Jeremías 43:2 - Bible in Tzotzil de Chenalhó with Deuterocanon

² jech laj yal li Azarías xnich'on Osaías, xchi'uc Johanán xnich'on Carea, xchi'uc scotol li jtoyba cristianoetique, jech laj yalbeic li Jeremiase: “¡Altic chanop li c'usi chavalbuncutique! Li Muc'ul Dios cu'untique mu'yuc jech yalojbot ti mu xu' chibatcutic ta Egiptoe.

Bible in Tzotzil de Chamula

² ti Azarías xnich'on ti Osaiase, ti Johanán xnich'on ti Careae, xchi'uc ti yan viniquetic mu tabaj ye sti' xa'i sbaique, xi laj yalic ta stojol ti Jeremiase: “¡Jutbil ti c'usi laj avale! Ti Ajvalil Dios cu'untique, mi ja'uc laj sc'ubanbot ta yalbelot ca'icutic ti mu lecuc mi ta xbat nacliuncutic ta Egiptoe.

Jeremías 43:2 Iomraidhean Croise

Génesis 19:14

Ja' yu'un li Lote bat sc'opan li queremetic ti smacojic xa li stsebetique. Jech laj yalbe: —¡Licanic, loc'cutic batel li' ta lume, yu'un li Muc'ul Diose ta xa slajes li lum li'i! —xut. Pero li stuquique muc xch'unic c'usi i'albatic yu'un li Lote; la scuyic ti ja' no'ox ta xlo'laatique.

2 Crónicas 36:13

Xchi'uc la stoy sba ta stojol li Nabucodonosor ti ja' isujat ta yalel ta jamal ta stojol Dios ti tsco'lajes yo'nton xchi'uque. Solel la spas ta tsots yo'nton; mu xa sc'an sut o tal ta stojol li Muc'ul Dios yu'un Israele.

Salmos 119:21

Vo'ot chataq'ui li jtoybaetique xchi'uc li boch'otic chopol yo'ntonique, ti tscomtsanic xch'unel li mantaletic avu'une.

Salmos 12:3

Muc'ul Dios, c'ocbo loq'uel yoq'uic li boch'otic chlo'lavanic ta sventa c'usi chalique, ti ja' no'ox tstoy sbaique,

Salmos 123:4

Solel sta xa co'ntoncutic yu'un li na'leel chiyac'buncutic jc'ulejetique xchi'uc li bajel chiyac'buncutic jtoybaetique.

Éxodo 5:2

Pero li faraone jech itac'ov: —¿Boch'o li ‘Muc'ul Diose’? ¿C'u yu'un ta jch'unbe ti tsc'an ta jloq'ues batel li israeletique? Mu xcotquin li Muc'ul Diose, xchi'uc mu'yuc ta jloq'ues batel li israeletique —xi.

Éxodo 9:17

Ac'o me jech chavil, pero staoj yav o avo'nton apajesoj li jteclum cu'une, mu xavac' loq'uicuc o batel.

Proverbios 16:5

Li Muc'ul Diose toj chopol chil li jtoybaetique; ta ono'ox sta yorail tstoj smulic.

Proverbios 30:9

Yu'un me ep c'usi oy cu'une xu' chlic ch'ayan ta co'nton, xu' chlic cal ti mu xacotquinote; jech noxtoc, me me'onune xu' chlic elc'ajcun, jech chopol chbat ac'oplal cu'un, vo'ot li Diosot cu'une.

Proverbios 6:17

ja' li boch'o tstoy sba c'u x'elan sq'uel osile, ja' li boch'o puru epalc'op tspase, ja' li boch'o tsmil xchi'il ti mu'yuc smule,

Proverbios 8:13

Li boch'o chich' ta muc' Muc'ul Diose ja' xa tscontrain o li c'usi chopole. Li vu'une contra chquil li toybaile, li boch'o toj muc' yac'oj sba, li c'usitic yan chopole, xchi'uc li epalc'ope.

Isaías 9:8

Li Cajvaltique la stac tal mantal ta stojol li Israel banamile, ja' li smomnich'nabtac Jacobe.

Jeremías 13:15

Israeletic, mu me xatoy abaic, yu'un laj xa sc'opanoxuc li Muc'ul Diose; a'ibeic lec li sc'ope.

Jeremías 18:18

Jech lic yalic li cristianoetique: “La'ic, la' jchapantic c'usi chcut ta jmiltic li Jeremiase, yu'un ta smantal Diose mu'yuc chal me oy ta xlaj sc'oplal ti oy paleetic chixchanubtasutique; mu'yuc ono'ox chlaj sc'oplal ti oy boch'o bijic sventa chisbijubtasutique, xchi'uc mu'yuc ono'ox chlaj sc'oplal ti oy j'alc'opetic chiyalbutic c'usi chal Diose. La', jnopbetic smul li Jeremiase; jyayijestic ta sventa jc'optic. Mu jtuc'ulanbetic li c'usi chale”, xiic.

Jeremías 40:8

Jech ta ora no'ox ibatic ta stojol Gedalías te ta Mizpa, ja'ic li Ismael xnich'on Netanías, Johanán, xchi'uc Jonatán xnich'nab Carea, Seraías xnich'on Tanhumet, xchi'uc xnich'nab Efai ta Netofa, xchi'uc Jezanías xnich'on jun Maaca vinic, xchi'uc svinictaquic.

Jeremías 41:16

Li Johanán xchi'uc li banquilal soldadoetic te xchi'uque; laj yiq'uic sutel scotol li xchi'iltaquic ti ay xchuc loq'uel ta Mizpa li Ismael c'alal laj xa'ox smil comel li Gedaliase, ja' li soldadoetic, li antsetic, li ololetic xchi'uc li boch'otic tsots yabtelique. Jech te laj yic' loq'uel ta Gabaón.

Jeremías 41:18

yu'un ta xi'ic yu'un li caldeaetic ta scoj ti la smil Gedalías li Ismaele; yu'un li ajvalil ta Babiloniae ja' la stic' comel ta ajvalilal te ta yosilalic.

Jeremías 42:1

Li banquilal soldadoetique xchi'uc li Johanán xnich'on Careae, xchi'uc li Azarías xnich'on Osaiase, xchi'uc scotol li judaetic c'alal ta biq'uit ta muq'ue,

Jeremías 42:20

¿C'u yu'un ti ja' no'ox chasa' avocol atuquique? Yu'un vo'oxuc atuquic laj avalbicun ti ac'o jc'opan li Muc'ul Dios cu'untique, jech laj avalbicun: ‘C'anbo vocol ta jtojolcutic li Muc'ul Dios avu'une; albun ca'icutic scotol li c'usitic chayalbote, ta jch'uncutic’, xavuticun.

Jeremías 42:5

Jech laj yalbeic li Jeremiase: —Li Dios avu'une ja' tsva'an sba ta tuq'uil testigo ta jtojolcutic ti me muc jch'uncutic li c'usi chayalbote.

Jeremías 43:1

C'alal ilaj yo'nton ta yalbel xchi'iltac Jeremías li c'usitic laj yal Muc'ul Dios ta sventaique,

Jeremías 44:16

—Mu jch'uncutic c'usi chavalbuncutic ta sventa li Muc'ul Diose.

Santiago 4:6

Pero li Diose slequil no'ox yo'nton chixc'uxubinutic, ja' yu'un jech ts'ibabil: “Li Diose tscontrain li jtoybaetique; yan li boch'o biq'uit chac' sbaique ja' ta xc'uxubin”, xi.

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.