Jeremías 4:7 - Bible in Tzotzil de Chenalhó with Deuterocanon

⁷ Li leone loq'uem xa tal ta xch'en; li boch'o ta sjines jujun banamile sbats'il xa tal xanubal, loq'uem xa tal ta yosilal, yu'un chtal yules li avosilalic, li lumetic avu'unique; ta sjines comel, mu'yuc xa yajval chcom yu'unic o.

Bible in Tzotzil de Chamula

⁷ Ti jti'oval leone loc' xa talel ta xch'en. Stamoj xa talel sbe ta stsutsesel ti muc'tiquil jteclumetique, yu'un loc' xa talel ta slumal yo' ta stsutses ti muc' ta lum avu'une, ti sts'ijlajan ta xcom yu'une, ti j'ech'el lilijem ta xcom yu'un ti jteclumetic avu'une.

Jeremías 4:7 Iomraidhean Croise

2 Reyes 24:1

C'alal ja'o ochem ta ajvalilal li Joaquime, li Nabucodonosor, ajvalil ta Babiloniae, ital stsal li Judae. Jech ventainbil icom oxib jabil li Joaquime. Ts'acal itsatsub yo'nton, jech lic scontrain ec li Nabucodonosore.

2 Reyes 25:1

Ta slajunebal c'ac'al yochel slajunebal u ta sbalunebal jabil yochel ta ajvalilal li Sedequiase, ibat ta Jerusalén xchi'uc yajsoldadotac li Nabucodonosore; c'ot setuic li lum Jerusalene. La spasic toyol q'uelub osiletic ta spat xocon li Jerusalene.

Isaías 1:7

Li avosilalique yavnaijem o ta j'ech'el; li lumetic avu'unique ochem xa sc'ac'al. Te aq'uelojic ta xtal slajes scotol yanlumetic li c'usitic ats'unojique; j'ech'el cha'ulic o jech chac c'u cha'al j'ech'el i'ulesatic li yan lum ti toj chopol c'usi la spasique.

Isaías 5:9

Li Muc'ul Dios ti ech'em svu'ele jech xa laj yalbun: “Li lequil naetique xch'ijan chcom o; li muc'tic na ti toj c'upilic sbae solel mu'yuc yajval chcom o.

Isaías 6:11

Jech la jac'be: “¿Jayib c'ac'al chjalij le'e Cajval?”, xcut. Jech la stac'bun: “Ja' to me laj yich' vuq'uesel scotol li lumetique, xchi'uc me mu'yuc xa boch'o te nacal oe, xchi'uc c'alal me xocol xa scotol li naetique, xchi'uc c'alal me icom jech chac c'u cha'al xocol banamil li yosilalique;

Jeremías 2:15

¿C'u yu'un ti chtal yich'ic tsaquel jech chac c'u cha'al tstsacvan leone ti xlaquet no'ox sc'oplalique? Solel mu'yuc smelol icom ta ixtanel li yosilalique, xchi'uc stanil icom ta c'oc' li slumalique, solel mu'yuc yajval icom o.

Jeremías 22:6

Yu'un li Muc'ul Diose jech chal ta sventa li spasubmantal ajvalil ta Judae: “Li vo'ote, ja' jechot chquil jech chac c'u cha'al vits ta Galaad, jech chac c'u cha'al jol vits ta Líbano. Pero chcal ta jamal ti chavich' yavnaijesele; mu'yuc boch'o te nacal chcom o.

Jeremías 22:7

Ta jchapan lec boch'o chtal yulesot, lec chapal chtalic xchi'uc yabtejebic; ta sts'etic li lequil ch'ut te'etic avu'une, ta xchiq'uic ta c'oc'.

Jeremías 25:38

Yu'un ja' jech chloc' tal jech chac c'u cha'al jcot león ti chloc' tal ta xch'ene, jech ta syavnaijes scotol li yosilalique, yu'un liquem sc'ac'al yo'nton li Muc'ul Diose; bats'i toj tsots i'ilin li j'ulesvaneje.

Jeremías 25:9

a'yo ava'yic, ta jtac tal ta atojolic scotol jaychop cristianoetic te ta norte xchi'uc li cajtunel Nabucodonosor ajvalil ta Babiloniae. Ja' chtal yochentaic li avosilale xchi'uc li jnaclumetic li'i, xchi'uc li yantic lumetic li' ta spat xocone. Ta xcules o ta j'ech'el. Solel ta jyavnaijes o; j'ech'el chcac' o ta labanel, ta na'leel.

