Jeremías 4:13 - Bible in Tzotzil de Chenalhó with Deuterocanon

¹³ Q'uelavilic, li avajcontraique toyolic no'ox xchechte-chechteic tal jech chac c'u cha'al toc; li scaretaique ja' jech chac c'u cha'al sutub ic' ta xtal; li sca'ique bats'i xviletic no'ox tal ta anil jech chac c'u cha'al xic. ¡Ay, toj abul jbatic, yu'un lij'och xa o ta c'abal!

Bible in Tzotzil de Chamula

¹³ Q'uelo avilic, ti jcontrainvaneje xvolet no'ox talel jech c'u cha'al junuc toc. Ti scarretaic sventa ti pasob letoe, co'ol s'elan sutub ic' ti sts'otobaj no'ox talele. Ti sca'ique xvilet no'ox talel, ja' mu sta xvil ti muc' ta xique. Mu xa ono'ox cha'bel, ja' to lijlaj un.

Jeremías 4:13 Iomraidhean Croise

2 Samuel 1:23

“Li Saúl xchi'uc Jonatane lec c'anbilic, lec ilbilic. Muc svoc' sbaic o ti jayib c'ac'al cuxulique, jech muc svoc' sbaic o c'alal to ichamic. Lec anil xanovic jech chac c'u cha'al xic. X'ech' to slomoic jech chac c'u cha'al leonetic.

Isaías 13:5

Scotolic liquemic tal ta namal banamil; liquemic tal c'alal to ta yibel vinajel. Ja' li Muc'ul Dios xchi'uc scotol li yajtuneltac sventa tslajes scotol li banamil ta sc'ac'al yo'ntone.

Isaías 19:1

Laj yich' albel sc'oplal c'usi chc'ot ta pasel ta stojol li Egiptoe: Q'uelavilic, li Muc'ul Diose cajal ta jun toc ti anil chanove, ta x'och batel ta Egipto. Li sloc'obaltac sdiosic ta Egiptoe xt'elajetic ta xi'el ya'yel ta stojol li Muc'ul Diose; li egiptoetique ch-alub yo'ntonic ta scoj xi'el.

Isaías 3:8

Ta melel j'ech'el chlom o li lum Jerusalene, j'ech'el chjin o li Judae, yu'un puru chopol c'usi laj yalic, puru chopol yabtelic ta stojol li Muc'ul Diose; la xchopolc'optabeic li smuc'ul stsatsale.

Isaías 5:28

Lec ts'ubajtic sni' li flecha yu'unique; lec xa cotajtic li st'ilesubil sflechaique. Li svoy sca'ique lec tsotsic jech chac c'u cha'al ton; c'alal chjoyij li yacan scaretaique, ja' jech chac c'u cha'al sutub ic'.

Isaías 66:15

A'yo ava'ay, li Muc'ul Diose ta xtal xchi'uc ep c'oc'; li caretaetic yu'une ta xtal jech chac c'u cha'al sutub ic'. Ja' ta xtal smal scotol li sc'ac'al yo'ntone; jech chac c'u cha'al yat c'oc' c'alal ch-utvan.

Jeremías 10:19

¡Ay toj abul jba, toj tsots li jvocole! Li jyayijemale mu xa stac' poxtael. La jnop ti tsts'ic cu'un li tsatsal vocol le'e.

Jeremías 4:12

Li ic' ti ta jmantal ta xtale bats'i ven tsots, ven xi'bal sba; vu'un chcal jtuc ti ja' jech li stojol mulil chtal ta stojolique”, xi li Muc'ul Diose.

Jeremías 4:31

Yu'un ta xca'ay oy boch'o x'ayet jech chac c'u cha'al jun ants c'alal chcux ti ja' sba yol toe; ja' snuq'uic li yajval Sione, tsots ch-avanic, ch-oq'uic; xbechoj sc'obic, jech chalic: ‘¡Ay, toj abul jba, chi'alub xa ta xi'el ta scoj ti chismilicun li jmilvanejetique!’, xiic.

Jeremías 46:18

Vu'un jtuc Ajvalilun. Vu'un li Muc'ul Diosun ti ta jpas ta mantal scotol te ta vinajele, jech chcal ta sventa ti vu'un cuxulun oe: Jech chac c'u cha'al li vits Tabor ti jeloven ta jol vitsetique, xchi'uc li vits Carmelo ti jeloven to ta sba li nabetique, ja' jech ta xtal li avajcontrae.

Jeremías 48:40

Jech chal noxtoc li Muc'ul Diose: “A'yo ava'yic, ta xvil tal jech chac c'u cha'al jcot xic li yajcontra Moabe; ta xlich'an tal lec xic' ta stojol li Moabe.

Jeremías 49:22

Li yajcontraique ta xvil jech chac c'u cha'al xic; ta xc'ot xlich'an xic' te ta Bosra. C'alal me la sta li sc'ac'alil le'e, li soldadoetic yu'un Edome ja' xa jech yo'nton chc'otic jech chac c'u cha'al jun ants ti c'alal ja'o tsots svocol c'alal yorail chcuxe”, xi li Muc'ul Diose.

Jeremías 6:23

Toj ven simaronic, me jutuc mu'yuc c'uxubinel yu'unic o; ta flecha xchi'uc ta jich'il taq'uinetic lec ts'ubajtic sni' ta xmilvanic o. C'alal ch-avanique, ja' jech chac c'u cha'al nab ti xvo'et no'oxe. Cajajtic lec ta ca' chtalic, chapalic tal lec ta sventa chtal stsacoxuc ta pleito, vo'oxuc ti yalab xnich'naboxuc lum Sione”, xi.

