Jeremías 4:1 - Bible in Tzotzil de Chenalhó with Deuterocanon

¹ Jech chcal vu'un li Muc'ul Diosune: “Israel, me chac'an chasut tale, la' me li' ta jtojole. Me chajip comel ta avo'nton li c'usi toj chopol chquile, me mu xabat ta buyuc no'oxe,

Bible in Tzotzil de Chamula

¹ Ti Diose xi ta xale: “Israel, mi xac'an to xasutes aba, mu yanuc bu xatam batel, tuc' xasut talel ta jtojol. Mi j'ech'el laj aten loq'uel ti j'ac'-vocol loc'obbailetic avu'une, mi mu xach'ac aba ta jtojol,

Jeremías 4:1 Iomraidhean Croise

Génesis 35:2

Li Jacobe laj yalbe ya'ay li yajnil xnich'nabe xchi'uc scotol li boch'otic te xchi'uque: —Loq'uesic scotol li sloc'obal diosetic avich'ojic tale. Atinanic lec; lapo yan ac'u'ic.

2 Reyes 23:13

La soques noxtoc li toyol c'opojebal te ta yeloval lum Jerusalén, ta xocon vits olivatic ta stuq'uil bats'ic'obe. Ja' ti spasoj ono'ox ajvalil Salomón ta sventa Astoret, ja' li me' dios yu'un sidonetique, xchi'uc Quemos, ja' li dios yu'un moabetique, xchi'uc Milcom, ja' li dios yu'un amonetic ti toj chopolic chil Diose.

2 Reyes 23:24

Li Josiase la smes loq'uel noxtoc li j'ic'ch'ulelaletic, li jt'unuletic, xchi'uc li bic'tal diosetic yu'unic ta jujubej snaique, xchi'uc li yantic diosetic te ta yosilal Judá xchi'uc ta Jerusalene. Yu'un ja' la spas li c'usitic ts'ibabil ta svunal li mantaletic yu'un Dios ti la sta te ta xch'ulna Muc'ul Dios li banquilal pale Hilciase.

2 Crónicas 15:8

C'alal laj ya'ay Asa c'usi laj yal li j'alc'op Azarías xnich'on Obede, itsatsub lec yo'nton. Jech lic sloq'ues scotol li c'usitic toj chopolique, ja' li sloc'obal sdiosic te ta yosilal Judá xchi'uc ta Benjamín, xchi'uc te ta lumetic ti la spoj te ta toyolaltic ta yosilal Efraine. Lic xcha'meltsan lec li scajleb smoton Muc'ul Dios ti te ono'ox oy ta yeloval stentenail ta yochebal ch'ulnae.

2 Crónicas 33:8

Mu'yuc bu ta jloq'uesic o batel ta yosilic li achi'iltac ti laj ono'ox cac'be amoltotaquic ta vo'onee; ja' no'ox venta me chch'unic, me tspasic scotol li jmantaltaque, li chanubtaseletic cu'une, xchi'uc scotol li c'usitic yan calojbeic ta sventa li Moisese”, xi ono'ox.

2 Crónicas 34:33

Li Josiase la sloq'ues scotol li c'usitic toj chopol chil Dios te ta scotol yosilal israeletique. Li boch'otic te to oyic ta Israele laj yalbe ti ja' no'ox ac'o yich'ic ta muc' li Muc'ul Dios yu'unique. C'alal cuxul li Josiase, mu'yuc bu la scomtsanic o li Muc'ul Diose, ja' li Dios yu'un smoltot syame'ic ta vo'onee.

Isaías 31:6

Israeletic, sutanic ta stojol li boch'o toj ep jelovenoxuc ta stojole.

Jeremías 15:19

Jech la stac'bun li Muc'ul Diose: “Me chasutes avo'nton ta jtojole, chaquic'ot o sventa li' chatun cu'un. Me chapajes aba ta bic'tal vulvunele, me ja' no'ox chaval li c'usi leque, vu'un ta jventa chac'opoj, vo'ot queot chac'ot. Jech ta sutes yo'ntonic ta atojol li achi'iltaque; muc vo'ocot chabat ta stojolic.

