Jeremías 4:2 - Bible in Tzotzil de Chenalhó with Deuterocanon

² xu' chaval ta jamal ta sventa jbi. Tsc'an melel, lec cuxul avo'nton, lec oy stuq'uil li c'usi chavale. Vu'un ta jventa tstaic bendición li muc'tic lumetique, xchi'uc vu'un ta jventa ta xmuq'uib lec sc'oplalic”, xi li Muc'ul Diose.

Bible in Tzotzil de Chamula

² mi naca melel, mi naca pojel xchi'uc naca slequil o'ntonal ti xava'an aba ta rextico ta jventae, va'i unbi, ta xjoybij ta xc'uxubinelic, ta slequil c'optaelic ti muc'tiquil lumetic ta jventae.”

Jeremías 4:2 Iomraidhean Croise

Génesis 22:18

Ja' ta sventaic chich' bendición scotol li muc'tic lumetic li' ta banamile, yu'un laj ach'un li c'usi laj calbote’, xayutot li Muc'ul Diose —xi li j'almantale.

1 Reyes 3:6

Itac'ov li Salomone: “Li Davide, ja' li jtote, lec laj ac'uxubin, yu'un lec c'usitic la spas, xchi'uc jun yo'nton, tuc' yo'nton ta atojol. Ja' yu'un toj ep laj ac'uxubin, xchi'uc laj avac'be jun xnich'on ti ja' chchoti ta spasubmantal jech chac c'u cha'al c'otem xa ta pasel li' ta orae.

Salmos 72:17

Sbatel osil te ac'o comuc o sbi li ajvalile; te ac'o oyuc o ti c'alal te to oy li c'ac'ale; ac'o staic bendición scotol banamiletic ta sventa. “Toj lec li ajvalile”, ac'o xiicuc scotol li cristianoetique.

Salmos 99:4

Muc'ul Dios, vo'ot li muc'ul Ajvalilote, toj ech'em avu'el. Ja' chac'an li c'usitic tuq'ue; vo'ot laj avac' li c'usitic tuq'ue; lec tuc', oy lec smelol c'usi laj apas ta stojol li smomnich'nabtac Jacobe.

Isaías 45:23

Ta jbi jtuc chcal ta jamal; ta que jtuc chcal ti jech chc'ot ta pasel chac li'i: mu'yuc boch'o xu' tsmac ta be; scotol cristianoetic chlic squejan sbaic ta jtojol; ta scotol jaychop c'opetic ta xlic yalbicun ta jamal jbi scotolic.

Isaías 45:25

Vu'un ta jventa tspasic canal; vu'un ta jventa ich'bilic ta muc' chc'otic li smomnich'nab Israele”, xi li Muc'ul Diose.

Isaías 65:16

Me chlic sc'anic bendición te ta yosilalique, ja' no'ox tsc'anic ta jbi vu'un ti melel c'usi chcale. Me oy c'usi chal ta jamal tspas te ta yosilalique, ja' no'ox chist'abbun jbi vu'un ti mu jna' jel co'ntone. Yu'un li tsots vocol te to'ox oye chch'ay ta o'ntonal scotol; tsacch'ay xa batel ta jsat.

Jeremías 10:10

Yan li Muc'ul Diose ja' bats'i Dios o ta melel. Li stuque ja' bats'i cuxul Dios o; ja' Ajvalil ta sbatel osil. C'alal ta x'iline, ta xnic banamil yu'un; li jujun banamile mu xcuch yu'unic li sc'ac'al yo'ntone.

Jeremías 12:15

C'alal loq'uemic xa'ox batel cu'une, ta to xlic c'uxubajicuc ta co'nton, yu'un ta xcac' suticuc batel ta yosil sbanamil ti bu slumal jujunique.

Jeremías 12:16

Pero me ja' chlic xchanic jech chac c'u cha'al tspasic li jteclumale, me vu'un chlic st'abbicun jbi jech chac c'u cha'al la xchanubtasic ta st'abbel sbi sdiosic Baal ec li jteclumale, me jech lic yalique: ‘Ta melel ja' no'ox stuc cuxul li Diose’, me xiique, lec chbatic ta stojol li jteclumale.

Jeremías 16:19

Muc'ul Dios, vo'ot jtsatsalot, vo'ot jchabivanejot cu'un; vo'ot jnac'ubbailot ti c'alal oy c'usi toj xi'bal sbae. Ta xtalic ta atojol scotol li yantic cristianoetic ta jujujot sti'il banamile, jech chayalboxuc: “Ta melel epalc'op no'ox c'usi la xch'unic li jmoltotaccutique; li diosetique altic no'ox, mu'yuc c'usi stu o.

Jeremías 3:17

C'alal me la sta sc'ac'alil le'e, li Jerusalene ‘Smuc'ta Chotleb Muc'ul Dios’, xi sbi chc'ot. Scotol banamiletic te ta stsob sbaic tal sventa chiyich'icun ta muc', jech mu xa ja'uc chac'beic yipal spasel li c'usi toj chopol oy ta yo'ntonique.

