Jeremías 32:2 - Bible in Tzotzil de Chenalhó with Deuterocanon

² Li soldadoetic yu'un Nabucodonosor ajvalil ta Babiloniae te setuojic li Jerusalene. Yan li Jeremiase ja'o te chucul ta yamaq'uil chuquinab te ta spasubmantal li ajvalil ta Judae.

Bible in Tzotzil de Chamula

² Ta yorail taje, yajsoldadotac ti ajvalil yu'un ti Babiloniae, ja' o yacal ta stsac ta leto ti Jerusalene. Tiq'uil ec un ta chuquel ti j'alc'op Jeremiase ta amac' bu oy ti soldadoetic sbainoj ta xchabiel ti muc' ta na yu'un ti ajvalile.

Jeremías 32:2 Iomraidhean Croise

2 Reyes 25:1

Ta slajunebal c'ac'al yochel slajunebal u ta sbalunebal jabil yochel ta ajvalilal li Sedequiase, ibat ta Jerusalén xchi'uc yajsoldadotac li Nabucodonosore; c'ot setuic li lum Jerusalene. La spasic toyol q'uelub osiletic ta spat xocon li Jerusalene.

Nehemías 3:25

Ja'o te lic sts'ac batel ec li Palal xnich'on Uzaie; te la sliques ta chiquin coralton c'alal to ta toyol q'uelub osil ta spasubmantal ajvalil ta yamaq'uil chuquinab. Ja'o te lic sts'ac batel ec li Pedaías xnich'on Farose,

Salmos 88:8

Laj xa avac' scomtsanicun li boch'otic lec ono'ox jc'opanique, solel mu'yuc xa jtu ta satic avu'un; lec macalun o, mu xa xu' chicol loq'uel.

Jeremías 32:3

Yu'un ja'o ichucat yu'un li ajvalil Sedequías ti c'alal laj yal c'usi i'albat yu'un Muc'ul Diose. Jech laj yal: “Jech chal li Muc'ul Diose: ‘Li lum li'i ta xcac' ochuc ta sc'ob ajvalil ta Babilonia, jech ta sventain o.

Jeremías 32:8

Li Hanameel xnich'on juntote ta melel te ital sc'opanun ti bu chuculun ta yamaq'uil chuquinab jech chac c'u cha'al laj yal li Muc'ul Diose, jech laj yalbun: Mano li jpuculal osil te ta Anatot ta yosilal Benjamine, yu'un vo'ot oy ta aventa xu' chaman; vo'ot xu' chavich' comel, yu'un cuts' calal jbatic, xiyutun. C'alal la jna' ti ja' smantal Muc'ul Diose,

Jeremías 33:1

C'alal te to chucul ta yamaq'uil chuquinab li Jeremiase, te ital c'opanatuc yan velta yu'un li Muc'ul Diose jech i'albat:

Jeremías 34:1

Li Nabucodonosor ajvalil ta Babilonia xchi'uc scotol yajsoldadotac, xchi'uc scotol li ajvaliletic ta yantic banamil bu c'alal sventainoje, ital scontrainic li Jerusalén xchi'uc yantic lumetic yu'une. Ja'o ital c'opanatuc yu'un Muc'ul Dios li Jeremiase, jech i'albat:

Jeremías 36:5

Li Jeremiase jech laj yalbe li Baruque: “Li vu'une mu xaq'uic ochcun ta ch'ulna yu'un li Muc'ul Diose.

Jeremías 37:15

Li banquilaletique i'ilinic ta stojol li Jeremiase. La smajic, la stiq'uic ta chuquel te ta sna Jonatán, ja' li jts'ibajome, yu'un ja' c'otem ta chuquinab yu'unic li snae.

Jeremías 37:21

Ja' yu'un li ajvalil Sedequiase laj yal mantal ti te xa no'ox ac'o bat xchabiic ta yamaq'uil chuquinabe, xchi'uc ac'o yac'beic jbejuc pan sve' ta jujun c'ac'al ti te chich' pasel ta xoraltic ta spasubil pane. Jech te tal yaq'uilanbeic o, ja' to ti c'alal ilaj scotol li pan chich' pasel te ta lume. Jech te no'ox icom ta yamaq'uil chuquinab li Jeremiase.

Jeremías 37:4

Li Jeremiase lec to'ox xu' yu'un xloc' x'och te ta stojol li xchi'iltaque yu'un mu'yuc to tic'bil ta chuquel.

Jeremías 38:13

Jech te la xchechic loq'uel tal ta lazu li Jeremiase. Te no'ox icom ta yamaq'uil chuquinab.

Jeremías 38:6

Jech te lic stsaquic li Jeremiase; la stiq'uic ta natil joc' yu'un Malquías xnich'on Hamelec te ta yamaq'uil chuquinab. La xchechic yalel ta lazu. Li joq'ue mu'yuc ya'lel, puru ach'el te oy, jech te imats'tsaj ta ach'el li Jeremiase.

San Mateo 5:12

Cuxetuc no'ox avo'ntonic yu'un. Yu'un chc'ot ata ep amotonic te ta vinajel. Yu'un jech ono'ox laj yich'ic uts'intael ec li yaj'alc'optac Dios ti ba'yuc ijelov avu'unique.