Biblia Todo Logo
Bìoball air-loidhne

- Sanasan -




Jeremías 4:11 - Bible in Tzotzil de Chenalhó with Deuterocanon

11 C'alal me ic'ot yorail le'e, ja' jech chich' albel li lum li'i xchi'uc li Jerusalene: “Muc'ta q'uixin ic' ta xtal ta stojol li jteclumale, ja' te chlic tal ta vitsetic ta xocol banamil; li iq'ue mu ja'uc no'ox jech chac c'u cha'al li ic' sventa chich' ic'ael o trigoe.

Faic an caibideil Dèan lethbhreac

Bible in Tzotzil de Chamula

11 C'alal ta xc'ot xa yorail taje, xi ta xlic yich' albel ti jnaclejetic ta Jerusalene: “Ti ic' ta xlic talel ta sbajtical banomile, toj q'uixin ta jmec ti xvuch'et no'ox ta xtal ta stojol ti jteclumale. Ma'uc ti siquet no'ox yutsil ta xtun ta sventa yic'ael solepal ti trigoe.

Faic an caibideil Dèan lethbhreac




Jeremías 4:11
28 Iomraidhean Croise  

Chac'be tsots svocolic jech chac c'u cha'al chac' tsots vo'; chac'be tal c'oc' xchi'uc azufre xchi'uc ic', jech chchic' o scotol. Ja' no'ox jech stojol tsc'an chich'ic.


Ja' yu'un jech laj cal: Loc'anic batel li' yo' bu oyune, yu'un jech xu' ep ta xcoc'ta jba li'i, yu'un toj st'uset co'nton chca'ay. Altic chapatbicun co'nton ta sventa ti ilaj xa li jlumale.


Laj yac'be svocol, la stac batel ta yan banamil; ta stsatsal yic'al ye la xjuch'ta loq'uel ta yosilal, jech chac c'u cha'al muc'ta ic' ti chtal ta sloq'ueb c'ac'ale.


C'alal chajipic muyel ta toyole, ta xcuchat batel ta ic'; ta xich' tanijel batel ta tsatsal ic'. Pero li vo'ote xcuxet no'ox avo'nton ta jtojol, vu'un li Muc'ul Diosune, jech toj jun avo'nton chava'ay ta sventa li Ch'ul Dios yu'un Israel.


Li vu'uncutique ja' jechuncutic jech chac c'u cha'al ic'ubal; li c'usi lec la jpascutic calojcutique ja' jech chac c'u cha'al poc' ti chich' cusel o ic'ubale. Li jchopolilcutique la xcuchuncutic batel jech chac c'u cha'al chcuchat batel ta ic' yanal te' ti taquin xae.


Ja' yu'un ta jpucoxuc batel ta ic' ti chtal ta xocol banamile, jech chac c'u cha'al chcuchat batel ta ic' li solil trigoe.


Jech xavalbe ya'yic li achi'iltaque: ‘Ac'o loc'uc ya'lel jsat ta c'ac'al ta ac'ubal ta sventa li jteclumale. Mu me xpaj o ta loq'uel li ya'lel jsate yu'un toj tsots li vocol chtal ta stojolique. Chtal tsots majel ta stojolic ti mu stac' poxtael oe.


Li sc'ac'al yo'nton Muc'ul Diose ja' jech chac c'u cha'al tsatsal ic'al vo'; ja' jech chac c'u cha'al sutub ic', te sututet chc'ot ta stojolic li boch'o chopolique.


Li ic' ti ta jmantal ta xtale bats'i ven tsots, ven xi'bal sba; vu'un chcal jtuc ti ja' jech li stojol mulil chtal ta stojolique”, xi li Muc'ul Diose.


A'yo ava'ay, xvinaj to x'avetic tal ta oq'uel li jchi'iltac te ta namal banamile: “¿Me yu'un mu'yuc xa te oy ta Sión li Muc'ul Diose? ¿Me yu'un mu'yuc te oy li ajvalil yu'une?”, xiic. Li Muc'ul Diose jech chal: “¿C'u yu'un ti la sa'bicun sc'ac'al co'nton ta sventa ti ja' la yich'ic ta muc' li yan diosetic ti mu'yuc stue?”, xi.


¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!


