Jeremías 4:16 - Bible in Tzotzil de Chenalhó with Deuterocanon

¹⁶ “Alic batel ta scotol lumetic xchi'uc ta Jerusalén ti talem jcontrainvanejetic ta namal banamile. Tsots ch-avanic tal ta scontrainel li lumetic ta Judae.

Bible in Tzotzil de Chamula

¹⁶ “Caj t'abbeic ya'iic ti muc'tiquil jteclume, xchi'uc ti Jerusalene ti ta namal banomil ta xlic talel ti jcontrainvaneje, ti x'avlajetic no'ox ta stsaquel ta leto ti jteclumetic yu'un ti Judae.

Jeremías 4:16 Iomraidhean Croise

Isaías 34:1

Nopajanic tal jujun banamil, la' a'yo ava'yic; jujun lum, la'ic, tuc'ulano lec ava'yic; ac'o ya'ay sbejel li banamile xchi'uc li c'usitic te ch'iemique.

Isaías 39:3

Ja' yu'un li j'alc'op Isaiase jech bat sjac'be li ajvalil Ezequiase: —¿Bu liquemic tal li viniquetic le'e; c'usi laj yalbicot? —xut. Itac'ov li ajvalil Ezequiase: —Liquemic tal ta namal banamil ta Babilonia —xi.

Jeremías 1:15

Vu'un li Muc'ul Diosune ta xcal ta jamal ti ta jtac tal scotol li ajvaliletic ta nortee. Ta xtal spas scarpanaic te ta ti'coraltonetic ta Jerusalén xchi'uc ta sjoylejal li coraltone, xchi'uc ta scotol lumetic ta Judá.

Jeremías 16:6

C'alal ta biq'uit ta muc' ta xchamic te ta avosilalic; mu'yuc boch'o chtal smuquic, mu'yuc boch'o ta x'oc'taatic yu'un, mu'yuc boch'o ta sboj sbec'talic, xchi'uc mu'yuc boch'o ta xjux stsotsil sjol ta sventaic.

Jeremías 2:15

¿C'u yu'un ti chtal yich'ic tsaquel jech chac c'u cha'al tstsacvan leone ti xlaquet no'ox sc'oplalique? Solel mu'yuc smelol icom ta ixtanel li yosilalique, xchi'uc stanil icom ta c'oc' li slumalique, solel mu'yuc yajval icom o.

Jeremías 31:10

“Muc'tiquil lumetic, a'yo ava'yic c'usi chal li Muc'ul Diose; alic batel ta ti'ti' nab, jech xavalic: ‘Li Boch'o la spuc batel li israeletique ta stsob sutel tal yan velta, lec ta xchabi jech chac c'u cha'al ta xchabi xchij li jchabichije’, chianic.

Jeremías 39:1

C'alal slajunebal xa'ox u stsacoj li sbalunebal jabil yochel ta ajvalilal ta Judá li Sedequiase, ja'o italic xchi'uc scotol yajsoldadotac li Nabucodonosor ajvalil ta Babiloniae; ital setuic li Jerusalene.

Jeremías 4:17

Ta xich'ic setuel jech chac c'u cha'al chololic no'ox ta smaquel yosilic, yu'un la stoy sbaic ta jtojol, vu'un li Muc'ul Diosune.”

Jeremías 5:15

Jech chal noxtoc li Muc'ul Diose: “Israel, a'yo ava'ay, ta xcac' taluc ta atojol namal cristianoetic. Ja' jun tsatsal lum, vo'one ono'ox te oyic; ja' jun lum ti mu xava'ibeic o sc'opique.

Jeremías 5:6

Ja' yu'un ta xloc' tal leonetic ta toyolaltic ja' ta xti'atic o; ta xloc' tal oq'uiletic ta xocol banamil, ja' ta x'ulesatic yu'un noxtoc. Te ta xmalaatic yu'un jti'val bolometic ta slumalic. Boch'ouc no'ox ta xloc' batel te ta xmilatic o, yu'un i'epaj li stoyobbailique; mu xa albaj c'u yepal li xchopolilique.

Jeremías 50:2

“Alic batel, aq'uic ta na'el ta yantic lumetic. Aq'uic lec ta ilel senyail; mu me xamuquic, puquic batel. Jech xavalic: ‘¡Li Babiloniae ch-och xa ta c'abal! ¡Li dios Bele tstsalat xa! ¡Li dios Merodaque mu'yuc c'usi stu chcom! ¡Li sloc'obal diosetic te va'ajtique ta xa xich' voq'uel, ta xa xich' lilinel!’, chianic.

Jeremías 6:18

Ja' yu'un li Muc'ul Diose jech chal: “A'yo ava'yic cristianoetic ta jujun banamil; q'uelavilic c'usi chc'ot ta pasel ta stojol li cu'untaque.

Jeremías 6:19

Banamil, a'yo ava'ay: Ta xcac' taluc vocol ta stojol li jun lum li'i, ja' stojol li c'usi chopol la spasique. Yu'un muc xch'unic li c'usi laj cale; la sbajic li chanubtasel cu'une.

Jeremías 6:22

Jech chal li Muc'ul Diose: “Q'uelavil, ta xtal epal cristianoetic ta stuq'uil norte; ta xtal sjunul lum ta jot to sti' banamil.

Jeremías 6:23

Toj ven simaronic, me jutuc mu'yuc c'uxubinel yu'unic o; ta flecha xchi'uc ta jich'il taq'uinetic lec ts'ubajtic sni' ta xmilvanic o. C'alal ch-avanique, ja' jech chac c'u cha'al nab ti xvo'et no'oxe. Cajajtic lec ta ca' chtalic, chapalic tal lec ta sventa chtal stsacoxuc ta pleito, vo'oxuc ti yalab xnich'naboxuc lum Sione”, xi.

Jeremías 8:19

A'yo ava'ay, xvinaj to x'avetic tal ta oq'uel li jchi'iltac te ta namal banamile: “¿Me yu'un mu'yuc xa te oy ta Sión li Muc'ul Diose? ¿Me yu'un mu'yuc te oy li ajvalil yu'une?”, xiic. Li Muc'ul Diose jech chal: “¿C'u yu'un ti la sa'bicun sc'ac'al co'nton ta sventa ti ja' la yich'ic ta muc' li yan diosetic ti mu'yuc stue?”, xi.

Ezequiel 21:22

Li st'unubil yu'une ja' te chac' batel ta ilel ta bats'ic'ob. Sna' xa ti ja' lum Jerusalén chtal stsac ta pleitoe, ti xu' xa tsliquesic muc'ta milbaile, ti xu' xa ch-avanic sventa pleitoe, xchi'uc ti xu' xa tspas stec'ubic, ti xu' xa chtal setuic ta joyob li lum Jerusalene.