Jeremías 41:1 - Bible in Tzotzil de Chenalhó with Deuterocanon

¹ Ta svucubal u ibat sc'opan Gedalías te ta Mizpa li Ismael xnich'on Netanías smomnich'on Elisama, ja' li bats'i smomnich'nab li boch'otic i'ochic tal ta ajvalilale, xchi'inoj batel lajuneb xchi'iltac. C'alal ja'o te co'ol chve'ique,

Bible in Tzotzil de Chamula

¹ Ti Ismael xnich'on ti Netaniase, smom ti Elisamae, ti ja' snitilultac ti ajvaliletique, ta yucubal u, bat ta Mizpa ta xchapel slo'ilic xchi'uc ti Gedaliase, chi'inbil batel yu'un lajunvo' (10) viniquetic. C'alal jmoj vololic ta ve'el uch' vo' ta Mizpae,

Jeremías 41:1 Iomraidhean Croise

2 Samuel 3:27

C'alal ic'ot ta Hebrón li Abnere, li Joabe laj yic' batel ta jot xocon ti'na, yu'un te bat sc'opan stuc. Jech te la smil o; ja' la spacbe sutel sc'oplal li yits'in Asael ti laj ono'ox smil eq'ue.

2 Reyes 11:1

Li Atalía sme' Ocoziase, laj ya'ay ti chamen xa li yole, ja' li Ocoziase, jech lic smilbe scotol li xnich'nabtac yole.

2 Reyes 25:22

Li Nabucodonosor, ajvalil ta Babiloniae, ja' la stic' comel ta ajvalilal ta Judá li Gedalías, xnich'on Ahicam, smomnich'on Safane, yu'un ja' ac'o sventain li boch'otic te to la scomtsane.

2 Reyes 25:25

Pero ta svucubal u ibat ta stojol Gedalías li Ismael, xnich'on Netanías, smomnich'on Elisamae, yu'un ja' bats'i sts'unubalic li ajvaliletic ijelovic ta Judae; te xchi'inoj batel lajuneb xchi'iltac. Te la smilic comel li Gedaliase, xchi'uc li judaetic, li caldeaetic ti te xchi'inoj ta abtel ta Mizpae.

2 Crónicas 22:10

Li Atalía sme' Ocoziase laj yil ti icham xa li yole, ja' li Ocoziase, jech itots batel, bat smilbe scotol yalab xnich'nab li yole, ja' li ajvalil to'ox ta Judae.

Salmos 109:5

Li vu'une lec c'usi la jpasbeic, pero li stuquique chopol c'usi chispasbicun. Li vu'une lec la jc'anic, pero li stuquique stsoq'uet yo'ntonic cu'un.

Salmos 41:9

Li boch'o co'ol co'nton jchi'uc, ti lec to'ox jpatoj co'nton yu'une, xchi'uc ti jmoj to'ox chive' jchi'uque, ic'ataj xa ta cajcontra noxtoc.

Proverbios 13:10

Li toybaile ja' no'ox xu' tsliques c'op; yan li bijubtasele ja' te oy ta stojol li boch'o chich' ta muc' tojobtasele.

Proverbios 27:4

Li ilinele toj tsots, li sc'ac'al o'ntonale ja' jsoquesvanej; toj vocol chcuch' cu'untic noxtoc li ti'-o'ntaele.

Jeremías 36:12

Jech ibat ta spasubmantal ajvalil te ta svayab-na jts'ibajom. Ja' te chotolic scotol li j'abteletique, ja' li Elisama jts'ibajome, Delaía xnich'on Semaías, Elnatán xnich'on Acbor, Gemarías xnich'on Safán, Sedequías xnich'on Ananías, xchi'uc scotol li yan banquilaletique.

Jeremías 36:20

Li balbil vune te laj yaq'uic ta svayab-na Elisama, ja' li jts'ibajome, jech te ibatic ta spasubmantal li ajvalile; la xcholbeic ya'ay ajvalil scotol li c'usi laj ya'yique.

Jeremías 39:14

laj yalic mantal ti ac'o bat yich' iq'uel tal li Jeremías ti te chucbil ta yamaq'uil chuquinabe. Ja' laj yac'beic ta sc'ob li Gedalías xnich'on Ahicam smomnich'on Safane, yu'un ac'o yic' batel ta sna. Ja' yu'un li Jeremiase te icom naquiuc xchi'uc li xchi'iltaque.

Jeremías 40:13

Li Johanán xnich'on Carea xchi'uc scotol li banquilal soldadoetic te oyic ta te'tique te italic ta stojol Gedalías te ta Mizpa.

Jeremías 40:5

Yan me chac'an chasute, bat chi'ino li Gedalías xnich'on Ahicam smomnich'on Safane, yu'un li ajvalil ta Babiloniae ja' xa la stic' ta ajvalilal ta sventa scotol li lumetic li' ta Judae. Te chi'ino ta naclej xchi'uc li achi'iltaque. Xu' chanop atuc ti bu chac'ane”, xut. Laj yac'be comel smoton, laj yac'be sve'el; te la svoc' sbaic, jech ibat.

Jeremías 40:6

Li Jeremiase bat xchi'in li Gedalías xnich'on Ahicam te ta Mizpae; te la xchi'in ta naclej li xchi'iltac ti te icomic ta yosilalique.

Jeremías 40:7

C'alal te snac'oj sbaic ta te'tic li banquilal soldado yu'un judaetic xchi'uc svinictaquique, laj ya'yic ti ja' xa la stic' ta ajvalilal te ta slumalic li Gedalías xnich'on Ahicam li ajvalil ta Babiloniae, xchi'uc ti ja' laj yac'be comel sventain li vinic antsetic xchi'uc li ololetic ti ven me'onic te ta yosilalique, ja' li boch'otic mu'yuc laj yich'ic chuquel batel ta Babiloniae.

Jeremías 40:8

Jech ta ora no'ox ibatic ta stojol Gedalías te ta Mizpa, ja'ic li Ismael xnich'on Netanías, Johanán, xchi'uc Jonatán xnich'nab Carea, Seraías xnich'on Tanhumet, xchi'uc xnich'nab Efai ta Netofa, xchi'uc Jezanías xnich'on jun Maaca vinic, xchi'uc svinictaquic.

Ezequiel 17:13

Jech noxtoc laj yic'be batel jun smomnich'on li ajvalil ti sc'oplal ja' ch-och ta xq'uexole; oy c'usi la xchapan xchi'uc. Laj yac'be yal ta jtojol ti tspas li c'usi la xchapan xchi'uque. Co'ol laj yic' batel xchi'uc li boch'otic ich'bilic ta muc' te ta lume,

San Juan 13:18

“Muc acotolicuc jech chacalboxuc. Li vu'une xcotquin li boch'otic t'ujbilic cu'une. Pero tsc'an ac'o c'otuc ta pasel ti jech ts'ibabil comel ta sc'op Diose: ‘Li boch'o co'ol chive' jchi'uque ja' xa cajcontra ic'ot’, xi ono'ox ts'ibabil.