Jeremías 43:10 - Bible in Tzotzil de Chenalhó with Deuterocanon

¹⁰ Jech xavalbe ya'yic: ‘Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele: A'yo ava'yic, ta jtac tal li cajtunel Nabucodonosor ajvalil ta Babiloniae. Li' ta xvul spas xchotleb ta sba li tonetic la jmuque; li' ta xvul xlich'an scarpana.

Bible in Tzotzil de Chamula

¹⁰ Xi xavalbe ya'iique: ‘Ti Ajvalil Dios yu'un Israel ti scotol xu' yu'une, xi ta xale: Ta xvul ta loq'uel cu'un ti cajtunel Nabucodonosor ajvalil yu'un ti Babiloniae. Ta snacan sna ta sventa ajvalilal. Ta xchotan spasob mantal li' ti bu laj jmuc ti tonetique.

Jeremías 43:10 Iomraidhean Croise

1 Reyes 20:12

Li Ben-adade jun yo'nton te ch-uch'bajic xchi'uc yantic ajvaliletic ta scarpanaic c'alal ic'ot ya'yejic li j'almantaletique. C'alal laj ya'ye, jech lic yalbe li j'abteletic yu'une: “¡Batic ta pleito!”, xut. Scotolic bat stsaquic ta pleito li lum Samariae.

1 Reyes 20:16

Ta o'lol c'ac'al iloq'uic batel. Li Ben-adade te oy yo' bu spasoj scarpanaique; te chyacubic xchi'uc li lajchab xcha'vinic (32) yantic ajvaliletic talemic ta coltavaneje.

Salmos 18:11

Li ic'al toque la stunes ta sventa snac'ubbail; li ic' osil ta scoj li pimil toc xcuchoj ya'lele la stunes sventa la smac sba o ta joyob.

Salmos 27:5

Ja' chisnac'un te ta xch'ulna ti c'alal chtal chopol ora ta jtojole; ja' chisnac'un te ti bu nacal stuque; ja' chismacun ta muc'ta tsatsal ton.

Salmos 31:20

Ta anac'unajeb atuc chanac', jech mu xc'ot ta pasel c'usi xchapanojic li cristianoetique; ta avaxinal atuc chamac, jech mu xtaat ta chopolc'optael.

Isaías 44:28

Vu'un jech ta xcalbe noxtoc li Ciroe: ‘Vu'un jchabichij chac'ot cu'un; vo'ot chapasbun scotol li c'usi ta jc'ane’, chcut. Jech chcalbe li Jerusalene: ‘Chavich' cha'va'anel yan velta’, chcut. Jech chcalbe li ch'ulnae: ‘Chavich' cha'nacanel lec yan velta’, chcut”, xi li Muc'ul Diose.

Isaías 45:1

Li Muc'ul Diose la st'uj li ajvalil Ciroe; la snitbe tal ta sc'ob, yu'un chac'be sventain li jujun banamile, yu'un ac'o slajesbe stsatsal li muc'tic ajvaliletique. Ac'o sjam scotol li ti'coraltonetique, yu'un jech mu'yuc xa boch'o xu' yu'un tsmac o. Ja' yu'un jech chalbe:

Jeremías 1:15

Vu'un li Muc'ul Diosune ta xcal ta jamal ti ta jtac tal scotol li ajvaliletic ta nortee. Ta xtal spas scarpanaic te ta ti'coraltonetic ta Jerusalén xchi'uc ta sjoylejal li coraltone, xchi'uc ta scotol lumetic ta Judá.

Jeremías 43:9

“Peto tal jaybejuc muc'tic ton, te ta sat scotol judaetic xamuc ta banamil ti bu ac'bil lec ladrillo te ta sti' spasubmantal faraón ta lum Tafnese.

Jeremías 46:13

Li j'alc'op Jeremiase ital c'opanatuc yu'un Muc'ul Dios, ja' i'albat ti chtal yich' tsaquel ta pleito yu'un ajvalil Nabucodonosor ta Babilonia li Egiptoe:

Jeremías 49:38

Vu'un li Muc'ul Diosune ta xcac' lec jchotleb te ta Elam; ta jmilbe li ajvaliletic xchi'uc li banquilaletic yu'une.

Ezequiel 5:12

Li jnaclumetic avu'une jvoc' ta xchamic ta tsatsal chamel xchi'uc ta vi'nal te ta atojol. Li yan jvoq'ue ta xich'ic milel ta espada te ta apat axocon. Li yoxvoc'ale ta jpuquic batel ta xchanjotal xchiquin banamil. Ta jnutsic batel ta espada ta sva'lupatic.

Daniel 2:21

Ja' tsjel ti c'u x'elan ora chtale, xchi'uc ja' tsjel c'u x'elan chtal li jujun jabile. Ja' tsloq'ues, xchi'uc ja' tstic' ta yabtel li ajvaliletique. Ja' chac'be ep sbijil li boch'otic bijique; ja' tsjambe sat li boch'otic oy c'usi lec sna'ique.

San Mateo 22:7

C'alal laj ya'ay li ajvalile, i'ilin. La stac batel yajsoldadotac yu'un bat smilic li jmilvanejetique. La xchic'beic comel li slumalique.