Jeremías 4:3 - Bible in Tzotzil de Chenalhó with Deuterocanon

³ Li Muc'ul Diose jech chalbe li jnaclumetic ta Judá xchi'uc ta Jerusalene: “Loquic lec li avosilic ti bu mu'yuc locbil lec avu'unique; mu me staojuc yav ti ta ch'ixtic no'ox chats'unubajique.

Bible in Tzotzil de Chamula

³ Ti jnaclejetic yu'un ti Judae xchi'uc ti Jerusalene, xi ta x'albatic yu'un ti Diose: “Abtelanic ta sloquel ti banomil ti mu'yuc picbil oe. Mu xats'un ta yut ch'ixtic ti ats'unubalique.

Jeremías 4:3 Iomraidhean Croise

Génesis 3:18

Li' ta banamile ta xch'i ep ta chop ch'ixetic. Jech noxtoc ta xlic alo' te'tical itajetic ti stac' lo'ele.

Éxodo 23:11

Ta svucubal jabile mu xa xabojic: ac'beic to xcux. Me oy to c'usi chloc' tee, ja' ac'o sve'ic ec li me'onetic te nacalic ta alumalique. Jech noxtoc me oy to c'usi chcom yu'unique, ja' xa ac'o sve'ic ec li te'tical chonbolometique. Jech me xapasic scotol c'alal ta ts'usubtic, c'alal ta olivaetic avu'unic.

Oseas 10:12

Ja' tsts'unic li c'usitic tuc' ta pasele, jech ja' chlic sc'ajic li c'uxubinele. Chapanic ach' osil sventa chlic ts'unubajanic ta ach', yu'un ja' xa yorail chlic asa'ic li Muc'ul Diose. Ja' to me ital ta atojolique, chlic slecubtas scotol.

San Mateo 13:22

Li bec' trigo ic'ot ta ch'ixtique, ja' senyail li boch'otic cha'yic sc'op Dios ti ja' no'ox batem yo'ntonic yu'un li c'usitic oy li' ta banamile ti ja' lo'labilic yu'un li sc'ulejalique, jech te net'bil chc'ot o li sc'op Dios ya'yojique. Jech mu satin o.

San Mateo 13:7

Oy jaybej ic'ot ta ch'ixtic. C'alal ich'i li ch'ixe, inet'at, jech te ic'oxib o.

Marcos 4:7

Oy jaybej ic'ot ta ch'ixtic. C'alal ich'i li ch'ixe, inet'at, jech te ic'oxib, muc isatin o.

San Lucas 8:14

Li bec' trigo ic'ot ta ch'ixtique, ja' li boch'otic laj xa ya'yic sc'op Diose, ti ja' batem ta yo'nton sc'ulejalique xchi'uc li c'usitic oy li' ta banamile xchi'uc ti c'usitic tsc'an yo'ntonique. Jech te net'bil chc'ot o li sc'op Dios ya'yojique. Jech mu xch'iaj, mu satin o.

San Lucas 8:7

Oy jaybej ic'ot ta ch'ixtic. Co'ol ich'i xchi'uc li ch'ixe, inet'at; jech te ic'oxib o.