Jeremías 39:8 - Bible in Tzotzil de Chenalhó with Deuterocanon

⁸ Li caldeaetique laj yac'beic sc'ac'al li spasubmantal ajvalile xchi'uc scotol li naetic te ta lume, xchi'uc la sjinesic li coraltonetic yu'un Jerusalene.

Bible in Tzotzil de Chamula

⁸ Ti caldeoetique laj stsanbeic sc'ac'al ti muc' ta na yu'un ti ajvalile, xchi'uc ti naetic yu'un ti jteclume. Laj sjinesic smocal xtoc ti Jerusalene.

Jeremías 39:8 Iomraidhean Croise

2 Reyes 25:8

Ta svucubal c'ac'al yochel li yo'bal u ta sbalunlajunebal jabil yochel ta ajvalilal ta Babilonia li Nabucodonosore, ja'o ibat ta Jerusalén li Nabuzaradane, ja' li banquilal soldado yu'une, xchi'uc ja' xchi'il ta abtel.

2 Crónicas 36:19

Jech noxtoc la xchiq'uic comel li ch'ulnae; la sjinesic comel li coralton yu'un Jerusalene. Laj yac'beic comel sc'ac'al li pasubmantaletic yu'unique, xchi'uc laj yulesic o comel li c'usitic toyolic stojole.

Nehemías 1:3

Jech laj yalbicun: “Li boch'otic isutic batel ta mozoinele toj ep svocolic, toj ep q'uexlal cha'yic. Yu'un li coralton yu'un Jerusalene laj yich' jinesel; li smaque laj yich'an chiq'uel ta c'oc'”, xiyuticun.

Salmos 79:7

Yu'un ja' laj yulesic li sts'unubal Jacobe; solel yav xa la scomtsanic li jlumalcutique.

Isaías 5:9

Li Muc'ul Dios ti ech'em svu'ele jech xa laj yalbun: “Li lequil naetique xch'ijan chcom o; li muc'tic na ti toj c'upilic sbae solel mu'yuc yajval chcom o.

Jeremías 17:27

Pero me mu xach'unic ti tsc'an chavoc'bicun o li sc'ac'alil chacux avo'ntonique, ti tsc'an mu xacuchic ochel avicatsic ta sti' li coraltonetic ta Jerusalene, ta jtsanbe sc'ac'al li ti'coraltonetique xchi'uc scotol li naetic ta Jerusalene, me jutuc mu xtu'p o’, uto”, xi li Muc'ul Diose.

Jeremías 21:10

Yu'un jnopoj xa o ti chcac'be tal svocol li lum li'i; mu'yuc lec c'usi chtal ta stojol. Yu'un ta ono'ox x'och ta sc'ob li ajvalil ta Babiloniae; ta xchic' ta c'oc'’, xi li Muc'ul Diose.

Jeremías 32:29

Li caldeaetique ta xtal scontrainic li lum li'i; ta xac'beic sc'ac'al, ta xchiq'uic. Ta xchiq'uic noxtoc li naetic ti bu la xchic'beic pom ta stojol dios Baal te ta yamaq'uil sjole xchi'uc ti te laj yac'beic smotonin pasem ya'lel ts'usub li yantic diosetic sventa la sa'bicun sc'ac'al co'ntone.

Jeremías 34:2

“Vu'un li Muc'ul Diosun yu'un Israele jech chacalbot: Batan ta stojol li Sedequiase jech xc'ot avalbe: ‘Jech chayalbot li Muc'ul Diose: Li lum li'i ta xcac'be ta sc'ob li ajvalil ta Babiloniae; ta xchic' ta c'oc'.

Jeremías 34:22

Ta jtac sutel tal yan velta li' ta alumalique, yu'un ac'o tal scontrain, ac'o tal ochicuc, ac'o xchiq'uic ta c'oc'. Li lumetic li' ta Judae xocol ta jcomtsan, mu'yuc yajval chcom. Vu'un chcal jtuc, vu'un li Muc'ul Diosune”, xi.

