Jeremías 40:2 - Bible in Tzotzil de Chenalhó with Deuterocanon

² Li banquilal jchabivanej Nabuzaradane laj yic' li Jeremiase, jech laj yalbe: “Li Muc'ul Dios avu'une laj ono'ox yal ti chtal vocol li' ta banamile.

Bible in Tzotzil de Chamula

² Ti banquilal yu'un ti jchabivanej soldadoetique, laj yic' batel slecoj ti Jeremiase, ti xi laj yalbee: “Ti Dios avu'une laj xchapanbe sc'oplal ti banomil li'e ti ta xac'be svocole.

Jeremías 40:2 Iomraidhean Croise

Jeremías 11:17

“Vu'un li Muc'ul Diosun ti ta jpas ta mantal scotol te ta vinajele; vu'un la jts'un li Israel xchi'uc Judae. Laj xa cal ti chcac'be tal svocolique, ja' ta scoj smul li smomnich'nabique, yu'un la sa'bicun sc'ac'al co'nton ta sventa ti ja' ta xchiq'uic pom ta stojol li dios Baale”, xi li Muc'ul Diose.

Jeremías 50:7

Te la snupic ta be li yajcontraique, te imilatic. Li yajcontraique jech laj yalic: ‘Mu'yuc jmultic li vu'utique; ja' stuquic staoj smulic ta stojol li Muc'ul Dios ti ja' slequil ve'ubique, ti ja' stsatsal yo'ntonic li smoltot syame'ic ta vo'onee’, xiic.

Jeremías 52:16

Ja' xa no'ox la scomtsan li me'onetique sventa ja' ac'o stuc'ulanic li ts'usubaltique, xchi'uc ac'o yabtelanic li banamile.

Levítico 26:14

“Pero me mu xachiquintaic, me mu xapasic scotol li mantaletic li chanubtaseletic cu'un li'i, me chabajic, me mu'yuc tsots sc'oplal chava'yique, laj xa asoquesic o li c'usi chapanbil cu'une.

Deuteronomio 28:15

“Pero me mu xach'unbeic c'usitic laj yalboxuc li Muc'ul Dios cu'untique, me mu xapasilanic batel li smantaltac laj calboxuc ava'yic li' ta orae, ta me xtal ta atojolic scotol li vocoletic li'i:

Deuteronomio 31:17

Tsots chlic ilincun yu'unic ta sventa ti jech tspasique. J'ech'el ta jcomtsanic o; j'ech'el ta jch'ayic o ta co'nton. Jech ep ta sta svocolic; ep c'usi chopol chc'ot ta stojolic. Ts'acal jech chlic yalic: ‘Ti vi x'elan toj ep jvocoltique, ¿me mu ja'uc ta scoj ti mu'yuc xa xchi'inojutic li Diose?’, xiic.

Deuteronomio 32:19

C'alal laj yil li Muc'ul Diose, i'ilin. Jech lic yilinta li squeremetic stsebetique.