Jeremías 4:18 - Bible in Tzotzil de Chenalhó with Deuterocanon

¹⁸ “Ja' ta scoj chopol avabtel, chopol c'usi laj apas ti jech chc'ot ta pasel ta atojole. Ja' ta scoj achopolil ti toj c'ux avocole, ti toj ep svocol chava'ay li avo'ntone”, xi li Muc'ul Diose.

Bible in Tzotzil de Chamula

¹⁸ “Ti c'u s'elan ti atalele, ti c'usi ta xapase, ja' ta scoj ti jech c'ot ta atojole. Yu'un ti c'usi chopol apasoje, ja' me yutsil ti va'i s'elan c'ot ta atojol une, ti xbiet no'ox ti avo'nton yu'une.”

Jeremías 4:18 Iomraidhean Croise

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

Salmos 107:17

La soques sbaic ta scoj li stoyobbailique, abul xa sbaic ta scoj li xchopolilique.

Jeremías 2:17

¿Me mu jechuc lapasbatic ti c'alal laj acomtsanicun? vu'un li Muc'ul Diosun avu'unique, vu'un ti la jtojobtasoxuc tal ta bee.

Isaías 50:1

Li Muc'ul Diose jech chal: “¿Bu oy svunal ti j'ech'el laj quicta o li ame'ique, ja' li Israele? ¿Me yu'un ta scoj oy ep quil ti la jchonoxuc batele? Ta scoj achopolil atuquic ti laj avich'ic chonel batele; ta scoj atoyobbailic ti laj quicta li ame'ique.

Proverbios 1:31

Te chalo'be sat atuquic li c'usi chats'unique; te chlic yac'boxuc avocolic li c'usi chopol chanopique.

Jeremías 6:19

Banamil, a'yo ava'ay: Ta xcac' taluc vocol ta stojol li jun lum li'i, ja' stojol li c'usi chopol la spasique. Yu'un muc xch'unic li c'usi laj cale; la sbajic li chanubtasel cu'une.

Jeremías 26:19

“Li ajvalil Ezequías xchi'uc scotol li jchi'iltactic ta Judae ¿me yu'un la smilic ec li Miquease? ¿Me muc ja'uc no'ox lic xi'icuc yu'un li Muc'ul Diose? ¿Me muc ja'uc no'ox lic sc'anbeic vocol ti ac'o c'uxubinaticuque, jech muc x'ac'batic o li svocolic ti sc'oplal ox chich'ique? ¿Li vu'utique me xu' ta jpastic li c'usi toj chopol ti xu' chc'ot ta cac'oltique?

Jeremías 5:19

C'alal me jech chlic yalique: ‘¿c'u yu'un jech la spasbutic scotol li Dios cu'untique?’, me xiique, jech xavalbe: ‘jech chac c'u c'alal laj acomtsanic li Muc'ul Dios ti latunic yu'un yantic diosetic li' ta alumalique, ja' no'ox jech chac' ac'o bat tunanic yu'un yanlum cristianoetic ta yan banamil noxtoc’, uto.

Proverbios 5:22

Li boch'otic chopolique te macal chc'otic ta scoj sbolilic; te chucul chc'ot ta scoj smul stuquic.

Jeremías 5:25

Yu'un li achopolilique xch'ayesoj ajolic; li amulique la sjipboxuc loq'uel ta avo'ntonic li c'usi leque.

Ezequiel 39:24

Ja' jech la jpasbeic ti c'u x'elan sbolilique, ti c'u x'elan stoyobbailic ta jtojole, jech la jnac' jsat o ta stojolic.

Oseas 7:2

Mu snopic ti jna'ojbe scotol li smulique. Setubil chc'otic yu'un li c'usi tspasique, yu'un scotol c'ac'al oy ta jsat.

Jeremías 14:16

Li cristianoetic ti jech ay yalbeique ta xlajic ta milel ta espada, ta xchamic ta vi'nal xchi'uc yajnil xnich'nabic ec. Te no'ox busul chcomic ta xoraltic ta Jerusalén; mu'yuc boch'o chtal smuquic, yu'un jech ta xcac'be stoj li smulique.

Lamentaciones 3:15

Li Diose toj tsots jvocol laj yac'bun; toj ch'a ta jyalel li c'usi laj yac'bun cuch'e.