Ja' yu'un, jech chcal vu'un li Muc'ul Diosun, vu'un ti ta jpas ta mantal scotol te ta vinajele: A'yo ava'yic, ta xcunijesic quic ta c'oc', ta jq'uelbe quic c'u x'elan yo'ntonic. ¿C'usi yan xu' ta jpas ta stojolic li jteclumale?


Solel chmac xa jsat yu'un li ya'lel jsate, i'alub xa li co'ntone. Xlaj xtu'p co'nton yu'un c'alal chquil oy ep svocolic li jchi'iltaque, xchi'uc c'alal chquil chchamic ta vi'nal ta xoraltic li ololetic ti chchu'unic toe.


Xco'laj xa xchi'uc uc'um chloc' ya'lel jsat c'alal chquilbe xc'uxul svocolic li jchi'iltaque.


Li lequil antsetic to'oxe, stuquic lic stsac li yolique; yol stuquic lic span sti'ic ti c'alal ja'o tsots svocol li jlumale.


Li me' oq'uiletique ta stuc'ulanic, ta xchu'untasic lec li yolique, pero li jchi'iltac ta jlumale toj ven chopolic ta jyalel; co'ol xa stalelic jech chac c'u cha'al avestruz mutetic xch'i ta xocol banamil.


Li jchi'iltac ta jlumale ijelov to smulic jech chac c'u cha'al smulic li cristianoetic ta Sodoma ta vo'onee, ja' li lum ti ta anil no'ox i'ulesate, ti ma'uc to uts oy boch'o ay scontraine.


Ac'o me chich' to cha'ts'unel, pero mu xa xq'uelumaj o. Ta xtaquijesat o yu'un li ic' chtal ta sloq'ueb c'ac'ale, jech ta xtaquij o te ta banamil ti bu sc'oplal xu' chq'uelumaje’, uto”, xiyutun.


Pero ibulat loq'uel ta sc'ac'al o'ntonal; laj yich' lomesel yalel c'alal ta banamil. Te imats' sat ta scoj li ic' chtal ta sloq'ueb c'ac'ale., Li sc'ob ti lec tsotse ic'as, itaquij, jech laj yich' chiq'uel ta c'oc'.


“Ac'o me x'ac'ubaj no'ox li Israele, pero ta xtal muc'ta ic' ta sloq'ueb c'ac'al. Ta stac tal tsatsal ic' li Muc'ul Diose; te ta xlic tal ta xocol banamil. Ta xvul taquijesbatuc li nio'etic yu'une; ta x'ulesbat ya'lel li loq'uem vo'etic yu'une. Jech noxtoc li iq'ue ta xch'ubabe batel scotol li sc'ulejale xchi'uc scotol li c'usitic c'upilic sba oy yu'une.


Ja' yu'un ja' jech ta xc'otic jech chac c'u cha'al lumal toc ta sob, jech chac c'u cha'al job osil ti ta anil no'ox chtaquije, jech chac c'u cha'al taqui jobel ti chcuchat batel ta sutub iq'ue, xchi'uc ja' jech chbatic jech chac c'u cha'al ch'ayil ti chloc' ta jolnae.


Ja' yu'un ta xcuchatic batel yu'un jun muc'ta ic'; te ta xyalic o ta q'uexlal, yu'un altic ti laj yac'beic smoton li sdiosique.


C'alal ta xjelovique, ja' jech chac c'u cha'al tsatsal ic'; ja' xa dios c'otem yu'unic li stsatsalique”, xi li Diose.


A'yo ava'yic, yu'un ta xcac' liquicuc tal li caldeaetique, ja' li jun banamil ti bats'i ven simaronique, ti toj lec xu' yu'unic anile, ti mu vocoluc cha'yic chbatic ta scotol banamil sventa chbat spojbeic sna sc'uleb li yantic banamile.


Jech noxtoc li yic'aubil strigoe te xa stsacoj ta sc'ob, ta smes lec li yav smajubil strigoe. Li strigoe ta stic' ochel ta snail; yan li ste'ele ta xchic' ta c'oc' ti bu mu ono'ox xtu'p oe”, xi li Juane.


Te xa stsacoj tal ta sc'ob li yic'aubil strigoe. Ta smes lec li yav smajubile; ta stic' ochel ta snail li sbec' trigoe. Yan li ste'ele ta xchic' ta c'oc' ti bu mu xtu'p oe”, xi li Juane.


Lean sinn:

Sanasan


Sanasan