal muc'ta nojelal uc'um ta norte; bats'i tsots yoc ta xtal. Ta xmuc ta vo' scotol li banamil li'i, xchi'uc li lume, xchi'uc li jnaclumetique, xchi'uc scotol li c'usitic te oye. Scotol li cristianoetic, li jnaclumetique ch-oc' ch-avanic ta vocol.

Bible in Tzotzil de Chamula

² “Xichi ta xcal ti Diosune: Ta xlic talel jmut'ivanej vo' ta yolon ti yolon sloq'ueb c'ac'ale, co'ol s'elan jech c'u cha'al t'omem yoc uc'um. Ta smut'i comel ti lume xchi'uc scotol ti c'usitic x'ayan yu'une, xchi'uc scotol ti c'u yepal cuxulic ta jteclume. X'avlajetic xa liquel scotolic ti jnaclejetic ta muc' ta lume, xviquet no'ox xchi'uc xc'uxul ti buch'uuc no'oxe.

Jeremías 47:2 Iomraidhean Croise

Salmos 24:1

Li Muc'ul Diose ja' yu'un sbejel li banamile; ja' yu'un scotol li c'usitic oye xchi'uc scotol li c'usitic cuxajtic ta banamile.

Salmos 50:12

Me chivi'naj chca'ye, muc vo'oxuc chacalboxuc, yu'un ja' cu'un sbejel li banamile xchi'uc scotol li c'usitic te oye.

Salmos 96:11

Vinajel, cuxetuc no'ox avo'nton; banamil, tse'inan no'ox. Vo'etuc no'ox ta baq'uel li nabe xchi'uc scotol li c'usitic te oye.

Salmos 98:7

Ac'o avanicuc ec li nabetique xchi'uc scotol li c'usitic te oye; ac'o avanuc li banamile xchi'uc li boch'otic te nacajtique.

Isaías 14:31

Vo'oxuc coraltonetic, me'on-oc'anic. Vo'oxuc lumetic, avananic ta oq'uel. Vo'ot Filistea, chapal xa ac'oplal chavich'. Yu'un ta xtal muc'ta ch'ayil ta stuq'uil norte; jmoj xtomet chloc' tal, me junuc mu'yuc bu jeltos ta xtal.

Isaías 15:8

Ti c'alal ch-avanic ta oq'uele, tsta c'alal to ta sts'aquiltac li Moabe; tsta c'alal to ta Eglaim li me'on-oq'uel tspasique; chc'ot c'alal to ta Beer-elim li yoq'uel yavanelique.

Isaías 22:1

Li j'alc'ope laj yalbe sc'oplal ti chlaj li stenlejaltic ta yocyoc vits te yo' bu chich' ac'bel yil yu'un Muc'ul Dios c'usitic chc'ot ta pasele. ¿C'usi apasic ti acotolic chamuyic ta yamaq'uil jolnaetic,

Isaías 28:17

Ti bu ta jva'an li nae ta jtunes tuq'uil chapanel ta xq'uexol nivel; ta jtunes scotol c'usi tuc' ta xq'uexol ch'ojon”, xi. Li apojobbail asa'ojic ta sventa epalc'ope ta soc ta bot scotol; li anac'ubbail asa'ojique ta xcuchat batel ta vo'.

Isaías 59:19

Sbejel banamil xlic ta sloq'ueb c'ac'al c'alal to ta smaleb c'ac'al, chlic xi'icuc yu'un Muc'ul Dios ti c'alal chilbeic stsatsal svu'ele. Yu'un xco'laj xchi'uc nojelal uc'um chtal; net'bil chtal ta ven tsatsal ic'.

Jeremías 1:14

Ja' yu'un li Muc'ul Diose jech laj yalbun: “Te ta stuq'uil norte ta xlic spuc sba tal tsots svocolic li jnaclumetic li' ta banamile.

Jeremías 46:12

Li yantic lumetique sna'ojic ti mu'yuc xa atu oe; scotol banamil cha'yic cha'avan, yu'un la snet' sba stuquic li boch'o lec xu' yu'unique, jech co'ol te iyalic ta lum”, xi li Muc'ul Diose.

Jeremías 46:13

Li j'alc'op Jeremiase ital c'opanatuc yu'un Muc'ul Dios, ja' i'albat ti chtal yich' tsaquel ta pleito yu'un ajvalil Nabucodonosor ta Babilonia li Egiptoe:

Jeremías 46:20

Li Egiptoe ja' jech chac c'u cha'al jcot tsebal vacax, pero chtal ti'atuc yu'un jcot muc'ta xcoch ta norte.

Jeremías 46:24

Yalem ta q'uexlal chcom li Egiptoe, yu'un ta x'och ta sc'ob li cristianoetic ta nortee”, xi li Muc'ul Diose.

Jeremías 48:39

“¡Oc'anic yu'un li Moabe! C'uxi ic'ot ta pasel ti lec o'lol itambat batele. Solel yalem ta q'uexlal icom o. Solel labanbil, toj i'lal xa sba ch-ilat yu'un li boch'otic sts'aquinojan sba xchi'uque.”

Jeremías 6:22

Jech chal li Muc'ul Diose: “Q'uelavil, ta xtal epal cristianoetic ta stuq'uil norte; ta xtal sjunul lum ta jot to sti' banamil.

Jeremías 8:16

¡Tal xa li cajcontratique! Taj to ta Dan xvinaj xjuch'te-juch'te tal yic'al sni' li sca'ique. Chnic xa scotol banamil yu'unic li yech'al ye sca'ic ti sts'ijlajetic no'ox tale. Ja' xa tal soquesic li banamil xchi'uc scotol li c'usitic oye; tal soquesic li lumetic xchi'uc scotol li boch'otic te nacajtique”, xiic.

Daniel 11:22

Li stsatsal yajcontrataque mu'yuc stu ta sat. Ta xules scotol; ta smil noxtoc li banquilal pale ti sventainoj li c'usi chapanbil yu'un Diose.

Nahúm 1:8

Yan li boch'o tscontrainique ta sves batel scotol jech chac c'u cha'al yip nojelal uc'um; ta snuts batel ta ic'al osil li yajcontrae.

1 Corintios 10:26

Yu'un li banamile xchi'uc scotol li c'usitic oye ja' yu'un li Cajvaltique.

1 Corintios 10:28

Yan me oy boch'o jech chayalboxuque: “Li ti'bol li'i ja' smoton li c'usitic cuybil ta diose”, me xie, mu me xati'ic, yu'un jech mu xlo'ilaj yo'nton avu'unic li boch'o laj yale.

Santiago 5:1

A'yo ava'yic, vo'oxuc jc'ulejetic, oc'anic, xchi'uc avananic ta sventa ti tsots avocolic ta xtale.

Apocalipsis 17:1

Ital sc'opanun jun li vucub j'almantaletic yich'oj jujun stazaique, jech laj yalbun: “La', chacac'bot avil c'u x'elan tstoj smul li me' jmulavil ants te chotol ta sba epal vo'e.

Apocalipsis 17:15

Jech laj yalbun noxtoc: “Li epal vo' yo' bu chotol jmulavil ants laj avile ja' senyail epal cristianoetic ta jujun lum, ta jujun banamil, xchi'uc ta jujuchop c'op.