Jeremías 44:3 - Bible in Tzotzil de Chenalhó with Deuterocanon

³ Ja' ta scoj ti toj chopol c'usi la spasique, jech laj yaq'uic ilincun, yu'un ja' bat yich'ic ta muc' li yantic diosetique; ja' bat xchic'beic pom ta stojol li yantic diosetic ti mu xavotquinique, me ja'uc li amoltot ayame'ic ta vo'onee muc xotquinic ec.

Bible in Tzotzil de Chamula

³ Mu xa junuc buch'u nacal un ta scoj ti jelav ti smul scolo'ic une. Laj soquesbeicun co'nton ti nijil chimilic ta yich'el ta muc' yan diosetic ta yac'bel ti matanal pome, diosetic ti ma'uc c'otem ta sventaic ta yich'el ta muq'ue, mi ja'uc ti stot sme'ic ta vo'nee.

Jeremías 44:3 Iomraidhean Croise

Nehemías 9:33

Pero li vo'ote tuc' c'usi chapas, mu chopoluc li c'usitic laj avac' taluc ta jtojolcutique. Yan li vu'uncutique toj chopol c'usitic la jpascutic.

Isaías 3:8

Ta melel j'ech'el chlom o li lum Jerusalene, j'ech'el chjin o li Judae, yu'un puru chopol c'usi laj yalic, puru chopol yabtelic ta stojol li Muc'ul Diose; la xchopolc'optabeic li smuc'ul stsatsale.

Jeremías 11:17

“Vu'un li Muc'ul Diosun ti ta jpas ta mantal scotol te ta vinajele; vu'un la jts'un li Israel xchi'uc Judae. Laj xa cal ti chcac'be tal svocolique, ja' ta scoj smul li smomnich'nabique, yu'un la sa'bicun sc'ac'al co'nton ta sventa ti ja' ta xchiq'uic pom ta stojol li dios Baale”, xi li Muc'ul Diose.

Jeremías 16:10

“C'alal chavalbe ya'yic li achi'iltaquique, jech chlic sjaq'uic: ‘¿C'u yu'un laj yac' mantal Muc'ul Dios ti chtal muc'ta vocol jech chac le'e? ¿C'usi chopol la jpastic? ¿C'usi jmul jtaojtic ta stojol li Muc'ul Dios cu'untique?’, xiic.

Jeremías 22:9

Jech ta stac'be sbaic: ‘Yu'un la scomtsanic li Muc'ul Dios yu'unique; ja' bat yich'ic ta muc' li yantic diosetique, ja' itunic yu'un’, xiic”, xi li Muc'ul Diose.

Jeremías 29:19

Yu'un muc xch'unbicun li jc'op ti laj calbeic ta sventa j'alc'opetic cu'une, ti scotol ora la jtac tal ta stojolique.

Jeremías 32:30

Yu'un li Israel xchi'uc Judae ta sbic'talic ono'ox puru chopol c'usitic la spasic tal ta jtojol. Li Israele, mu'yuc c'usi yan la spasic ja' no'ox la sa'bicun sc'ac'al co'nton ta sventa li c'usi la spas ta sc'ob stuquique. Jech chcal vu'un li Muc'ul Diosune.

Jeremías 44:23

Yu'un laj achiq'uic pom ta stojol yantic diosetic, jech laj ata amulic ta stojol li Muc'ul Diose. Muc ja'uc xavich'ic ta muc' li mantaletic, li chanubtaseletic xchi'uc li tojobtasel yu'une, ja' yu'un ital li vocol ta atojolic jech chac c'u cha'al li' ta orae —xut.

Jeremías 44:8

Yu'un ja' no'ox chavaq'uic ilincun ta sventa li c'usi apasoj ta ac'obique, xchi'uc ti chachiq'uic pom ta stojol li yantic diosetic te ta Egipto ti bu talemoxuc ta nacleje. Ja' xa no'ox amotonic ti chaculesoxuc o, ti chopol chacomic o, ti mu'yuc atu cha'ilatic o yu'un li yantic banamile.

