Jeremías 42:3 - Bible in Tzotzil de Chenalhó with Deuterocanon

³ C'anbo vocol Dios avu'un, yu'un ac'o yac' quilcutic ti bu beal ta jtamcutic batele xchi'uc li c'usi tsc'an ta jpascutique —xutic.

Bible in Tzotzil de Chamula

³ Vocoletan cu'uncutic ta stojol ti Ajvalil Dios avu'une, yo' jech ta xistojobtasuncutic ti bu xu' ta jtamcutic batele, ti c'usi ta sc'an ta jpascutique.”

Jeremías 42:3 Iomraidhean Croise

1 Reyes 8:36

a'ibun sc'opic te ta vinajel. Pasbo perdón li smulique. Ac'bo yilic li lequil be bu tsc'an tstamic batele. Taco me tal vo' li' ta banamil ti bu avac'ojbe yu'uninic li ateclumale.

Esdras 8:21

C'alal te oyuncutic ta nopol uc'um Ahavae, laj cal mantal ti ac'o quicta quiximcutic, yu'un jech ac'o cotquin jmulcutic ta stojol li Diose, xchi'uc ac'o jc'anbecutic ti ac'o xchabiuncutic batel ta be jchi'uc cajnil jnich'nabcutic xchi'uc c'usitic oy cu'uncutique.

Salmos 27:11

Muc'ul Dios, chanubtasun ta spasel li c'usi chac'ane; tojobtasun batel ta tuq'uil be, yu'un jech mu xistaicun li cajcontrataque.

Salmos 86:11

Muc'ul Dios, ac'bun lec quil li be avu'une, yu'un ja' no'ox ta jc'an ta jtam batel. Ac'bun ta co'nton ti vo'ot no'ox xu' chaquich'ot o ta muq'ue.

Proverbios 3:6

Ac'o sventain Muc'ul Dios scotol li c'usi chapase, yu'un ja' xu' chayic'ot batel ta tuq'uil be.

Isaías 2:3

Ep cristianoetic chtalic ta jujun lum jech chalic: “La'ic, muycutic batel ta vits yu'un li Muc'ul Diose; muycutic batel ta sna li Dios yu'un Jacobe, yu'un ja' te chijyac'butic quiltic li beetic yu'une, jech chlic xanovcutic ta bic'tal be yu'un”, xiic. Yu'un ja' te ta Sión ta xloc' tal li mantaletic yu'un Muc'ul Diose; te ta Jerusalén ta xlic tal li sc'ope.

Jeremías 6:16

Li Muc'ul Diose jech chalbe noxtoc li yu'untaque: “Va'ano abaic ta be, q'uelo lec avilic. Jac'o c'u x'elan li beetic ta vo'onee; jac'o ava'yic bu li tuq'uil bee. Ja' xat'unic batel, jech cux xi avo'ntonic”, xut. Pero li stuquique jech chalic: “Mu jc'an te xibatcutic”, xiic.

Miqueas 4:2

Ep yantic banamil ta xtalic, jech chalic: “La'ic me, muycutic batel ta vits yu'un li Muc'ul Diose; batic ta xch'ulna li Dios yu'un Jacobe. Jech xu' chixchanubtasutic ta stamel li be yu'une, jech xu' cu'untic ta jtambetic o batel li be yu'une”, xiic. Yu'un ja' te ta vits Sión ta xloc' tal li chanubtasel yu'un Muc'ul Diose; ja' te ta Jerusalén ta xlic tal li mantal yu'une.

Deuteronomio 5:26

Mu'yuc boch'o xu' yu'un cha'ibe sc'opojel li cuxul Dios ta o'lol c'oc' jech chac c'u cha'al laj ca'itic, ti muc boch'o xcham cu'untique.

Deuteronomio 5:29

Toj lec ti jechuc yo'ntonic o scotol c'ac'ale, xchi'uc ti jechuc chiyich'icun o ta muq'ue, xchi'uc ti spasicuc o scotol ora c'usi chal li mantaletic cu'une. Yu'un jech xcuxet no'ox yo'nton chcuxiic xchi'uc yalab xnich'nabic ti jechuque.