Jeremías 4:4 - Bible in Tzotzil de Chenalhó with Deuterocanon

⁴ Vinic antsetic ta Judá, jnaclumetic ta Jerusalén, ich'ic circuncisión ta avo'ntonic ta jventa vu'un li Muc'ul Diosune. Loq'uesic li c'usi macal o, li c'usi pixil o avo'ntonique; yu'un naca me stsan jech chac c'u cha'al c'oc' li sc'ac'al co'nton ta scoj amulique, yu'un mu'yuc boch'o xu' yu'un tstu'p o.

Bible in Tzotzil de Chamula

⁴ Jnaclejetic yu'un jteclum Judá, xchi'uc jteclum Jerusalén, ich'ic ti circuncísione, ojtiquinicun ti vu'un Ajvalilune. C'otuc ta avo'ntonic senyail ti jtratee, naca me ta scojuc achopolalic ta xlic tiluc ti sc'ac'al co'nton jech c'u cha'al junuc c'oc' ta xtile, ti xvo'o'et no'ox liquel ti mu'yuc buch'u xu' ta xtub yu'une.

Jeremías 4:4 Iomraidhean Croise

2 Crónicas 34:25

Yu'un la scomtsanicun; ja' bat smilbeic smoton li yantic diosetique. La sa'bicun sc'ac'al co'nton ta sventa li c'usi la spasique, ja' yu'un ta xcac' tsanuc li sc'ac'al co'nton li' ta banamile; me jutuc mu xtu'p o.

Isaías 10:17

Li Luz yu'un Israele chc'ataj ta c'oc'; li Ch'ul Dios yu'un Israele tspas ta yat c'oc'. Ja' chchic' loq'uel ta jun no'ox c'ac'al li boch'o ja' jechic jech chac c'u cha'al ch'ixetic, ti ja' jechic jech chac c'u cha'al yantic ch'ixetique.

Isaías 30:33

Yu'un vo'one xa chapanbil ta sventa Asiria xchi'uc ajvalil yu'un li yavil muc'ta vocol ti mu albajuc c'u sjamlej, xchi'uc ti mu albajuc c'u snatil xchaque. Te tsanal o li c'oq'ue, yu'un toj ep si'il; ta yic'al ye no'ox Muc'ul Dios ta stsan; ja' ti chloc' ep azufre ta ye jech chac c'u cha'al nio'e.

Isaías 51:17

Jerusalén, julovan me, lican me. Vo'ot ti laj xa ava'ibe xc'uxul scotol li sc'ac'al yo'nton Muc'ul Diose, ti jeche' xatamlajet lacom yu'un jech chac c'u cha'al li boch'o tsyalbun ta uch'el scotol li pasem ya'lel ts'usube ti chyacub o xchi'uque, yu'un laj avuch' scotol; solel taquin icom avu'un li yavile.

Jeremías 15:14

Ta jtic'ot ta mozoil yu'un avajcontra te ta banamil ti bu mu xavotquine, yu'un solel tsanem ta jyalel li sc'ac'al co'ntone, jech chaxchic'oxuc”, xi li Diose.

Jeremías 21:12

Smomnich'nab ajvalil David, ja' jech chayalboxuc li Muc'ul Diose: Oc'ome liquesic me spasel li c'usitic tuq'ue; coltaic loq'uel ta sc'ob j'uts'intavanejetic li boch'o uts'intabilique. Mu me ta scojuc toj chopol avabtelic ti tstsan jech chac c'u cha'al c'oc' li sc'ac'al co'ntone, ti mu'yuc xa boch'o xu' tstu'p oe.

Jeremías 21:5

Vu'un jtuc ta jtsacoxuc ta pleito ta jvu'el, jtsatsal, ta tsots sc'ac'al co'nton.

Jeremías 23:19

Li sc'ac'al yo'nton Muc'ul Diose ja' jech chac c'u cha'al tsatsal ic'al vo'; ja' jech chac c'u cha'al sutub ic', te sututet chc'ot ta stojolic li boch'o chopolique.

Jeremías 36:7

Naca me jech chlic sc'opanic li Muc'ul Diose, jech xu' chlic scomtsanic li chopol be stamojic jujunique. Yu'un toj tsots ch-ilin, toj tsots liquem sc'ac'al yo'nton ta stojolic li Muc'ul Diose”, xut.

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.

Jeremías 9:25

Jech chal li Muc'ul Diose: “Ta to sta sc'ac'alil ta xcac'be stoj smulic li boch'otic yich'ojic circuncisión xchi'uc li boch'otic mu'yuc yich'ojique,

Jeremías 9:26

ja' li Egiptoe, li Judae, li Edome, li Amone, xchi'uc li Moabe, xchi'uc scotol li boch'otic te nacalic ta xocol banamil ti chjux stsotsil sjolique. Yu'un scotolic ta jujun banamil mu'yuc yich'ojic circuncisión. Jech ec li israeletique mu'yuc yich'ojic circuncisión ta yo'ntonic ec”, xi.

Lamentaciones 4:11

Yu'un tsots i'ilin li Muc'ul Diose, la sloq'ues tal scotol li sc'ac'al yo'ntone; jech la stsanbe tal sc'ac'al li Sione; la xchic'be o c'alal ta snacleb.

Ezequiel 16:38

Vu'un ta jchapanot ta mantaletic sventa jmulavil antsetic, xchi'uc ta sventa li boch'o chmilvanique. Chacac'bot atoj ta ach'ich'al, ta sc'ac'al co'nton, xchi'uc ta yit'ixal co'nton.

