Jeremías 39:9 - Bible in Tzotzil de Chenalhó with Deuterocanon

⁹ Li boch'otic te to oyic ta Jerusalene, xchi'uc li boch'otic laj xa yac' sbaic ta sc'ob li ajvalil ta Babiloniae, xchi'uc scotol li jnaclumetic ta Judae la xchuc batel scotol ta Babilonia li Nabuzaradán banquilal jchabivanej yu'un ajvalile.

Bible in Tzotzil de Chamula

⁹ Laj taj une, ti Nabuzaradán banquilal jpas-mantal yu'un yajchabivanej soldado yu'un ti ajvalile, laj sbec' ta tsobel batel c'alal to ta Babilonia ti jnaclejetic ti c'u yepal comic ta jteclume, xchi'uc ti c'u yepal jelavemic batel ta stojol ti caldeoetique. C'ot ta pasel ti bat scotol ti jteclume.

Jeremías 39:9 Iomraidhean Croise

Génesis 37:36

Li madianetique te c'ot xchonic ta Egipto li Josee. La xchonbeic jun vinic, Potifar sbi. Ja' yajcoltaubbail ta abtel faraón te ta Egipto, xchi'uc ja' banquilal soldado yu'un.

2 Reyes 20:18

Jech noxtoc li amomnich'nabtaque ta to x'ic'atic batel ta Babilonia. Ta xich'ic pasel ta capon; te chich'ic mozoinel ta spasubmantal li ajvalil ta Babiloniae”, xi li Muc'ul Diose —x'utat yu'un li Isaiase.

2 Reyes 25:11

Li israeletic ti te to icomic ta Jerusalene xchi'uc li boch'otic laj xa yac' sbaic ta sc'ob ajvalil ta Babiloniae, li Nabuzaradane la xchuc batel ta Babilonia scotol.

2 Reyes 25:20

Li Nabuzaradane laj yic'an batel; te c'ot yac' ta stojol li ajvalil ta Babilonia te ta Ribla ta yosilal Hamate. Li ajvalil ta Babiloniae laj yal mantal ti ac'o yich'ic milele. Ja' jech chucbil iloq'uic o batel ta yosilalic li judaetique.

Isaías 5:13

Ta sventa ti mu xa'ibeic smelol li jteclumale, jech ch-ic'atic batel ta yan banamil. Scotol li jteclumal xchi'uc li banquilaletic yu'unique te chchamic ta vi'nal xchi'uc ta taqui o'ntonal.

Jeremías 10:18

Yu'un jech yaloj li Muc'ul Diose: “Li jnaclumetic li' ta avosilale ta jip batel ta jimich' ta namal banamil; ta xcac'be tsots svocolic, yu'un jech ac'o snop ya'yic”, xi.

Jeremías 16:13

Ja' yu'un li vu'une ta jpucoxuc batel ta yan banamil ti bu mu'yuc ono'ox avilojique, xchi'uc ti mu'yuc ono'ox yilojic ec li amoltot ayame'ique. Te chatunic ta c'ac'al ta ac'ubal yu'un li yantic diosetique, jech mu'yuc ta jc'uxubinoxuc o’, uto”, xi li Muc'ul Diose.

Jeremías 24:8

“Yan li Sedequías ajvalil ta Judá, xchi'uc li banquilaletic, xchi'uc li yantic israeletic ti li' chcomic ta avosilalique xchi'uc li boch'otic chbat naquiicuc ta Egiptoe, ja' jech chquilic jech chac c'u cha'al li chopol higo ti solel mu stac' lo'ele.

Jeremías 38:19

Itac'ov li Sedequiase: —Ja' chixi' yu'un li judaetic ti yac'oj xa sbaic ta sc'ob li caldeaetique. Me te li'och ta sc'obique, xu' te abul jba ta uts'intael yu'unic —xi.

Jeremías 40:1

Li Jeremiase ital c'opanatuc yu'un Muc'ul Dios ti c'alal laj xa'ox yich' coltael ta chuquel te ta Ramá yu'un banquilal jchabivanej Nabuzaradane. Yu'un te chucul ta cadena itaat yu'un Nabuzaradán ta stojol scotol li viniquetic ta Jerusalén xchi'uc ta Judá ti talem yich'ic chuquel batel ta Babiloniae.

Jeremías 40:7

C'alal te snac'oj sbaic ta te'tic li banquilal soldado yu'un judaetic xchi'uc svinictaquique, laj ya'yic ti ja' xa la stic' ta ajvalilal te ta slumalic li Gedalías xnich'on Ahicam li ajvalil ta Babiloniae, xchi'uc ti ja' laj yac'be comel sventain li vinic antsetic xchi'uc li ololetic ti ven me'onic te ta yosilalique, ja' li boch'otic mu'yuc laj yich'ic chuquel batel ta Babiloniae.

Jeremías 52:26

Te laj yic' batel ta stojol ajvalil ta Babilonia ti te oy ta lum Ribla ta yosilal Hamate. Li ajvalil ta Babiloniae te lic yal mantal ti ac'o smilique. Ja' jech laj yich'ic o chuquel loq'uel ta yosilalic li judaetique.

Daniel 2:14

Li Daniele ibat sc'opan ta sventa sbijil, ta sventa lequilc'op li Arioc banquilal soldado yu'un ajvalil ti yu'un xa'ox chbat smil li bijil viniquetique.

Levítico 26:33

Ta jpucoxuc batel ta yantic lumetic. Ta jloq'ues espada ta atojolic; ja' ta jnutsoxuc o batel. Li avosilalique ja' jech chcom jech chac c'u cha'al xocol banamil. Li alumalique ta xyavnaij o ta j'ech'el.

Deuteronomio 4:27

Li Muc'ul Diose chaspucoxuc batel ta yantic lum. Jutuc xa no'ox cuxul chacomic te ta stojolic.