Jeremías 39:5 - Bible in Tzotzil de Chenalhó with Deuterocanon

⁵ Pero li soldadoetic yu'un caldeaetique la snutsic batel; te la staic ta stenlejaltic ta Jericó li ajvalil Sedequiase. La stsaquic, laj yiq'uic batel ta stojol Nabucodonosor te ta Ribla ta yosilal Hamat. Li Nabucodonosore te lic yal c'usi ac'o yich' pasbel.

Bible in Tzotzil de Chamula

⁵ C'u stu un, tijlibil batel yu'un ti soldado caldeoetique. Laj staic ta be ti Sedequías ta stenlejal osil yu'un ti Jericoe. Och ta c'abal yu'unic. Yic'ojic batel ta stojol ti ajvalil Nabucodonosor ti oy ta Ribla ta yosilal ti Hamate. Ti bu taj une, xi loc' mantal yu'un ti Nabucodonosore:

Jeremías 39:5 Iomraidhean Croise

2 Samuel 8:9

C'alal laj ya'ay ajvalil Toi ta Hamat ti la stsalbe xa scotol yajsoldadotac Hadad-ezer li Davide,

2 Reyes 17:24

Li ajvalil ta Asiriae laj yic' tal cristianoetic ta Babilonia, ta Cuta, ta Ava, ta Hamat, xchi'uc ta Sefarvaim; te vul yac' naquiicuc ta lumetic yu'un Samaria ta sventa xq'uexol li israeletique. Ja' la sventainic li Samariae; te inaquiic o ta lumetic.

2 Reyes 23:33

Li Faraón Necaoe la xchuc te ta lum Ribla ta yosilal Hamat, yu'un jech mu me spas mantal te ta Jerusalén, xchi'uc laj yac'be stoj spatanic noxtoc li israeletique. Ja' oxmil xchi'uc oxib ciento (3,300) kilo saquil taq'uin, xchi'uc oxlajuneb xcha'vinic (33) kilo c'anal taq'uin.

2 Reyes 25:6

La xchuquic, laj yiq'uic batel ta stojol ajvalil Nabucodonosor te ta Ribla. Li Nabucodonosore laj yal mantal ti ac'o stoj smule.

2 Crónicas 33:11

Ja' yu'un li Muc'ul Diose la stac tal banquilal soldadoetic yu'un li ajvalil ta Asiriae yu'un ac'o contrainaticuc. Jech la stsaquic li ajvalil Manasese. La xojbeic batel staq'uinal sni', xchi'uc la xchuquic batel ta cadenaetic; laj yiq'uic batel ta Babilonia.

Isaías 22:3

Li banquilaletic avu'une ta scoj no'ox st'ilesubil flecha ijatovic batel, pero laj yich'ic ono'ox chuquel. Li avinictac ti bu laj yich'ic taele laj yich'ic chuquel scotol, ac'o me nom ijatovic batel.

Jeremías 21:7

Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Jeremías 24:8

“Yan li Sedequías ajvalil ta Judá, xchi'uc li banquilaletic, xchi'uc li yantic israeletic ti li' chcomic ta avosilalique xchi'uc li boch'otic chbat naquiicuc ta Egiptoe, ja' jech chquilic jech chac c'u cha'al li chopol higo ti solel mu stac' lo'ele.

Jeremías 38:18

Yan me mu xavac' aba ta sc'ob li banquilaletic ta Babiloniae, ta persa chich' chiq'uel ta c'oc' li lum li'i, ja' no'ox jech ec li vo'ote mu xu' avu'un chapoj aba ta sc'obic’, xi li Diose —xut.

Jeremías 38:23

Li Jeremiase jech to laj yalbe li ajvalile: —Scotol li avajniltac xchi'uc li anich'nabtaque ta x'ochic ta sc'ob li caldeaetique. Li vo'ote mu'yuc ono'ox chacol loq'uel ta sc'obic ec; ta persa ono'ox cha'och ta sc'ob li ajvalil ta Babiloniae, xchi'uc ta persa ono'ox ta xich' chiq'uel li lum li'i —xut.