Jeremías 9:19

Yu'un te ta Sione chvinaj tal tsots oq'uel avanel: ¡C'uxi ti yantic xa chij'ul batele! Solel lijyal ta q'uexlal ta jyalel, yu'un la jcomtsantic o li cosil jbanamiltique, iyavnaij xa o li jna jc'ulebtique.

Lamentaciones 4:19

Li jnutsvanejetic cu'uncutique ta vilel no'ox chtalic ta anil jech chac c'u cha'al xiquetic; snutsojuncutic batel ta vitsetic, la smacuncutic ta be te ta xocol banamil.

Ezequiel 26:10

Ta xapixic ta pucuc yu'un epal ca'etic; ta xnic acoraltonal ta yacan caretaetic xchi'uc ta yacan ca'etic. C'alal ta x'ochic batel ta ti'coraltonetic avu'une, ja' jech ta x'ochic jech chac c'u cha'al jun lum ti jamal xae, ti jinesbil xae.

Ezequiel 38:9

C'alal chac'ot li vo'ote, ja' jech chac'ot jech chac c'u cha'al tsatsal ic'al vo'. Ic'uben chc'ot avu'un banamil jech chac c'u cha'al lumaltoc, yu'un chac'ot achi'uc scotol li avajsoldadotaque xchi'uc scotol li epal lumetic chbat achi'ine.

Daniel 11:40

‘C'alal chc'ot yoraile, li ajvalil ta sure chlic stsac ta pleito li ajvalil ta nortee, pero li ajvalil ta nortee ta xbat yac' jech chac c'u cha'al tsatsal ic'al vo'; chbat xchi'uc epal caretaetic, epal soldadoetic cajajtic ta ca' xchi'uc epal barcoetic. Ta x'och batel ta yosilal; ta xc'ot sbut'iic, ta xjelovic batel.

Daniel 7:4

Li sbae xco'laj xchi'uc león, oy xic' jech chac c'u cha'al xic. Te jq'ueloj laj yich' c'ocbel li xiq'ue. Laj yich' va'anel ta sba banamil, iva'i ta yacan jech chac c'u cha'al cristiano. Laj yich' ac'bel sjol yo'nton jech chac c'u cha'al sjol yo'nton cristiano.

Oseas 8:1

Jech chal li Diose: “Jupano li oq'uese, yu'un ac'o yaluc tal stojol mulil ta stojol li cu'untaque; ja' jech chyal tal jech chac c'u cha'al xic. Yu'un muc xich'ic ta muc' li c'usi jchapanoje; la stacchiquintaic li mantaletic cu'une.

Miqueas 2:4

C'alal me la sta li sc'ac'alil le'e, ta to xaq'uejintaic q'ueoj ta sventa oq'uel, jech chavalic: ‘Jcotoltic lijlajutic o; li Diose laj xa sjelbe o yajval li jlumaltique. ¡C'uxi bat spojbutic li cosilaltique! Ja' xa laj yac'be, la svoc'be sbaic li cajcontratique’, xachiic to”, xi li Diose.

Nahúm 1:3

Ta melel li Muc'ul Diose toj muc' yo'nton, pero toj ech'em svu'el; muc teuc no'ox tsts'icbe li boch'o oy smule. Li Muc'ul Diose te chanov ta tsatsal ic'al vo' xchi'uc ta sutub ic'; li toque ja' spucucal yacan.

Habacuc 1:8

Li ca'etic yu'unique xjelov to x'anilaj jech chac c'u cha'al jti'val bolometic, xchi'uc ja' xjelov simaronilic jech chac c'u cha'al oq'uiletic chanov ta ac'ubaltic. Li soldadoetic cajajtic ta ca'e ven ep ta jyalel; solel xvilic no'ox ta anil ta nom jech chac c'u cha'al xic ti xjublej no'ox yalel ta stsaquel sve'ele.

Zacarías 6:1

La jtoy jsat noxtoc, ja' to laj quil oy chanib careta iloq'uic tal ta chib vits; li vitsetique xco'laj xchi'uc bronce taq'uin yilel.

San Mateo 24:30

Ja'o ta xvinaj tal senyail ta vinajel ti chital, vu'un ti Xnic'on cristiano lic'ote. Scotol jaychop cristianoetic ta sbejel banamil ta x'oq'uic ta scoj xi'el. Ta xilic chiyal tal ta toc ta vinajel xchi'uc ep jtsatsal xchi'uc tsots jxojobal, vu'un ti Xnich'on cristiano lic'ote.

Deuteronomio 28:49

Li Muc'ul Diose ta stacboxuc tal ta atojolic cristianoetic ta yan banamil ti bats'i nom nacalique, ti mu xava'ibeic sc'opique. Ja' jech ta ora no'ox ta xtal ta atojolic jech chac c'u cha'al chvil jcot xic.

Apocalipsis 1:7

A'yo ava'yic, li Cristoe ta xyal tal ta toc. Scotol cristianoetic ta xil ta satic, xchi'uc ta xilic ec li boch'otic la smilique. Scotol jnaclumetic ta banamil ta x'oq'uic yu'un. Ta melel jech chc'ot ta pasel. Jechuc.