Jeremías 4:6 - Bible in Tzotzil de Chenalhó with Deuterocanon

⁶ Va'anic senyail ta vits Sión; jatovanic, sa'o lec anac'ubbailic, mu me teuc no'ox xacomic; yu'un ta jtac tal tsots vocol, ta jtac tal milel, xchi'uc ulesel ta stuq'uil norte.

Bible in Tzotzil de Chamula

⁶ Toyo batel ac'obic ta xch'utubtael ti jteclum Sione yo' ta stamic batel. Mu teyuc no'ox xach'ayetic, batanic ta nac'obbail ta anil un. Yu'un ti cuxul j'ilbajinvaneje, xchi'uc ti jtsutsesvaneje, q'uelel xa talel ta atojol cu'un ti ta xlic talel ta yolon ti yolon xocon sloq'ueb c'ac'ale.

Jeremías 4:6 Iomraidhean Croise

Isaías 62:10

Loc'anic batel ta ti'ti' coralton; jamic batel lec be ta sventa li jteclumale. Co'oltsanic batel li biq'uit be ti bu slomol spots'ole; ch'ubaic batel li tonetique; toybeic senyail sventa chaviq'uic tal li jujun lume.

Jeremías 10:22

A'yo ava'yic, nom to xvinaj xvochetic tal; viquil ch'avalic tal li cristianoetic ta nortee. Ja' xa chtal syavnaijesic scotol li lumetic ta Judae; puru sna xa oq'uiletic chc'ot yu'unic.

Jeremías 18:11

“Albo ya'yic li cristianoetic ta Judá xchi'uc li jnaclumetic ta Jerusalene, jech xavalbe: ‘Jech chal li Muc'ul Diose: A'yo ava'yic, oy c'usi chopol jnopoj ta jpas ta atojolic, jnopoj ti chacac'boxuc avocolique. Ja' yu'un comtsanic xa li chopol be atamojique, tuq'uibtasic li c'usi chapasique, lecubtasic li avabtelique’, uto.

Jeremías 21:7

Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Jeremías 22:7

Ta jchapan lec boch'o chtal yulesot, lec chapal chtalic xchi'uc yabtejebic; ta sts'etic li lequil ch'ut te'etic avu'une, ta xchiq'uic ta c'oc'.

Jeremías 25:9

a'yo ava'yic, ta jtac tal ta atojolic scotol jaychop cristianoetic te ta norte xchi'uc li cajtunel Nabucodonosor ajvalil ta Babiloniae. Ja' chtal yochentaic li avosilale xchi'uc li jnaclumetic li'i, xchi'uc li yantic lumetic li' ta spat xocone. Ta xcules o ta j'ech'el. Solel ta jyavnaijes o; j'ech'el chcac' o ta labanel, ta na'leel.

Jeremías 4:21

¿C'u to sjalil jq'ueloj muyem li sbanderaique, c'u to sjalil te chca'ay o ch-oc' li yoq'uesic sventa pleitoe?

Jeremías 50:2

“Alic batel, aq'uic ta na'el ta yantic lumetic. Aq'uic lec ta ilel senyail; mu me xamuquic, puquic batel. Jech xavalic: ‘¡Li Babiloniae ch-och xa ta c'abal! ¡Li dios Bele tstsalat xa! ¡Li dios Merodaque mu'yuc c'usi stu chcom! ¡Li sloc'obal diosetic te va'ajtique ta xa xich' voq'uel, ta xa xich' lilinel!’, chianic.

Jeremías 50:22

Tsots chvinaj yech'al muc'ta pleito ta banamil; tsots xa liquem vocolajel.

Jeremías 51:12

¡Toyo abanderaic sventa sq'uelubil ti ac'o xa yich' jinesel li coralton yu'un Babiloniae! ¡Tsatsubtasbeic lec yo'nton li soldadoetique! ¡Va'anic jq'uel osiletic ta toyol! ¡Paso lec anac'ubbailic! Yu'un ta xc'ot xa ta pasel c'usi xchapanoj Muc'ul Dios ta sventa li jnaclumetic ta Babiloniae.

Jeremías 51:27

“Toyo abanderaic te ta banamil ta sventa li pleitoe. Jupanic oq'ues sventa chchapan sbaic li yantic lumetique, yu'un ac'o bat scontrainic li Babiloniae. Ac'o stsob sbaic tal ta scontrainel li muc'tic ajvaliletic ta Ararat, ta Mini, xchi'uc ta Askenaze. T'ujic junuc banquilal soldado; ac'o talicuc ca'etic jech chac c'u cha'al c'ulubetic ti liquem tal sc'ac'al yo'ntonique.

Jeremías 51:54

Chvinaj ep oq'uel ta Babilonia, chvinaj tsots vocolajel te ta yosilal li caldeaetique.

Jeremías 6:1

Smomnich'nab Benjamín, jatovanic loq'uel te ta Jerusalén; sa'ic ti bu xu' chanac' abaique. Jupanic oq'ues te ta Tecoa; aq'uic ta ilel ch'ayil, ja' senyail te ta Bet-haquerem, yu'un oy c'usi toj xi'bal sba, toj tsots vocol ta xlic tal ta norte.

Jeremías 6:22

Jech chal li Muc'ul Diose: “Q'uelavil, ta xtal epal cristianoetic ta stuq'uil norte; ta xtal sjunul lum ta jot to sti' banamil.

Ezequiel 9:1

Laj ca'ay oy boch'o tsots laj yaptaun ta jchiquin, jech laj yal: “Ivulic xa li boch'o tal yac'beic stoj smul li lume. Yich'anoj tal yabtejeb jujunic sventa chmilvanic”, xiyutun.

Ezequiel 9:2

Jech laj quil oy vaquib viniquetic ch-ochic tal ta ti'na ta cajal ta stuq'uil norte, yich'anoj tal yabtejeb jujunic. Oy jun te cacal tal ta o'lol yu'unic, slapoj tal c'u'il pasbil ta lino no. Te xch'icoj tal ta xchucbenal xch'ut jun yabtejeb sventa ts'ibajel. C'alal i'ochic tale, te vul sva'an sbaic ta stuq'uil scajleb smoton Dios ti pasbil ta broncee.

Sofonías 1:10

Jech chal li Muc'ul Diose: “Ta sc'ac'alil le'e ta to xvinaj ov ta sc'anel coltael te yo' bu Choyal ti'coralton sbie. Ta to xme'on oq'uic te ta xcha'voc'al lum, xchi'uc xc'ulet no'ox yech'al ta vitsetic c'alal chvuc' li naetique.

Zacarías 6:6

Li careta nitbil ta ic'al ca'etique te chbat ta stuq'uil norte. Li careta nitbil ta saquil ca'etique ja' te chbat noxtoc. Li yan careta nitbil ta pinto ca'etique ja' te chbat ta stuq'uil sur”, xiyutun.