Jeremías 37:10

Ac'o me chatsalic scotol li soldadoetic yu'un caldeaetique, pero oy to ono'ox boch'o cuxul ta xcomic ti yayijemic xa avu'unique; ja' ta xliquic tal te ta scarpanaic, ja' chtal yac'beic sc'ac'al li lum li'i’, xi li Muc'ul Diose”, xut batel li j'almantaletic yu'un ajvalile.

Jeremías 38:18

Yan me mu xavac' aba ta sc'ob li banquilaletic ta Babiloniae, ta persa chich' chiq'uel ta c'oc' li lum li'i, ja' no'ox jech ec li vo'ote mu xu' avu'un chapoj aba ta sc'obic’, xi li Diose —xut.

Jeremías 5:10

Ac'o tal ochentaatuc yu'un li yajcontrae; ac'o yich' soquesel li ts'usubtic yu'unique, ac'o me mu j'ech'eluc chlaj sc'oplal o. Ac'o slilinic loq'uel li sc'obc'obtac ts'usubtique, yu'un mu xa ja'uc cu'un.

Jeremías 7:20

Ja' yu'un jech chcal vu'un li Muc'ul Diosune, vu'un li Ajvalilune: Li sc'ac'al co'nton ta jmal li' ta banamile, ta jmal ta sba yac'ol cristianoetic, ta sba yac'ol chonbolometic, ta te', ta aq'uetic, xchi'uc ta sba yac'ol scotol li c'usitic chloc' li' ta banamile. Ta stsan jech chac c'u cha'al jun muc'ta tocalte', mu stac' tubel o”, xiyutun li Muc'ul Diose.

Lamentaciones 1:10

Li sc'ulejal lum Jerusalene i'ich'bat scotol yu'un li yajcontrae; te sq'ueloj i'och yan lumetic ta ch'ulna yu'un. Ja' i'och li cristianoetic ti avaloj mu xu' ch-ochic yo' bu chatsobvane.

Lamentaciones 2:2

Li Cajvaltique laj yules o ta jyalel; mu'yuc xtal xc'uxul yo'nton ta stojol. La sjines ta sc'ac'al yo'nton scotol li naetic yu'un smomnich'nabtac Jacobe; la sjines yalel c'alal ta banamil li tsatsal coraltonetic yu'un Judae; la sbic'tajes o ta j'ech'el li ajvaliletic, xchi'uc li banquilaletic yu'unique.

Lamentaciones 2:7

La sjip o ta yo'nton li scajleb smotone; la sbaj comel li ch'ulna yu'une. Laj yac'be ta sc'ob jcontrainvanejetic li coralton yu'un lume. Xvochetic no'ox te ta ch'ulna jech chac c'u cha'al ta yorail q'uin.

Ezequiel 16:41

Ta xchiq'uic ta c'oc' li anae; ta stojol scotol antsetic chaq'uic atoj li amule. Ja' to jech chcom avu'un o li mulivajele, jech mu'yuc xa chlic atoj ta taq'uin li ac'upil vinictaque.

Ezequiel 23:47

Ta xmilatic ta ton xchi'uc ta espada; ta xmilbatic li yalabique, c'alal ta queremetic, ta tsebetic. Li snaique ta xchic'batic ta c'oc' scotol.

Ezequiel 33:21

C'alal yo'bal xa'ox c'ac'al yochel li slajunebal u ta xlajchabal jabil jchuquelcutic batel ta yan banamile, te ic'ot ta jtojol jun vinic ijatov loq'uel ta Jerusalén; ja' ic'ot yalbun scotol ti i'och xa ta sc'ob cajcontracutic li lum Jerusalene.

Amós 2:5

Ja' yu'un ta xcac'be sc'ac'al li Judae, jech ta xc'ac' o li pasubmantaletic ta Jerusalene”, xi li Diose.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.