Jeremías 32:5 - Bible in Tzotzil de Chenalhó with Deuterocanon

⁵ Persa chich' iq'uel batel ta Babilonia; te chcom o, ja' to c'alal chbat jq'uele. Ac'o me chlic spas pleito xchi'uc li caldeaetique, mu xu' yu'un o’, xi li Muc'ul Diose”, xut.

Bible in Tzotzil de Chamula

⁵ Ti Sedequiase, ta x'iq'ue batel yu'un ti Nabucodonosor ta Babiloniae. Com o to un, ja' to mi vul ta co'nton ta sbainele. Ac'o mi utsuc xa ta xatsal ava'iic ta leto ma' ti caldeoetic une, mu xachanbeic yip. Jbel xic'opoj ma' ti vu'un Diosune.’ ”

Jeremías 32:5 Iomraidhean Croise

Ezequiel 17:15

Pero li ajvalil avu'unique la stoy sba ta stojol li ajvalil ta Babiloniae. La stac batel svinictac ta Egipto, yu'un ac'o ac'batuc tal epal ca'etic xchi'uc epal viniquetic. ¿Me lec chbat o ti jech la spase? ¿Me chcol o jech? ¿Me xu' chcol li boch'o la soques c'usi chapanbile?

Jeremías 39:7

Li ajvalil Sedequiase la sloq'uesbeic xchibal sbec' sat, xchi'uc la xchuquic ta cadena, laj yiq'uic batel ta Babilonia.

Jeremías 33:5

Ja' ti chtal yich' contrainel yu'un li caldeaetique, ti nojem chcom ta animaetic yu'unique. Vu'un ta xcac' chamicuc ta sc'ac'al co'nton. Jech ta jmac jsat ta stojolic ta scoj ti toj chopol c'usitic tspasique.

Jeremías 27:22

“Ta xich' ich'el batel ta Babilonia; te ta xcom o, ja' to ti c'usi ora ta jc'an chich' ich'el sutel tal yan velta li' ta banamile”, xi li Muc'ul Diose.

Ezequiel 12:13

Pero vu'un ta jyac ta ch'ojon, jech te mit'il chc'ot ta jyoc. Ta xcac' ic'atuc batel ta Babilonia ta yosilal li caldeetique, pero mu'yuc bu ta sq'uel ta sat, yu'un te ta xc'ot chamuc.

Jeremías 37:10

Ac'o me chatsalic scotol li soldadoetic yu'un caldeaetique, pero oy to ono'ox boch'o cuxul ta xcomic ti yayijemic xa avu'unique; ja' ta xliquic tal te ta scarpanaic, ja' chtal yac'beic sc'ac'al li lum li'i’, xi li Muc'ul Diose”, xut batel li j'almantaletic yu'un ajvalile.

Jeremías 2:37

Solel abul aba ta q'uexlal ti c'alal chasut tale, yu'un laj xa jip comel li boch'otic apatoj avo'nton yu'une, jech mu'yuc c'usi lec chata o yu'unic”, xi li Diose.

Proverbios 21:30

Ta stojol Muc'ul Diose mu'yuc stu li jbijiltique, li c'usi lec jna'tique, xchi'uc ti lec jna' xijlo'ilaje.

2 Crónicas 24:20

Li Zacarías xnich'on anima pale Joiadae iventainbat yo'nton yu'un Dios; lic sva'an sba ta toyol, jech laj yalbe scotol li xchi'iltaque: “Jech chal li Muc'ul Diose: ‘¿C'u yu'un ti mu xach'unbicun jmantale? Ja' no'ox chasa' avocol atuquic. Ta sventa ti laj acomtsanicune, ja' no'ox jech ta jcomtsanoxuc ec’, xayutoxuc li Muc'ul Diose”, xut.

2 Crónicas 13:12

Na'ic me, li' ta orae li' xchi'inojuncutic li Diose. Li paleetic yu'une chapalic xa sventa tsjupan yoq'uesic sventa chascontrainoxuc. A'yo me ava'yic israeletic, mu me xacontrainic li Muc'ul Dios, ja' li Dios yu'un jmoltot jyame'tic ta vo'onee, yu'un mu xcuch avu'unic”, xi li Abiase.

Números 14:41

Pero li Moisese jech lic yalbe: —¿C'u yu'un ti chabajbeic smantal li Muc'ul Diose? Li c'usi chac'an chapasique ja' no'ox chata avocolic o.

Jeremías 32:6

Li Jeremiase lic yal noxtoc li c'usi i'albat yu'un Muc'ul Diose, jech laj yal: “Li Muc'ul Diose ital sc'opanun, jech laj yalbun:

Jeremías 32:24

“Li' ta orae spasoj xa lec stec'ubic ta patpat coralton li caldeaetique yu'un tspojic li lume. Li israeletique ta xa x'ochic ta c'abal ta scoj pleito, vi'nal, xchi'uc ta tsatsal chamel. Ja' xa li' chc'ot ta pasel ti jech ono'ox avaloje.

Jeremías 39:5

Pero li soldadoetic yu'un caldeaetique la snutsic batel; te la staic ta stenlejaltic ta Jericó li ajvalil Sedequiase. La stsaquic, laj yiq'uic batel ta stojol Nabucodonosor te ta Ribla ta yosilal Hamat. Li Nabucodonosore te lic yal c'usi ac'o yich' pasbel.

Lamentaciones 1:14

Li jtoyobbaile chucul lec ta jnuc' jech chac c'u cha'al yabtejeb vacax, pero ja' xchucoj ta sc'ob stuc li Cajvaltic Diose, jech mu'yuc xa jtsatsal o. Li Cajvaltic Diose yac'ojun ta sc'ob cristianoetic, jech mu xu' ta jcolta jba o.

Ezequiel 12:12

Li banquilal avu'unique ta persa ta scajan loq'uel ta snecub li c'usi chich' batele. Ta ac'ubaltic ta xloc' batel; ta svom loq'uel sbe ta coralton; ta smac loq'uel sat yu'un jech mu x'ilat, xchi'uc jech mu sq'uel comel li yosilale.

Jeremías 39:4

C'alal laj yilic ajvalil Sedequías xchi'uc yajsoldadotac ti jech ic'ot ta pasele, ijatovic loq'uel ta ac'ubaltic. Ja' la stamic batel li sbelal ts'unubaltic yu'un ajvalil te ta ti'na ta sjap bu cha'c'ol coraltone, jech la stamic batel sbelal Arabá.