Jeremías 15:4

Scotol li ajvaliletic ta banamile ta xcac' xi'icuc ta scoj smul, ta scoj c'usi la spas te ta Jerusalén li Manasese, ja' li ajvalil ta Judá xnich'on Ezequiase.

Jeremías 18:11

“Albo ya'yic li cristianoetic ta Judá xchi'uc li jnaclumetic ta Jerusalene, jech xavalbe: ‘Jech chal li Muc'ul Diose: A'yo ava'yic, oy c'usi chopol jnopoj ta jpas ta atojolic, jnopoj ti chacac'boxuc avocolique. Ja' yu'un comtsanic xa li chopol be atamojique, tuq'uibtasic li c'usi chapasique, lecubtasic li avabtelique’, uto.

Jeremías 24:9

Ta xcaq'uic ta labanel, ta xcac' ti chopol ch-ilatic yu'un scotol li muc'tiquil lum li' ta banamile; ja' sq'uelubil chc'otic ta scotol banamil bu ta jpuquic batel ti chopol sc'oplalique, ti bajbilique, ti contrainbilique.

Jeremías 25:5

Jech laj yalboxuc: ‘Comtsanic li chopol be atamojique xchi'uc ti chopol c'usi chapasique, yu'un jech xu' te chanaquiic o li' ta avosilalic ti laj yac'boxuc Dios achi'uc li amoltotic ta vo'onee.

Jeremías 3:1

Jech chal noxtoc li Muc'ul Diose: “Me oy jun vinic ta xicta sbaic xchi'uc yajnile, me imalij ta yan vinic li antse, ¿me chbat to yic' yan velta li vinique? ¿Me mu ja'uc no'ox tsoquesbe sc'oplal sjunul slumal me jech tspase? Ja' jech laj apas ec li vo'ote, Israel; xco'laj xchi'uc ep xa boch'o lamulivaj achi'uc. ¿Me chanop ti xu' to chasut tal ta jtojole?, xacutot vu'un li Muc'ul Diosune.

Jeremías 3:12

Batan, jech xbat aval ta stuq'uil norte: ‘Jbajmantal Israel, sutan tal ta jtojol. Mu'yuc ta xcac' c'otuc ta atojol li sc'ac'al co'ntone, yu'un li vu'une muc'ul jc'uxubinvanejun; muc teuc stsoq'uet o co'nton ta atojol.

Jeremías 3:14

Jech laj yal noxtoc li Muc'ul Diose: “Jbajmantaletic, suteso avo'ntonic ta jtojol, yu'un vu'un avajvalicun. Ta xquic'oxuc jun ta jujun lum, chib ta jujuchop abiic, jech chaquic'oxuc sutel ta Sión.

Jeremías 3:22

Jbajmantaletic, suteso avo'ntonic ta jtojol; vu'un ta jpoxtaboxuc li atoyobbailique”, xi li Diose. “Lec oy, ta xitalcutic ta atojol, yu'un vo'ot Muc'ul Diosot cu'uncutic.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 36:3

Naca me ja' to jech xlic scomtsan c'usi chopol tspas li judaetic c'alal me cha'yic scotol c'u x'elan li vocol ta jtacbe tal ta stojolique; jech xu' ta jpasbe perdón li smulique, li xchopolilique”, x'utat.

Jeremías 4:4

Vinic antsetic ta Judá, jnaclumetic ta Jerusalén, ich'ic circuncisión ta avo'ntonic ta jventa vu'un li Muc'ul Diosune. Loq'uesic li c'usi macal o, li c'usi pixil o avo'ntonique; yu'un naca me stsan jech chac c'u cha'al c'oc' li sc'ac'al co'nton ta scoj amulique, yu'un mu'yuc boch'o xu' yu'un tstu'p o.

Jeremías 7:3

Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele: ‘Tuq'uibtaso li atalelique, lecubtaso li avabtelique, jech xu' chcac' naclanic o li' ta banamile.

Jeremías 7:5

‘Me chatuq'uibtas atalelic xchi'uc avabtelique, me melel, me tuc' c'usi chapasbe li achi'ilique,

Jeremías 7:7

j'ech'el chcac' naclanic o li' ta avosilalic, ja' li banamil ti j'ech'el cac'ojbeic o li amoltot ayame'ic ta vo'onee.