Jeremías 5:19

C'alal me jech chlic yalique: ‘¿c'u yu'un jech la spasbutic scotol li Dios cu'untique?’, me xiique, jech xavalbe: ‘jech chac c'u c'alal laj acomtsanic li Muc'ul Dios ti latunic yu'un yantic diosetic li' ta alumalique, ja' no'ox jech chac' ac'o bat tunanic yu'un yanlum cristianoetic ta yan banamil noxtoc’, uto.

Jeremías 5:29

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stojic ti jech tspasic li cristianoetic le'e?, xichi vu'un li Muc'ul Diosune.

Jeremías 7:19

Mu ja'uc no'ox vu'un ti chisa'bicun sc'ac'al co'ntone; ja' stuc chuts'inta sbaic noxtoc, yu'un ja' no'ox sventa chyalic o ta q'uexlal li c'usi tspasique.

Lamentaciones 1:8

Li Jerusalene mu'yuc xa stu ch-ilat ta scoj ti la sa' tsots smule. Li boch'otic yich'ojic to'ox ta muq'ue mu'yuc xa lec chilic, yu'un laj yilic ti yalem o ta q'uexlale. Ja' yu'un li Jerusalene solel joybijem xa no'ox choc'ta sba.

Lamentaciones 4:13

Ja' ta smul j'alc'opetic xchi'uc paleetic yu'unic, yu'un la smalbeic xch'ich'al te ta lum li boch'otic mu'yuc smulique.

Ezequiel 9:9

Jech laj yalbun: “Li smul la sa'ic ta jtojol li Israel xchi'uc Judae toj ep ta jyalel. Li avosilalique inoj ta ch'ich' yu'unic. Li alumalique inoj ta c'usitic mu'yuc tuc' tspasic. Yu'un jech laj yalic: ‘Laj xa sjip ta yo'nton cosilaltic li Muc'ul Diose. Mu xil li c'usi ta jpastique’, xiic.

Daniel 9:5

la jta jmulcutic; la jpascutic c'usi mu xtun. Toj chopol c'usi la jpascutic, ven jtoybauncutic; la jcomtsancutic li mantaletic avu'une xchi'uc li c'usitic avaloje.

Deuteronomio 13:6

“Me oy achi'ilic ta voq'uel, o me aquerem atsebic, me avajnilic ti lec ac'anojique, o me yan achi'ilic ti bats'i lec ac'anoj aba achi'uquique, me ta sujoxuc batel ta mucul yu'un ac'o bat avich'ic ta muc' li c'usitic cuybilic ta diosetic ti mu xavotquinique xchi'uc muc xotquinic ec li atot ame'ique, mu me xach'unic.

Deuteronomio 29:25

Li stac'ubile ja' jech chac li'i: ‘Yu'un muc xch'unic c'usi la xchapanic Muc'ul Dios xchi'uc li smoltotaquic ta vo'one c'alal iloq'uesatic tal ta Egiptoe.

Deuteronomio 29:26

Ja' la stsob sbaic batel ta yich'el ta muc', ja' bat squejan sbaic ta stojol li yan diosetic ti mu ono'ox xotquinique ti me jutuc mu'yuc c'usi ch-ac'batic yu'une.

Deuteronomio 32:17

Ja' la smilbeic smoton li pucujetique, muc ja'uc laj yac'beic li Diose. Ja' laj yac'beic li c'usitic cuybilic ta diosetic ti mu ono'ox xotquinique, ti ach' to sliquele, ti ach' to svulele, ti mu'yuc ono'ox laj yich'ic ta muc' li stot sme'ic ta vo'onee.

Hebreos 3:16

¿Boch'o sc'oplalic ti laj ya'yic ic'opanatic yu'un Diose, ti ja' no'ox la scontrainique? ¿Me mu ja'uc sc'oplalic scotol li israeletic ti iloq'uesatic tal ta Egipto yu'un Moisese?