Ezequiel 18:31

Jipic comel scotol li achopolilic, li amulic asa'ojic ta jtojole. Pasic ta ach' li ajol avo'ntonique. ¿C'u yu'un ti te no'ox avabinoj aba chachamique, israeletic?

Ezequiel 20:33

Jamal chacalboxuc, vu'un li Muc'ul Diosun ti cuxulun oe, ta xlic jventainoxuc lec ta jvu'el, ta jtsatsal, xchi'uc ta sc'ac'al co'nton.

Ezequiel 21:17

Jech ec li vu'une ta jt'ax ta majel li jc'obe, yu'un ac'o loc'uc scotol li sc'ac'al co'ntone; vu'un chcal jtuc, vu'un li Muc'ul Diosune”, uto, xiyutun.

Ezequiel 24:13

‘Jerusalén, ta jc'an ox ta jpocbot loq'uel li achopolil ta scoj amule, pero muc ono'ox xacom o ta lec. Ja' to xu' chpoc loq'uel scotol c'alal me la jloq'ues scotol li sc'ac'al co'nton ta atojole.

Ezequiel 24:8

Ja' yu'un te ta jcomtsan o li ch'ich' ta baba tone yu'un mu xu' chich' maquel ta banamil, yu'un jech xu' tstsan li sc'ac'al co'ntone, jech xu' chich'beic spacol li c'usi la spasique.

Ezequiel 44:7

Yu'un chaviq'uic tal ta jch'ulna yan cristianoetic ti mu'yuc yich'ojic circuncisión ta yo'ntonic xchi'uc ta sbec'talique. Jech tsbolibtasic, tsoquesbeic o sc'oplal ch'ulna cu'un ti c'alal te oyic c'alal chavac'bicun jmotonin li xepuetic xchi'uc li ch'ich'e. Ta scoj ti jech toj chopol chapasique, jech chapaych'unbicun o li c'usi chapal cu'une.

Ezequiel 6:12

Li boch'o nom oyique chchamic ta tsatsal chamel; li boch'o nopol oyique chchamic ta espada; li boch'o cuxul to chcomique chchamic ta vi'nal. Ja' jech ta jloq'ues li sc'ac'al co'nton ta stojolique.

Ezequiel 8:18

Lec oy ti jech tspasique. Ta jpas cabtel jchi'uc sc'ac'al co'nton ec. Mu'yuc ta jpasbeic o perdón; mu'yuc chc'uxubajic ta co'nton. Ac'o me tsots ch-avanic ta jchiquin, mu'yuc ta jtuc'ulanbeic o”, xiyutun li Diose.

Levítico 26:28

jech ec li vu'une ta jcontrainoxuc ec; ta xlic ep sc'ac'al co'nton avu'unic, jech chacac'boxuc to yan vucub velta stojol li amulique.

Levítico 26:41

ti jech lic jcontrainoxuc eq'ue, ti laj quic'oxuc batel ta yosilal li avajcontraique, ja' svinajeb ti chasutes avo'ntonique, ti chavotquin li amulique.

Amós 5:6

Ja' sa'ic li Muc'ul Diose, jech chacuxiic. Yu'un naca me stac tal c'oc' ta stojol li smomnich'nab Josee, jech xu' ta xc'aq'uic o; mu'yuc boch'o te ta Betel ti xu' tstu'p li c'oq'ue.

Sofonías 2:2

Yu'un yo'to muc chc'ot ta pasel li c'usi chapal sc'oplale, yo'to muc tsta yorail chacuchatic batel ta ic' jech chac c'u cha'al taquijobel ti ta jun no'ox c'ac'al xu' tsacch'aye, xchi'uc yo'to muc chc'ot ta atojolic li sc'ac'al yo'nton Muc'ul Diose, yo'to muc chtal ta atojolic li sc'ac'alil ch-ilin Muc'ul Diose.

Romanos 2:25

Ta melel li circuncisión quich'ojtique, oy stu me ta jch'untic li smantaltac Diose. Pero me vo'ot jbajmantalote, li circuncisión avich'oje mu'yuc stu chc'ot.

Deuteronomio 10:16

“Comtsano ta avo'ntonic c'usi yaloj li Muc'ul Diose, jech chac c'u cha'al circuncisión ti j'ech'el chcom senyail ta abec'talique. Mu me staojuc yav ti toj toybaoxuque.

Deuteronomio 30:6

Chascomtsanboxuc o ta avo'ntonic achi'uc anich'nabic xchi'uc amomnich'nabic li c'usi xchapanoj ono'oxe. Te chcom o jech chac c'u cha'al jun marca, yu'un jech xu' chlic ac'anic o ta scotol ajol avo'ntonic. Jech xu' chacuxiic.

Deuteronomio 32:22

Li sc'ac'al co'ntone tsanem jech chac c'u cha'al c'oc'. Ta to stsan batel c'alal to ta yavil animaetic. Ta xchic' li banamile xchi'uc li sat c'usi ch'iemique. Ta xac'be sc'ac'al li snaclebtac vitsetique.

Colosenses 2:11

Xchi'uc ja' ta sventa noxtoc ti avich'ojic xa li circuncisión ti muc pasbiluc ta sc'ob cristianoe, yu'un icom xa avu'un li apoco' talelique, jech ja' xa avich'ojic li circuncisión yu'un Cristoe.