Jeremías 45:3 - Bible in Tzotzil de Chenalhó with Deuterocanon

³ Li vo'ote jech laj aval: ‘¡Ay, toj abul jba! C'u yu'un laj yepajesbun tsots jvocol, tsots at-o'nton li Muc'ul Diose; solel sta xa co'nton ta aj'unel, mu'yuc ta jcux o jutuc co'nton’, xachi.

Bible in Tzotzil de Chamula

³ ‘Ti vo'ote xachi ta xavale: Mu xa ono'ox cha'bel un. Ti Diose, c'ajomal no'ox ta xiyac'bun c'ux o'ntonal xchi'uc me'inal. Yu'un laj xa jmil jba ta oq'uel. Mi ja'uc oy bu ta jta ti xlaet ti banomil ta xca'ie.’

Jeremías 45:3 Iomraidhean Croise

Job 23:2

—Li vu'une tsots chic'opoj ta sventa xc'uxul li jvocole, yu'un li Diose laj yac'bun scotol li yalal sc'ob ta jbae, ac'o me ep chi'oc' chi'avan.

Salmos 120:5

Toj abul jba ti li' nacalun ta Mesec jech chac c'u cha'al yanlume, ti li' jpasoj jcarpana yo' bu scarpanaic li jnaclumetic ta Quedare.

Salmos 27:13

Jutuc xa mu chchibaj co'nton ta atojol, pero jch'unoj ti ta ono'ox xquil slequil avo'nton li' ta banamile.

Salmos 42:7

Yu'un xtac'ov to jujujot ch'entic yu'un li tsatsal vo' chavac' tale; ic'ot ta jba li tsatsal vo' ti cocanbil no'ox ital avu'une.

Salmos 6:6

Lubenun xa ta oq'uel. Jujun ac'ubal puru oq'uel ta jpas ta jvayab; solel ach'em xa jxonjol ta ya'lel jsat.

Salmos 6:7

Ic'uxub xa jsat ta scoj li jvocole; chmac xa jsat ta scoj chiyac'bicun jvocol li cajcontrataque.

Salmos 69:3

Ic'uxub xa jnuc' ta avaptael; imac xa li sbe quiq'ue; ilub xa li jsat ta amalaele, yu'un te xiq'uelc'un o avu'un.

Proverbios 24:10

Me chchibaj avo'nton c'alal yorail oy avocole, yu'un mu'yuc stsatsal avo'nton.

Jeremías 45:2

“Vo'ote Baruc, jech chayalbot li Muc'ul Dios yu'un Israele:

Jeremías 8:18

Li xc'uxul jvocole mu x'ech' o; ta xa xtu'p co'nton yu'un chca'ay.

Jeremías 9:1

¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!

Lamentaciones 1:13

Ta toyol to la stacbun yalel tal c'oc' ta jtojol, jech ic'unib c'alal ta jbaquil yu'un. Laj yac'bun ch'ojon ta jbe jxaneb, jech lisut batel ta jva'lupat yu'un. Toj abul jba licom yu'un, scotol c'ac'al oy jvocol o.

Lamentaciones 1:22

Ac'o c'otuc ta atojol scotol li c'usitic chopol spasojique; pasbo jech ec jech chac c'u cha'al laj apasbun ta scoj jtoyobbaile. Toj ep ta jic' co'nton, solel ch-alub xa ya'yel li co'ntone.

Lamentaciones 3:32

Ac'o me chijyac'butic jvocoltic, pero chixc'uxubinutic noxtoc, yu'un toj ep li slequil yo'ntone.

2 Corintios 4:1

Ja' yu'un mu xchibaj co'ntoncutic ta xcholel, yu'un ja' cabtel laj yac'buncutic Dios ta sventa ti toj ep la xc'uxubinuncutique.

2 Corintios 4:16

Jech mu xchibaj co'ntoncutic. Ac'o me yantic chlaj stsatsal li jbec'talcutique, pero li co'ntoncutique yantic ch-ayin stsatsal ta jujun c'ac'al.

Gálatas 6:9

Ja' yu'un mu me xijlubtsajutic ta spasel li c'usitic leque. Yu'un tsta yorail chc'ot jc'ajbetic sat, me muc xchibaj co'ntontic ta spasele.

2 Tesalonicenses 3:13

Li vo'oxuque quermanotac, mu me xalubtsajic ta spasel li c'usitic leque.