Jeremías 32:4 - Bible in Tzotzil de Chenalhó with Deuterocanon

⁴ Li ajvalil Sedequiase mu'yuc ta xcol loq'uel ta sc'ob li caldeaetique; persa ta x'och ta sc'ob li ajvalil ta Babiloniae, ta persa ta xchi'in sbaic ta lo'il.

Bible in Tzotzil de Chamula

⁴ Ta stsaquic yu'un caldeoetic ma' ti ajvalil Sedequiase. Ta j'ech'el ta x'och ta sc'ob ti ajvalil ta lum Babilonia ti ta xbat sva'an sba ta stojole.

Jeremías 32:4 Iomraidhean Croise

Jeremías 21:7

Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Jeremías 25:35

Li jchabichijetique mu'yuc bu xu' chjatovic; li jtojobtasej chijetique mu'yuc bu xu' tsnac' sbaic.

Jeremías 34:21

Jech noxtoc li Sedequías ajvalil ta Judá xchi'uc li banquilaletic yu'une, ta xcac' ochicuc ta sc'ob ec li yajcontraic ti tsc'an chmilatic yu'une. Ta xcac' ochicuc ta sc'ob yajsoldadotac li ajvalil ta Babilonia ti mu'yuc xa li' tscontrainoxuque.

Jeremías 34:3

Li vo'ote mu'yuc chacol loq'uel ta sc'ob; ta ono'ox xaxchucot, ta ono'ox xa'och ta sc'ob. Ta persa chavilbe aba asatic, ta persa chac'opan abaic; persa ono'ox ic'bil chabat ta Babilonia.

Jeremías 37:17

Li ajvalil Sedequiase laj yal mantal ti ac'o yiq'uic batel te ta spasubmantal li Jeremiase. C'alal ic'ot ta stojol ajvalil li Jeremiase, li ajvalile te lic sjac'be ta mucul stuc, jech laj yalbe: —¿Me oy c'usi yaloj li Muc'ul Diose? —xut. Itac'ov li Jeremiase: —Oy. Ta ono'ox xa'och ta sc'ob li ajvalil ta Babiloniae —xut.

Jeremías 38:18

Yan me mu xavac' aba ta sc'ob li banquilaletic ta Babiloniae, ta persa chich' chiq'uel ta c'oc' li lum li'i, ja' no'ox jech ec li vo'ote mu xu' avu'un chapoj aba ta sc'obic’, xi li Diose —xut.

Jeremías 38:23

Li Jeremiase jech to laj yalbe li ajvalile: —Scotol li avajniltac xchi'uc li anich'nabtaque ta x'ochic ta sc'ob li caldeaetique. Li vo'ote mu'yuc ono'ox chacol loq'uel ta sc'obic ec; ta persa ono'ox cha'och ta sc'ob li ajvalil ta Babiloniae, xchi'uc ta persa ono'ox ta xich' chiq'uel li lum li'i —xut.