Jeremías 42:1 - Bible in Tzotzil de Chenalhó with Deuterocanon

¹ Li banquilal soldadoetique xchi'uc li Johanán xnich'on Careae, xchi'uc li Azarías xnich'on Osaiase, xchi'uc scotol li judaetic c'alal ta biq'uit ta muq'ue,

Bible in Tzotzil de Chamula

¹ Scotol ti banquilal jtsobvanejetic yu'un ti soldadoe, ti Johanán xnich'on ti Careae, ti Azarías xnich'on ti Osaiase, xchi'uc scotol ti jteclume, mi ich'bilic ta muc', mi mu'yuc ich'bilic ta muc', talic un,

Jeremías 42:1 Iomraidhean Croise

2 Reyes 25:23

C'alal laj ya'yic scotol banquilal soldadoetic ta Judá xchi'uc svinictaquic ti laj xa stic' ta ajvalil Gedalías li muc'ta ajvalil ta Babiloniae, te ibatic ta Mizpa xchi'uc svinictaquic, bat sc'opanic li Gedaliase. Li boch'otic ibatique ja' Ismael, xnich'on Netanías, Johanán, xnich'on Carea, Seraías, xnich'on Tanhumet ta Netofa, xchi'uc Jaazanías, xnich'on jun vinic liquem ta Maaca te xchi'inojic batel li svinictaquique.

Isaías 29:13

Li Muc'ul Diose jech laj yalbun: “Li cristianoetic li'i, chtunic cu'un ta sc'opic no'ox; chiyich'icun ta muc' ta yeic no'ox, pero li yo'ntonique nom oy ta jtojol. Smantal no'ox cristiano chch'unic ti c'u x'elan chiyich'icun ta muc' yilele; nopbil no'ox yu'un cristiano li c'usi tspasique.

Isaías 48:1

“Yalab xnich'nab Jacob, a'yo ava'yic, vo'oxuc ti abiinojic Israele, vo'oxuc li sts'unubaloxuc Judae, vo'oxuc ti oy c'usi chavalic ta jamal ta sbi Muc'ul Diose, ti chana'ilanic to li Dios yu'un Israele, ac'o me mu jechuc smelol, me mu jechuc stuq'uil li c'usi chapasique.

Jeremías 37:3

Li ajvalil Sedequiase la stac batel ta stojol j'alc'op Jeremías li Jucal xnich'on Selemías, xchi'uc li pale Sofonías xnich'on Maasiase, jech c'ot yalbeic: “C'anbuncutic vocol ta stojol li Muc'ul Dios cu'untique”, xutic.

Jeremías 40:13

Li Johanán xnich'on Carea xchi'uc scotol li banquilal soldadoetic te oyic ta te'tique te italic ta stojol Gedalías te ta Mizpa.

Jeremías 40:8

Jech ta ora no'ox ibatic ta stojol Gedalías te ta Mizpa, ja'ic li Ismael xnich'on Netanías, Johanán, xchi'uc Jonatán xnich'nab Carea, Seraías xnich'on Tanhumet, xchi'uc xnich'nab Efai ta Netofa, xchi'uc Jezanías xnich'on jun Maaca vinic, xchi'uc svinictaquic.

Jeremías 41:11

Li Johanán xnich'on Carea xchi'uc li banquilal soldadoetic te xchi'inoje laj ya'yic scotol c'usi chopol la spas li Ismael xnich'on Netaniase.

Jeremías 41:16

Li Johanán xchi'uc li banquilal soldadoetic te xchi'uque; laj yiq'uic sutel scotol li xchi'iltaquic ti ay xchuc loq'uel ta Mizpa li Ismael c'alal laj xa'ox smil comel li Gedaliase, ja' li soldadoetic, li antsetic, li ololetic xchi'uc li boch'otic tsots yabtelique. Jech te laj yic' loq'uel ta Gabaón.

Jeremías 41:18

yu'un ta xi'ic yu'un li caldeaetic ta scoj ti la smil Gedalías li Ismaele; yu'un li ajvalil ta Babiloniae ja' la stic' comel ta ajvalilal te ta yosilalic.

Jeremías 42:20

¿C'u yu'un ti ja' no'ox chasa' avocol atuquique? Yu'un vo'oxuc atuquic laj avalbicun ti ac'o jc'opan li Muc'ul Dios cu'untique, jech laj avalbicun: ‘C'anbo vocol ta jtojolcutic li Muc'ul Dios avu'une; albun ca'icutic scotol li c'usitic chayalbote, ta jch'uncutic’, xavuticun.

Jeremías 42:8

Te laj yic' li Johanán xchi'uc scotol li banquilal soldadoetic te xchi'uque, xchi'uc scotol li xchi'iltaquic c'alal ta biq'uit ta muq'ue,

Jeremías 43:2

jech laj yal li Azarías xnich'on Osaías, xchi'uc Johanán xnich'on Carea, xchi'uc scotol li jtoyba cristianoetique, jech laj yalbeic li Jeremiase: “¡Altic chanop li c'usi chavalbuncutique! Li Muc'ul Dios cu'untique mu'yuc jech yalojbot ti mu xu' chibatcutic ta Egiptoe.

Jeremías 44:12

Li scomelal judaetic ti la sc'upinic batel, bat naquiicuc ta Egiptoe te ta x'ulic scotolic ta Egipto. Te ta xlajic ta milel, ta vi'nal c'alal ta muc' ta biq'uit. Jech mu'yuc xa stuic, labanbilic, bajbilic chcomic o.

Jeremías 6:13

“Yu'un c'alal ta biq'uit ta muc' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic, puru lo'lavanej tspasic.

Jeremías 8:10

Li yajnilique ta xcac' ta yan viniquetic; li yosilique ta xcac' ochuc yan yajval. Yu'un c'alal ta biq'uit ta muc' ja' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic puru lo'lavanej tspasic.

Ezequiel 11:1

Li svu'el stsatsal Diose la slicun muyel, laj yic'un batel ta sti' xch'ulna Muc'ul Dios te ta stuq'uil sloq'ueb c'ac'al. Te laj quil vo'ob xcha'vinic (25) viniquetic, te xchi'uquic li Jaazanías xnich'on Azure, xchi'uc li Pelatías xnich'on Benaiae, ja' li banquilaletic yu'unic te ta lume.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Ezequiel 8:11

Ta stuq'uil li c'usi loc'tabilique te va'ajtic lajuneb xchanvinic (70) viniquetic, ja' li banquilaletic yu'un israeletique. Ja' te oy ta o'lol yu'unic li Jaazanías xnich'on Safane. Stsacanojic jujun xchic'ubil pom; te ta xchiq'uic pom ta stojol li c'usi loc'tabilique. Ic'uben no'ox xch'ayilal chmuy yu'unic li pome.

San Mateo 15:8

‘Li cristianoetic li'i, chiyich'icun ta muc' ta yeic no'ox; pero li yo'ntonique nom oy ta jtojol.

Hechos 8:10

Scotol cristianoetic c'alal ta biq'uit ta muc' la sts'e'chiquintaic lec li c'usi laj yale. Jech laj yalic: “Le'e, ja' svu'el stsatsal li Dios ti ‘toj ech'em smuc'ul’, xi sbie”, xiic.