Jeremías 39:4 - Bible in Tzotzil de Chenalhó with Deuterocanon

⁴ C'alal laj yilic ajvalil Sedequías xchi'uc yajsoldadotac ti jech ic'ot ta pasele, ijatovic loq'uel ta ac'ubaltic. Ja' la stamic batel li sbelal ts'unubaltic yu'un ajvalil te ta ti'na ta sjap bu cha'c'ol coraltone, jech la stamic batel sbelal Arabá.

Bible in Tzotzil de Chamula

⁴ C'alal laj yil ti ajvalil Sedequías xchi'uc yajsoldadotac ti jech ta xc'ot ta pasele, jatavic loq'uel ta jteclum un. Loq'uic ech'el ta ac'ubaltic un, ech'ic ta sbelel ts'unubal nichimtic yu'un ti ajvalile, ti xc'ot ta jun ti'na ti cacal ta o'lol yu'un ti chib moque. Laj stamic batel be ti xc'ot ta stenlejal yu'un ti Jordane.

Jeremías 39:4 Iomraidhean Croise

2 Crónicas 32:5

Li Ezequiase itsatsub lec yo'nton, lic xcha'pas lec li coraltone xchi'uc li toyol q'uelub osile, xchi'uc la spas yan coralton ta spatpat. La stsatsubtasbe lec sbut'benal noxtoc li Lum yu'un Davide, xchi'uc la spas ep lanzaetic xchi'uc macubbailetic.

Isaías 22:11

Chlic apasic tanque ta o'lol li chib coraltone yu'un te chavac'beic ya'lel li poco' tanquee. Ja' mu'yuc xa ta avo'ntonic li Boch'o la sliques scotole; ja' mu'yuc xa ta avo'ntonic li Boch'o la xchapan ta vo'onee.

Isaías 22:3

Li banquilaletic avu'une ta scoj no'ox st'ilesubil flecha ijatovic batel, pero laj yich'ic ono'ox chuquel. Li avinictac ti bu laj yich'ic taele laj yich'ic chuquel scotol, ac'o me nom ijatovic batel.

Isaías 29:2

Ts'acal ta xlic cac'bot tsots avocol vo'ot li lum Jerusalenote; ep to cha'oc' cha'avan. Li lume ja' jech ta xc'ot cu'un jech chac c'u cha'al scajleb matanal ti bonol ta ch'ich'e.

Jeremías 32:4

Li ajvalil Sedequiase mu'yuc ta xcol loq'uel ta sc'ob li caldeaetique; persa ta x'och ta sc'ob li ajvalil ta Babiloniae, ta persa ta xchi'in sbaic ta lo'il.

Jeremías 32:5

Persa chich' iq'uel batel ta Babilonia; te chcom o, ja' to c'alal chbat jq'uele. Ac'o me chlic spas pleito xchi'uc li caldeaetique, mu xu' yu'un o’, xi li Muc'ul Diose”, xut.

Ezequiel 12:12

Li banquilal avu'unique ta persa ta scajan loq'uel ta snecub li c'usi chich' batele. Ta ac'ubaltic ta xloc' batel; ta svom loq'uel sbe ta coralton; ta smac loq'uel sat yu'un jech mu x'ilat, xchi'uc jech mu sq'uel comel li yosilale.

Ezequiel 12:4

Ta c'ac'altic xaloq'ues li c'usi oy avu'une; ta satilal xapas jech chac c'u c'u cha'al chucbil xa chabat yilel. Ta mal c'ac'al xaloc' batel; ta sat scotolic xavich' batel c'usitic oy avu'un, jech chac c'u cha'al li boch'o chucbil xa batele.

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Levítico 26:36

“Li boch'o cuxul to chcom avu'unic te ta yosilal avajcontraique, ta xcac'beic ep xi'el. Ta jlic no'ox yanal te' chbaj, ta xjatovic batel ta anil jech chac c'u cha'al nutsbilic ta espada. Te ta xyalic o ta lum ac'o me mu'yuc nutsbilic.

Amós 2:14

Li boch'o toj tsots x'anilaje mu xu' yu'un ta xjatov; li boch'o toj ech'em slomoe mu xu' yu'un ta spoj sba ta sventa ti tsots slomoe; li boch'o lec tsatsal vinique mu xu' yu'un ta scolta sba ti jech mu xchame.

Deuteronomio 28:25

Xchi'uc chac' j'ech'el chaxpech'oxuc o ta teq'uel li avajcontraique. C'alal ja' to cha'ochic batel yu'un chbat apasic pleito achi'uquique, lec chapaloxuc; lec acholoj abaic ochel. Pero chajatovic sutel tal ta ora yu'unic. Solel tanpuc chajatovic batel ta anil acotolic. Ta xavaq'uic xi'icuc yantic ajvaliletic li' ta banamil.