Jeremías 33:9

Scotol li c'usitic lec ta jpas li' ta Jerusalene ja' sventa quich'el ta muc', ja' sventa xcuxetel o'ntonal ta stojol yantic lum li' ta banamil. Yu'un c'alal cha'yic ti lec c'usitic ta jpasbe li jnaclumetic li' ta Jerusalene, ta xlic niquicuc, ta xlic xi'icuc”, xi li Muc'ul Diose.

Jeremías 5:2

Oy boch'otic chalic ta jamal ta jbi ti chiyich'icun ta muc' vu'un li Muc'ul Diosune, pero altic chalic”, xi li Diose.

Jeremías 7:5

‘Me chatuq'uibtas atalelic xchi'uc avabtelique, me melel, me tuc' c'usi chapasbe li achi'ilique,

Jeremías 9:24

Li boch'o tsc'an lec muc' sc'oplale ja' ac'o muc'uc sc'oplal chc'ot ta sventa ti xiyotquinune, ti sna' ti vu'un jtuc Muc'ul Diosun, ti jc'uxubinvanejune, ti tuc', ti lec scotol c'usi ta jpas li' ta banamile, yu'un ja' toj lec chquil li boch'o jech tspase”, xi li Muc'ul Diose.

Oseas 2:19

J'ech'el chaquic'ot o sbatel osil; bats'i jnup jchi'il jbatic o jech chac c'u cha'al chal li leye, yu'un scotol co'nton jc'anojot.

Joel 2:12

Ja' yu'un jech chal li Muc'ul Diose: “Sutanic tal ta jtojol ta scotol avo'ntonic; ictaic ixim, oc'anic, ato avo'ntonic.”

Zacarías 8:8

Ta xlic quiq'uic tal ta Jerusalén; te ta xvul naquiicuc. Ja' jteclumal ta xc'otic, jech vu'un Diosun yu'unic chic'ot. Jun co'nton o ta stojolic; tuc' c'usi ta jpas ta stojolic”, xi li Diose.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

1 Corintios 1:31

Yu'un jech ac'o c'otuc ta pasel jech chac c'u cha'al ts'ibabil ta sc'op Diose: “Li boch'o tsc'an lec muc' sc'oplale ja' ac'o muc'uc sc'oplal ta sventa li Cajvaltique”, xi ts'ibabil.

2 Corintios 10:17

Li boch'o chal ti lec xu' yu'une, ac'o yal ti xu' yu'un ta sventa li Cajvaltique.

Gálatas 3:8

Ts'ibabil ono'ox ta sc'op Dios ti ta sventa xch'unojel yo'ntonic mu'yuc smul ch-ilatic yu'un Dios li yanlum cristianoetique. Ja' yu'un li Diose laj yalbe Abraham li Lequil A'yej jech chac li'i: “Vo'ot ta aventa chich'ic bendición cristianoetic ta sbejel banamil”, xut.

Deuteronomio 10:20

“Ich'ic me ta muc' li Muc'ul Diose cu'untique. Ja' no'ox me xaquejan abaic ta stojol. Junuc me avo'ntonic ta stojol. C'alal me oy c'usi chac'an chavalic ti chava'anic testigoe, ja' me xava'anic ta testigo stuc li Muc'ul Diose.

Deuteronomio 4:30

Me icuch avu'unic scotol li at-o'nton xchi'uc scotol li vocoletic le'e, me chlic sutanic tal yan velta ta stojol li Muc'ul Diose, me chlic ach'unbeic li smantale,

Deuteronomio 6:13

Ja' no'ox xavich'ic ta muc' stuc li Muc'ul Dios cu'untique. Ja' no'ox xaquejan abaic ta stojol. C'alal me oy c'usi chavalic ti chava'anic testigoe, ja' me xavalbeic sbi li Diose.

Filipenses 3:3

Yu'un li vu'utique quich'ojtic xa li bats'i circuncisione, yu'un ta co'ntontic xa chquich'tic ta muc' Dios ta sventa li Ch'ul Espiritue. Jech toj jun xa co'nton chca'itic ta sventa li Cristo Jesuse, yu'un mu xa ja'uc jpatoj co'ntontic yu'un li senyail ta sba jbec'taltic no'oxe.

Rut 3:13

Lec oy, vayan to li'i. Oc'om chca'itic me tsc'an tspas c'usi oy ta sventa xu' tspas ta atojol li boch'o bats'i avuts' avalale. Yan me mu sc'ane, ta xcalbot ta jamal ta stojol Muc'ul Dios ti vu'un xu' ta jpase. Ja' lec vayan to; jmalatic sacub —xut.

1 Samuel 20:3

Pero li Davide jech to laj yal: —Li jtotique sna' ti lec chquil jbatique, ja' yu'un mu sc'an ti ac'o ava'ye yu'un jech mu xavat avo'nton. Pero chacalbot ta stojol Muc'ul Dios xchi'uc ta atojol ti ta xa xichame —xi.