Jeremías 4:12

Li ic' ti ta jmantal ta xtale bats'i ven tsots, ven xi'bal sba; vu'un chcal jtuc ti ja' jech li stojol mulil chtal ta stojolique”, xi li Muc'ul Diose.

Jeremías 44:30

Ta xcac' ochuc ta sc'ob yajcontra li ajvalil Hofra, faraón ta Egiptoe, jech chac c'u cha'al laj cac' ochuc ta sc'ob yajcontra li ajvalil Sedequiase, ja' li Nabucodonosor ajvalil ta Babiloniae, ja' li yajcontra ti pajal ono'ox sc'oplal chmilat yu'une’, xi li Muc'ul Diose —xi li Jeremiase.

Jeremías 49:23

Lo'il sventa Damasco: “Li lumetic ta Hamat xchi'uc ta Arfade mu xa sna' c'usi tspasic yu'un laj ya'yic chopol a'yej. Toj ep ta xniquic ta xi'el, jech chac c'u cha'al nab ti mu stac' pajesele.

Lamentaciones 1:3

Li Judae laj yich' chuquel batel ta yan banamil; te laj yich' vocol xchi'uc mozoinel. Te xa oyic ta yantic lumetic; mu'yuc bu xu' chcux yo'nton o. Itaat yu'un li jnutsvanejetique, te macal ic'ot ta be.

Lamentaciones 4:20

Laj xa yich' chuquel li st'ujbil ajvalil Muc'ul Diose ti la jnoptic ja' chispojutic yu'un jech mu xijchame; ja' li boch'o jech laj caltic ta stojole: “Ja' ta xyaxinal xu' chijcuxiutic te ta stojol li yantic lumetique”, ti xijchiutique.

Ezequiel 23:24

Ta xtal scontrainicot xchi'uc epal caretaetic xchi'uc epal soldadoetic; ta setuoxuc ta jujujot, chich' tal lec yabtejebic, smac sjolic, xchi'uc smacubbailic. Vu'un ta jmantal chayac'bot atoj li amule; ja' jech chaxchapanot jech chac c'u cha'al chal li mantaletic yu'unique.

Habacuc 1:7

Toj ven xi'bal sbaic, toj ven tsotsic, stuc xa no'ox tspasic mantal; tspas xa no'ox c'usi oy ta yo'ntonic.

Números 13:21

Jech ibatic li viniquetique, la sq'uelic lec c'u x'elan li osile. Lic sq'uelic te ta xocol banamil ta Zin ta stuq'uil sur, c'alal to ta Rehob ta stuq'uil norte ti nopol yiloj sba xchi'uc bu x'och sbelal Hamate.

Josué 13:5

Xchi'uc comen to avu'un noxtoc li yosilal gibletique, xchi'uc scotol li osil te ta Líbano ta stuq'uil sloq'ueb c'ac'al ti te xlic ta Baal-gad te ta yoc vits Hermón c'alal to ta yochebal lum Hamate.

Josué 4:13

Jutuc mu cha'vinicuc ta mil (40,000) ta scotol ti lec chapalic xchi'uc yabtejebic sventa pleitoe. La xchol sbaic lec ta stojol li Muc'ul Diose; ibatic ta stenlejaltic yu'un li lum Jericoe.

Josué 5:10

Li israeletique te la spas scarpanaic ta Gilgal. Ta xchanlajunebal c'ac'al yochel li u stsacojique ta sbatel c'ac'al la spasic q'uin Coltael, te ta stenlejaltic Jericó.

Jueces 3:3

Ja' te icomic li vo'ob banquilaletic yu'un filistaetique, xchi'uc scotol li canaanetique, li sidonetique, xchi'uc li hevetic ti te nacajtic ta vitsetic ta Líbano xlic ta vits Baal-hermón xc'ot c'alal to ta Hamate.