Jeremías 39:11 - Bible in Tzotzil de Chenalhó with Deuterocanon

¹¹ Li ajvalil Nabucodonosore laj yalbe mantal li banquilal jchabivanej Nabuzaradán c'usi ac'o spas ta sventa li Jeremiase, jech laj yalbe:

Bible in Tzotzil de Chamula

¹¹ Ti Nabucodonosor ajvalil yu'un ti Babiloniae laj yalbe ya'i mantal ti Nabuzaradán banquilal jvolvanej yu'un ti jchabivanejetique, ti xi laj yalbe ya'i ta sventa sc'oplal ti Jeremiase:

Jeremías 39:11 Iomraidhean Croise

Hechos 24:23

Laj yalbe banquilal soldado ti ac'o xchabi lec li Pabloe, xchi'uc ti ac'o scolta jutuque, xchi'uc ti mu me spajes me chtal q'uelatuc yu'un xchi'iltac, o me chtal mac'linatuque.

Jeremías 15:21

Ta jpojot loq'uel ta sc'ob li boch'otic chopolique; ta jcoltaot loq'uel ta sc'ob li j'uts'intavanejetique”, xi li Muc'ul Diose.

Jeremías 37:2

Pero li Sedequías xchi'uc li j'abteletic yu'une, xchi'uc scotol li judaetique, mu'yuc laj yich'ic ta muc' ec li c'usi laj yal Muc'ul Dios ta stojol li j'alc'op Jeremiase.

Jeremías 15:11

Muc'ul Dios, me mu'yuc c'usi lec jpasoj ta atojole, me mu'yuc la jc'anbot vocol ta atojol c'alal oy svocolic, c'alal abul sbaic li cajcontrataque, ac'o c'otuc ta pasel li c'usi chopol chalic ta jtojole.

Job 5:19

Ta jujucoj avocole chascoltaot ono'ox; mu xac' stsacot o li c'usi chopole.

Job 5:15

Ja' tscolta ta milel ta espada li me'onetique; ja' tscolta ta sventa yeic li boch'otic chopolique; ja' tscolta loq'uel ta sc'obic li jsa'c'opetique.

Job 5:16

Ja' te spatoj yo'ntonic o li boch'otic mu'yuc stsatsal yo'ntonique; ja' tsmacbe yeic li boch'otic chopolique.

Jeremías 1:8

C'alal te oyot ta stojolique, mu me xaxi', vu'un chajcoltaot”, xiyutun.

Jeremías 15:20

Ta jva'anot jech chac c'u cha'al coralton pasbil ta bronce taq'uin ta stojolic li jteclumale, ta stsacoxuc ta pleito pero mu'yuc chastsalicot, yu'un vu'un chajchi'inot, chajchabiot, chajpojot, vu'un li Muc'ul Diosune.

Jeremías 40:1

Li Jeremiase ital c'opanatuc yu'un Muc'ul Dios ti c'alal laj xa'ox yich' coltael ta chuquel te ta Ramá yu'un banquilal jchabivanej Nabuzaradane. Yu'un te chucul ta cadena itaat yu'un Nabuzaradán ta stojol scotol li viniquetic ta Jerusalén xchi'uc ta Judá ti talem yich'ic chuquel batel ta Babiloniae.

Jeremías 40:4

Pero li' ta orae laj xa jcoltaot ti chucbilot to'ox ta cadenae. Me chac'an chbat achi'inun ta Babiloniae, batic; vu'un chajchabiot. Pero me mu xac'an xabate, jechuc xu' chacom. Q'uelo avil scotol li banamil li'i, oy ta ac'ob; xu' te chabat ti bu jotucal lec chava'ye.

Jeremías 52:12

Ta slajunebal c'ac'al yochel yo'obal u ta sbalunlajunebal (19) jabil yochel ta ajvalil ta Babilonia li Nabucodonosore, ja'o ital ta Jerusalén li Nabuzaradán, ja' li banquilal soldado yu'un Nabucodonosore, xchi'uc ja' bats'i xchi'il ta abtel.