Jeremías 39:3 - Bible in Tzotzil de Chenalhó with Deuterocanon

³ Scotol li banquilaletic yu'un ajvalil ta Babiloniae i'ochic batel; te la snacan lec sbaic ta muc'ta ti'coralton. Ja'ic li Nergal-sarezer, Samgar-nebo, Sarsequim, ja' li mero banquilaletic yu'un ajvalile, xchi'uc yan Nergal-sarezer ja' banquilal noxtoc.

Bible in Tzotzil de Chamula

³ Ti Nergal-sarézere, ti Samgar-neboe, ti Sarsequime, yich'oj tsots yabtelic ta stojol ti ajvalile. Ti yan Nergal-sarezere yich'oj tsots yabtel xtoc ta stojol ti ajvalile. Ti yaj'opisialtac ti ajvalil yu'un ti Babiloniae, scotolic ochic batel, c'ot slaman sbaic ta muc'ul ochebal ti'na.

Jeremías 39:3 Iomraidhean Croise

2 Reyes 17:30

Li babiloniaetique la spasic sloc'obal Sucot-benot. Li cutaetique la spasbeic sloc'obal Nergal. Li hamatetique la spasbeic sloc'obal Asima.

Jeremías 1:15

Vu'un li Muc'ul Diosune ta xcal ta jamal ti ta jtac tal scotol li ajvaliletic ta nortee. Ta xtal spas scarpanaic te ta ti'coraltonetic ta Jerusalén xchi'uc ta sjoylejal li coraltone, xchi'uc ta scotol lumetic ta Judá.

Jeremías 21:4

Jech yaloj li Muc'ul Diose, ja' li Dios yu'un Israele: ‘Li avajsoldado ti tstsaquic ta pleito li ajvalil ta Babiloniae xchi'uc li caldeaetic te setuojoxuc ta pat coraltone, ta xcac' suticuc ta spatic, te ta jtsob ta yut lum scotol.

Jeremías 38:17

Li Jeremiase jech laj yalbe li ajvalil Sedequiase: —Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chayalbot: ‘Me chavac' aba ta ora ta sc'ob li banquilaletic yu'un ajvalil ta Babiloniae, mu'yuc chachamic achi'uc li avalab anich'nabe; jech noxtoc li lum li'i mu'yuc ta xich' chiq'uel ta c'oc'.

Jeremías 39:13

Ja' yu'un li banquilal jchabivanej Nabuzaradán, xchi'uc Nabusazbán, xchi'uc Nergal-sarezer, ja' li banquilaletique, xchi'uc li yantic j'abteletic yu'un ajvalil ta Babiloniae,

Ezequiel 26:10

Ta xapixic ta pucuc yu'un epal ca'etic; ta xnic acoraltonal ta yacan caretaetic xchi'uc ta yacan ca'etic. C'alal ta x'ochic batel ta ti'coraltonetic avu'une, ja' jech ta x'ochic jech chac c'u cha'al jun lum ti jamal xae, ti jinesbil xae.