Jeremías 26:9

¿C'u yu'un ti tsots avo'nton chaval ta sventa Muc'ul Dios ti ja' jech chich' pasbel jech chac c'u cha'al laj yich' pasbel te ta Silo li ch'ulna li'i, xchi'uc ti chich' yavnaijesel o li lum li'i, ti solel mu'yuc yajval chcom oe?”, xutic. Jech la stsob sbaic scotol li cristianoetic te ta ch'ulna yu'un Muc'ul Diose yu'un tscontrainic li Jeremiase.

Jeremías 27:8

Me oy bu junuc banamil, o ajvalil mu sc'an xchuc ta snuc' li yabtejeb vacax chac' li Nabucodonosor ajvalil ta Babiloniae, vu'un ta xcac'be stoj smul; ta xcac' ta milel ta espada, ta vi'nal, xchi'uc ta tsatsal chamel, ja' to ti me i'ochic ta sc'ob scotole, uto”, xi li Muc'ul Diose.

Jeremías 33:10

Jech laj yal noxtoc li Muc'ul Diose: “Li banamil li'i chavalic ti chyavnaij o, ti mu'yuc cristianoetic, ti mu'yuc chonbolometic chcome. Te ta lumetic ta Judá xchi'uc ta xoraltic ta Jerusalene chavalic ti mu'yuc yajval, ti mu jcotuc chonbolometic chcome.

Jeremías 34:22

Ta jtac sutel tal yan velta li' ta alumalique, yu'un ac'o tal scontrain, ac'o tal ochicuc, ac'o xchiq'uic ta c'oc'. Li lumetic li' ta Judae xocol ta jcomtsan, mu'yuc yajval chcom. Vu'un chcal jtuc, vu'un li Muc'ul Diosune”, xi.

Jeremías 4:29

C'alal cha'yic ti viquil ch'avalic tal li j'ac'flechaetique xchi'uc li boch'otic cajalic tal ta ca'e, ta xjatovic loq'uel ta anil scotol li cristianoetic ta lume. Ta snac' sbaic ta pimilal toyolal te'tic, ta xch'icanan sbaic ta chuculal ch'entic, solel mu'yuc xa yajval chcom o li lumetique solel xch'ijan chcom o.

Jeremías 44:2

“Jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: ‘Li vo'oxuque laj avilic scotol li vocol laj cac' tal ta Jerusalén xchi'uc ta scotol lumetic ta Judae, ja' yu'un li' ta orae xch'ijan xa; mu'yuc xa boch'o te nacal.

Jeremías 46:18

Vu'un jtuc Ajvalilun. Vu'un li Muc'ul Diosun ti ta jpas ta mantal scotol te ta vinajele, jech chcal ta sventa ti vu'un cuxulun oe: Jech chac c'u cha'al li vits Tabor ti jeloven ta jol vitsetique, xchi'uc li vits Carmelo ti jeloven to ta sba li nabetique, ja' jech ta xtal li avajcontrae.

Jeremías 49:19

Ta xital jech chac c'u cha'al jcot león chloc' tal ta toyolal te'tic ta uc'um Jordán, ti chbat yo' bu lec sve'el li chijetique. Ta xcac' jatovicuc loq'uel ta anil li edometique, xchi'uc ta xcac' pasaticuc ta mantal yu'un li boch'o t'ujbil cu'un ch-och ta ajvalilale. ¿Me oy boch'o xco'laj jech chac c'u cha'al li vu'une? ¿Me oy boch'o xu' chistsalun? ¿Me oy junuc jchabichij ti xu' yu'un chtal sva'lebinune?

Jeremías 5:6

Ja' yu'un ta xloc' tal leonetic ta toyolaltic ja' ta xti'atic o; ta xloc' tal oq'uiletic ta xocol banamil, ja' ta x'ulesatic yu'un noxtoc. Te ta xmalaatic yu'un jti'val bolometic ta slumalic. Boch'ouc no'ox ta xloc' batel te ta xmilatic o, yu'un i'epaj li stoyobbailique; mu xa albaj c'u yepal li xchopolilique.

