Jeremías 4:8 - Bible in Tzotzil de Chenalhó with Deuterocanon

⁸ Ja' lec lapic c'u'il sventa at-o'nton; ato avo'ntonic, oc'tao abaic, yu'un te me oy o ta atojolic li sc'ac'al co'ntone.”

Bible in Tzotzil de Chamula

⁸ Jech o xal un, lapic ti lajemal c'u'ile, oc'anic, ajetanic xchi'uc ti xc'uxule. Ti stilemal sc'ac'al yo'nton ti Diose, mu'yuc sq'uejoj sba loq'uel ta jtojoltic.”

Jeremías 4:8 Iomraidhean Croise

Salmos 78:49

Laj yac'be xcuchic scotol li sc'ac'al yo'ntone, ja' li stojol mulile, li c'ux vocole, li lajele. Xco'laj xchi'uc jtsob jmilvanej j'almantaletic ital ta stojolic li lajele.

Isaías 10:4

Mu'yuc xa c'usi xu' avu'unic; ja' no'ox te xamutste-mutsteic xchi'uc li yan jchuqueletique. Te chachi'inic ta lajel li boch'otic chamenic xae. Pero mu ono'ox xlaj o sc'ac'al yo'nton li Diose; te staoj yav sye'oj o sc'ob.

Isaías 13:6

Me'on-oc'anic, yu'un nopol xa chc'ot sc'ac'alil yu'un li Muc'ul Diose; xco'laj xchi'uc jmoj ta majel chvul li Boch'o ech'em svu'ele.

Isaías 22:12

Ja' jech sc'ac'alil chac' oc'anic li Muc'ul Dios ti ech'em svu'ele, chac' avat avo'ntonic, chac' ajux stsotsil ajolic, xchi'uc chac' alapic c'u'il ti ch'ixlajan ta lapele.

Isaías 32:11

Xi'anic vo'oxuc ti mu c'usi xtal ta avo'ntonique; vo'oxuc ti jun no'ox avo'nton chava'yique, nicanic me ta xi'el. Loq'ueso li ac'u' apoq'uique; ja' lapic li c'u'il ti ch'ixlajan ta lapele.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Isaías 9:12

Chliquic tal ta sloq'ueb c'ac'al, ja' li siriaetique; chliquic tal ta smaleb c'ac'al, ja' li filistaetique. Jxoxel no'ox ta eil chac'beic li Israele. Pero mu ono'ox xpaj o sc'ac'al yo'nton li Muc'ul Diose; te to staoj yav sye'oj o sc'ob.

Isaías 9:17

Ja' yu'un li Muc'ul Diose muc xc'uxubin li queremetic yu'unique; mu'yuc abul sba laj yil li me'on ololetic xchi'uc li me'on antsetique. Yu'un scotolic toj chopolic, bolibenic ta jyalel; scotolic puru chopol c'usi chloc' ta yeic. Pero li Muc'ul Diose muc ono'ox x'ech' o li sc'ac'al yo'ntone; te to staoj yav sye'oj o sc'ob.

Isaías 9:21

Li Manasese tscontrain li Efraine; li Efraine chac'be ec li Manasese. Jech noxtoc xcha'chopalic chbat scontrainic li Judae, pero mu ono'ox xpaj o sc'ac'al yo'nton li Muc'ul Diose; te staoj yav sye'oj o sc'ob.

Jeremías 25:34

¡Jchabichijetic, oc'anic avananic! ¡Banquilal jq'uelchijetic, mochano abaic ta pucuctic! Yu'un laj xa sta yorail ti chavich'ic milel, ti chavich'ic puquel batele, yu'un chavich'ic lilinel vo'oxuc ti ja' jechoxuc jech chac c'u cha'al vaso ti toj c'upil to'ox sbae.

Jeremías 30:24

Muc teuc no'ox ch-ech' li sc'ac'al yo'nton Muc'ul Diose, ja' to ti me ic'ot ta pasel yu'un li c'usi snopoj tspase. Ta to sta sc'ac'alil chava'ibeic smelol scotol le'e.

Jeremías 48:20

Li Moabe iyal xa ta q'uexlal, iyich' xa o. ¡Oc'anic, avananic ta stojol! Alic batel ta uc'um Arnón ti ilaj xa o li Moabe”, xi li Muc'ul Diose.

Jeremías 6:26

Jchi'iltac, lapic c'u'il sventa at-o'nton ti ch'ixlajan ta lapele. Balo abaic ta tan, ato avo'ntonic, oc'tao abaic, jech chac c'u cha'al li boch'o chcham xnich'on ti c'ajumal jun xnich'on oye, yu'un ta xa me xtal li jmilvanej ta jtojoltique.

Lamentaciones 1:12

Vo'oxuc ti chajelovic li' ta bee, ¿me oy bu yan jech vocol chavilic jech chac c'u cha'al li jvocole? Yu'un li Muc'ul Diose laj yac'bun tsots jvocol, yu'un ilic sc'ac'al yo'nton ta jtojol.

Ezequiel 21:12

Xnich'on cristiano, oc'an, avanan, yu'un chapal xa chich' milel scotol li jteclumale; chich' milel scotol c'alal ta banquilaletic te ta Israel. Scotolic co'ol chlajic ta milel ta espada xchi'uc li jteclumale. Ja' yu'un, majilano sna avo'nton ta scoj li vocole,

Ezequiel 30:2

“Vo'ot xnich'on cristiano, c'opojan, jech xaval ta jventa: ‘Jech chal li Muc'ul Diose: Oc'anic, avananic, yu'un inopaj xa tal sc'ac'alil.

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Amós 8:10

Li q'uinetic avu'unique ta jc'atajes ta at-o'nton; li q'ueojetic avu'unique ta jc'atajes ta oq'uel. Ta xcac' alapic c'u'il sventa at-o'nton, xchi'uc chlic ajux ajolic ta sventa at-o'nton. Ta xcac' oc'anic jech chac c'u cha'al ch-oc' boch'o chcham xnich'on ti c'ajumal jun oy yu'une; chalajic ta ven tsatsal vocol”, xi.

Miqueas 1:16

Sión, juxo loq'uel stsotsil ajol ta scoj li avalab anich'nab ti lec ac'anoje. Paso aba ta t'abjol jech chac c'u cha'al sjol xulem, yu'un ta xich'ic chuquel batel ta yan banamil li jnaclumetic avu'une”, xi li Diose.

Números 25:4

jech laj yalbe li Moisese: —Tsobo scotol li banquilaletic yu'un achi'iltaque, ja' li boch'o la sta smulique, milo ta jtojol te ta sat li achi'iltaque. Ja' to jech xu' ta xlaj sc'ac'al co'nton ta stojol li achi'iltaque —xut.