Jeremías 4:10 - Bible in Tzotzil de Chenalhó with Deuterocanon

¹⁰ Jech laj cal: “¡Ay, Muc'ul Dios, toj ech'em laj alo'la li jchi'iltac li'i xchi'uc li jchi'iltac te ta Jerusalene! Yu'un avalojbe ti chavac'be jun yo'ntonique, pero xco'laj xchi'uc tijil xa espada ta sbec'talic”, xcut.

Bible in Tzotzil de Chamula

¹⁰ Xichi laj cal une: “Mu xa ono'ox cha'bel un, Dios, yu'un laj xa alo'la ti jnaclejetic yu'un ti jteclum Jerusalene. Laj avalbe ya'i ti ta staic ta xlamaj ti c'ope. Le' une, c'ajomal no'ox q'uelel ta stojolic ti cuchilu xve' yu'un ti snuq'uique.”

Jeremías 4:10 Iomraidhean Croise

Éxodo 5:22

Ja' yu'un li Moisese te lic sc'opan li Muc'ul Diose, jech laj yalbe: —Cajval, ¿c'u yu'un ti chavac'be svocol li jchi'iltaque? ¿C'u yu'un laj atacun batel cha'e?

Éxodo 9:14

Ta to me xcac' taluc yan vocol ta atojol, xchi'uc ta stojol li achi'iltac ta abtele, xchi'uc ta scotol li achi'iltaque, yu'un jech chana' o ti mu'yuc yan Dios ta scotol banamil jech chac c'u cha'al vu'une.

Isaías 30:10

Jech chalbeic li boch'otic oy c'usi ch-ac'bat yilic yu'un Diose: “Mu xa me c'usi xaq'uelic tal”, xutic. Jech chalbeic li j'alc'opetique: “Mu xa me xavalbuncutic li c'usi tuq'ue; ja' no'ox albuncutic li c'usi toj lequic ta a'yele; ja' no'ox albuncutic li c'usi lec c'usi c'upil sba ta a'yele.

Isaías 37:35

Vu'un ta jchabi li lum li'i, vu'un ta jcolta ta sventa ti lec jc'anoj li cajtunel Davide, xchi'uc ta sventa quich'el ta muc' ec li vu'une’, xi li Diose”, xi li Isaiase.

Isaías 63:17

Muc'ul Dios, ¿c'u yu'un ti laj avac' ch'aycuncutic ta be avu'une? ¿C'u yu'un ti laj atsatsubtasbun co'ntoncutic ta avich'el ta muq'ue? Sutan tal ta jtojolcutic ta sventa ti lec ac'anoj li avajtuneltaque, xchi'uc ta sventa li jaychop avu'untac avic'oj o ta atojole.

Jeremías 1:6

Jech la jtac'be: “Ay, Cajval, Muc'ul Dios, mu to jna' xilo'ilaj, yu'un queremun to”, xcut.

Jeremías 23:17

Yu'un jech chalbeic li boch'o mu xich'ic ta muc' c'usi chcale: ‘Jech chal li Muc'ul Diose: Junuc la avo'ntonic’, xutic. Li boch'otic ja' no'ox tspas c'usi tsc'an yo'ntonique, jech chalbeic: ‘Mu'yuc c'usi chopol chc'ot ta pasel ta atojolic’, xutic”, xi li Muc'ul Diose.

Jeremías 32:17

Cajval, Muc'ul Dios, vo'ot laj apas li vinajel banamil ta avu'el ta atsatsal, ta avoc ta ac'obe. Mu'yuc c'usi tsots chava'ay li vo'ote.

Jeremías 4:18

“Ja' ta scoj chopol avabtel, chopol c'usi laj apas ti jech chc'ot ta pasel ta atojole. Ja' ta scoj achopolil ti toj c'ux avocole, ti toj ep svocol chava'ay li avo'ntone”, xi li Muc'ul Diose.

Jeremías 5:12

Li Israel xchi'uc Judae mu'yuc xa ta yo'ntonic li Muc'ul Diose, jech laj yalic: “Li Diose mu'yuc c'usi tspas. Mu'yuc c'usi chopol chtal ta jtojoltic; mu'yuc chquiltic pleito, mu'yuc chca'itic vi'nal”, xiic.

Jeremías 6:14

Lec xa chpoxtabeic xtuch'emal yilel li jteclumale, jech chalbeic ‘Lec xa oy, toj lec chbat scotol’, xutic, ac'o me toj chopol chbat yu'unic.

Jeremías 8:11

Lec xa chpoxtabeic xtuch'emal yilel li jteclumale, jech chalbeic: Lec xa oy, toj lec chbat scotol, xutic, ac'o me toj chopol chbat yu'unic.

Lamentaciones 2:21

C'alal ta mol me'el, ta muc' ta biq'uit, te lamalic ta xoraltic; li jqueremetic, li tojol tsebetic cu'une ilajic ta milel ta espada. Laj amil scotol ti c'alal ilic sc'ac'al avo'ntone; mu'yuc abul sba laj avil.

Ezequiel 11:13

C'alal ja' to no'ox laj cal c'usi chc'ot ta pasele, iyal ta lum li Pelatías xnich'on Benaiae, jech icham o. Li vu'une ta ora la jpatan, la jtuts'an jba ta banamil; tsots li'avan, jech laj cal: “¡Ay, Cajval, Muc'ul Dios! ¿Me yu'un chavules o ta j'ech'el li scomelal smomnich'nabtac Israele?”, xcut.

Romanos 1:24

Ja' yu'un li Diose laj yac'be spasic o li c'usitic chopol tsc'an yo'ntonique, lic spasic o puru mulivajel. Toj q'uexlal sba li c'usi lic spasbe sbec'talique.

Romanos 1:26

Ja' yu'un li Diose laj yac'be spasic o li c'usi tsc'an yo'ntonic ti toj q'uexlal sbae. C'alal ta antsetic la sjelic c'u x'elan li stalelique, ja' la spas xchi'uc sbec'talic li c'usi mu jechuc sc'oplal ta pasele.

Romanos 1:28

Ta sventa ti muc xich'ic ta muc' c'u x'elan xu' chcotquintic o li Diose, jech i'ac'bat snopic o yu'un Dios li c'usitic mu'yuc stue, yu'un jech ac'o spasic o li c'usi mu jechuc sc'oplal ta pasele.