Jeremías 4:9 - Bible in Tzotzil de Chenalhó with Deuterocanon

⁹ “C'alal me ic'ot li sc'ac'alil le'e, ta xniquic ta xi'el li ajvalil xchi'uc li banquilaletique. Li paleetique toj batel xch'ulel chc'otic; li j'alc'opetique toj ch'ayel chc'ot yo'ntonic”, xi li Muc'ul Diose.

Bible in Tzotzil de Chamula

⁹ Ti Diose xi ta xale: “C'alal ta xc'ot sc'ac'alil taje, ti ajvalile xchi'uc ti banquilaletique, xnicnunic xa liquel ta xi'el. Ti paleetique mu ech'baj ti xi'el ta xa'iique. Ti j'alc'opetique ta xbat xch'ulelic ta xi'el.”

Jeremías 4:9 Iomraidhean Croise

2 Reyes 25:4

Jech te la svomic loq'uel li coraltone. Ja' te ijatovic loq'uel ta ac'ubaltic li ajvalile xchi'uc scotol li soldadoetique. Te setel icomic li caldea soldadoetique. Te iloq'uic batel ta sjap ti bu cha'c'ol coralton ta sbelal ts'unubaltic yu'un ajvalile. Te ibatic ta sbelal Arabá.

Salmos 102:4

Tuch'em ya'yel li co'ntone. Tsmats' xa ya'yel jech chac c'u cha'al ts'i'lal; mu xa xchi ve'el uch' vo' chca'ay.

Isaías 19:16

Me la sta li sc'ac'alil le'e, tspasic ta ants li egiptoetique, ta xi'ic, ta xch'ay yo'ntonic yu'un li Muc'ul Dios c'alal chilic tstoy sc'ob ta stojolic sventa chcontrainatique.

Isaías 19:3

Ta jch'aybe yo'ntonic li egiptoetique; ta jsocbe li c'usi chapal yu'unique; chlic sjac'be c'usi tspasic li sloc'obal sdiosique, li j'ac'chameletic yu'unique, li jt'unuletic yu'unique, xchi'uc xch'ulelic li boch'otic chamenic xae.

Isaías 28:19

C'alal chtal jujun veltae, chaxjochoxuc o batel, yu'un ta jujun sob chtal; chtal ta c'ac'al, ta ac'ubal. C'alal ja' to no'ox chava'ibeic sc'oplale, chaniquic ta xi'el.

Jeremías 2:26

“Jech chac c'u cha'al chyal ta q'uexlal jun j'elec' me ivinaje, ja' jech chyalic ta q'uexlal ec li smomnich'nab Israele; chyalic ta q'uexlal li ajvaliletic, li banquilaletic, li paleetic, xchi'uc li j'alc'opetic yu'unique.

Jeremías 25:34

¡Jchabichijetic, oc'anic avananic! ¡Banquilal jq'uelchijetic, mochano abaic ta pucuctic! Yu'un laj xa sta yorail ti chavich'ic milel, ti chavich'ic puquel batele, yu'un chavich'ic lilinel vo'oxuc ti ja' jechoxuc jech chac c'u cha'al vaso ti toj c'upil to'ox sbae.

Jeremías 37:19

¿Bu oy li j'alc'opetic avu'un ti laj yalbicot ti mu'yuc ta xtal scontrainutic, ti mu'yuc ta xtal soquesic cosilaltic li ajvalil ta Babiloniae?

Jeremías 48:41

Ta x'och ta c'abal li lumetic yu'une xchi'uc li tsatsal coraltonetic yu'une. Li simaron soldadoetic yu'une chniquic xa jech chac c'u cha'al jun ants ti toj c'ux svocol cha'ay c'alal yorail xa chcuxe.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Jeremías 52:7

Ac'o me te setelic ta spat xocon lum li caldea soldadoetique, pero te lic svomic loq'uel li coraltone. Ja' te ijatovic loq'uel li ajvalil Sedequías xchi'uc scotol yajsoldadotaque. Te iloq'uic batel ta ac'ubaltic ta sjap yo' bu cha'c'ol coralton te ta nopol ts'unubaltic yu'un ajvalile; te ibatic ta sbelal Arabá.

Hechos 13:41

‘A'yo ava'yic, vo'oxuc ti ja' no'ox chalabanic c'usi chcale, ch'ayel c'otuc avo'ntonic, ch'ayanic o batel. Yu'un vu'un ta jpas jchop o abtel c'alal yorail cuxuloxuc ti mu stac' ch'unel chava'yic c'alal me oy boch'o chayalboxuque’, xi li j'alc'opetique —xi li Pabloe.