Ezequiel 11:18

Ta xlic suticuc tal yan velta ti bu yosilalic ono'oxe; ta xvul sloq'uesic scotol li sloc'obaltac sdiosique xchi'uc scotol li c'usitic toj chopolic la spasique.

Ezequiel 18:13

ti tsc'anbe sjol staq'uin xchi'uc ti chch'ambe svocaroile, ¿me xu' chcuxi le'e? Mu xu'. Ta sventa ti ja' tspas li c'usitic toj chopol chquile, ta persa ta xcham; te chcuch o batel smul stuc.

Ezequiel 43:9

Pero li' ta orae ta xlic sjip loq'uel ta yo'ntonic li muliletique, xchi'uc li sbec'tal anima ajvaliletic yu'unique; j'ech'el te chinaqui o ta stojolic.

Oseas 14:1

Israel, sutan tal yan velta ta stojol li Dios avu'une, yu'un yalemot ta lum ta scoj li amule.

Oseas 2:2

Li Diose jech chayalboxuc: “¡Albeic ta sat smul li ame'ique, albeic ta jamal, yu'un mu xa ja'uc cajnil; muc xa vu'cun smalalun! Ac'o scomtsan yaq'uel ta ilel ta sat ti ja' jmulavil antse, ac'o sjip ta yo'nton li sc'upil vinictaque.

Oseas 7:16

Mu ja'uc li' italic ta jtojol, vu'un ti oyun ta toyole. Ja' jechic jech chac c'u cha'al st'ilesubil flecha ti mu xt'abe. Li banquilaletic yu'unique ta xmilatic ta espada ta scoj ti stoyoj sbaic xchi'uc yeique, jech chich'ic na'leel o yu'un li egiptoetique”, xi li Diose.

Joel 2:12

Ja' yu'un jech chal li Muc'ul Diose: “Sutanic tal ta jtojol ta scotol avo'ntonic; ictaic ixim, oc'anic, ato avo'ntonic.”

Zacarías 1:4

Mu me ja'uc xachanic jech chac c'u cha'al la spasic li amoltot ayame'ique, ja' li boch'otic jech i'albatic yu'un li ba'yuc j'alc'opetique: Jech chal li Muc'ul Dios ti tspas ta mantal scotol te ta vinajele: Comtsanic li chopol be atamojique xchi'uc ti chopol c'usi chapasique, x'utatic. Pero muc xch'unic, muc xich'icun ta muc' vu'un li Muc'ul Diosune.

Deuteronomio 27:15

‘Ac'o ac'batuc stoj li boch'o ta spasbe sloc'obal c'usitic chich' ta muq'ue, o me oy c'usi yan tsloc'taic ti pasbil ta unijesbil taq'uin yu'un jtentaq'uine, xchi'uc ti chaq'uic ta nac'alaltique. Li boch'o jech tspase toj chopol chil li Muc'ul Diose’, ac'o xiicuc. ‘Jechuc’, ac'o xiicuc scotol li jchi'iltactique.

Deuteronomio 4:30

Me icuch avu'unic scotol li at-o'nton xchi'uc scotol li vocoletic le'e, me chlic sutanic tal yan velta ta stojol li Muc'ul Diose, me chlic ach'unbeic li smantale,

Josué 24:14

—Ja' yu'un ich'ic me ta muc' li Muc'ul Diose; scotoluc avo'nton tunanic yu'un. Comtsanic o yich'el ta muc' li yantic diosetic ti ja' itunic yu'un jmoltotactic ta vo'one c'alal te nacalic ta ti' uc'um Éufrates xchi'uc ta Egiptoe. Ja' tunanic o yu'un li Muc'ul Diose.

Jueces 10:16

Jech lic sloq'uesic ta stojolic li yantic diosetic yu'unique; ja' lic yich'ic ta muc' stuc li Muc'ul Diose. Li Muc'ul Diose toj abul sba laj yil ti ep chich'ic vocol li israeletique.

1 Samuel 7:3

Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.