Jeremías 50:17

“Li israeletique ja' jech chac c'u cha'al ch'ayemal chijetic ti nutsbilic ta leonetique. Ba'yuc iti'atic yu'un li Asiriae, ja'o iti'atic yu'un li Nabucodonosor ajvalil ta Babiloniae; ja' la slajesbe c'alal ta sbaquilic.

Jeremías 50:44

“Chital jech chac c'u cha'al jcot león chloc' tal ta toyolal te'tic ta uc'um Jordán, ti chbat yo' bu oy lec sve'el li chijetique. Ta xcac' jatovicuc loq'uel ta anil li babiloniaetique, xchi'uc ta xcac' pasaticuc ta mantal yu'un li boch'o t'ujbil cu'un ch-och ta ajvalilale. ¿Me oy boch'o xco'laj jech chac c'u cha'al li vu'une? ¿Me oy boch'o xu' chistsalun? ¿Me oy junuc jchabichij ti xu' yu'un chtal sva'lebinune?

Jeremías 8:16

¡Tal xa li cajcontratique! Taj to ta Dan xvinaj xjuch'te-juch'te tal yic'al sni' li sca'ique. Chnic xa scotol banamil yu'unic li yech'al ye sca'ic ti sts'ijlajetic no'ox tale. Ja' xa tal soquesic li banamil xchi'uc scotol li c'usitic oye; tal soquesic li lumetic xchi'uc scotol li boch'otic te nacajtique”, xiic.

Jeremías 9:11

“Ta jc'atajes ta jbus no'ox ton li lum Jerusalene; yavil oq'uiletic ta xc'ot. Li lumetic ta Judae ta jc'atajes ta xocol banamil, mu'yuc xa boch'o te nacal chcom”, xi li Diose.

Ezequiel 12:20

Li lumetic ti oy lec yajvale xch'ijan chcom; li banamile yavnaijem chcom o, yu'un jech chlic sna'ic ti vu'un Muc'ul Diosune, xi li Diose’, uto”, xiyutun.

Ezequiel 21:31

ja' te ta jloq'ues scotol li sc'ac'al co'ntone; ja' te chacac'bot acuch scotol, chacac'ot ta sc'ob li viniquetic ti toj xi'balic sba, ti ja' yabtel chmilvanique.

Ezequiel 32:2

“Vo'ot xnich'on cristiano, q'uejintao ta sventa ajvalil faraón ta Egipto li q'ueoj sventa at-o'nton li'i, jech xaval: ‘Faraón, co'olot jech chac c'u cha'al león ta stojol li yantic banamile; pero co'olot noxtoc jech chac c'u cha'al ayin ta muc'ta nab, ti yipal cht'axu loq'uel li vo'etique, ti tstatubtas ta yacan li vo'e, ti tsyuq'uilanbe yoc li uc'umetique.

Daniel 5:19

Ta sventa ti la smuq'uibtasbe yabtele, jech lic ich'atuc ta muc' yu'un scotol li cristianoetic ta jujun lum, ta jujun banamil, xchi'uc ta jujuchop c'ope; xi'bil o yu'un scotolic. Li boch'o tsc'an tsmile la smil; li boch'o mu sc'an smile mu'yuc la smil. Li boch'o tsc'an chac' ta ich'el ta muq'ue laj yac' ta ich'el ta muc'; li boch'o tsc'an tsbic'tajese solel la sbic'tajes o.

Daniel 7:4

Li sbae xco'laj xchi'uc león, oy xic' jech chac c'u cha'al xic. Te jq'ueloj laj yich' c'ocbel li xiq'ue. Laj yich' va'anel ta sba banamil, iva'i ta yacan jech chac c'u cha'al cristiano. Laj yich' ac'bel sjol yo'nton jech chac c'u cha'al sjol yo'nton cristiano.

Levítico 26:31

Ta jyavnaijes li alumalique; ta jlilin li ch'ulnaetic avu'unique. Mu xa jc'an xquich'be yic' li aperfume chavaq'uique.

Levítico 26:33

Ta jpucoxuc batel ta yantic lumetic. Ta jloq'ues espada ta atojolic; ja' ta jnutsoxuc o batel. Li avosilalique ja' jech chcom jech chac c'u cha'al xocol banamil. Li alumalique ta xyavnaij o ta j'ech'el.