Jeremías 3:6 - Bible in Tzotzil de Chenalhó with Deuterocanon

⁶ C'alal ja'o tiq'uil ta ajvalilal li Josiase, jech laj yalbun li Muc'ul Diose: “¿Me laj avil c'usi la spas li jbajmantal Israele? Te ibat ta toyol vitsetic xchi'uc ta yolon muc'tic te'etic, te imulivaj.

Bible in Tzotzil de Chamula

⁶ C'alal yorail ochem ta ajvalilal ti Josiase, xi laj yalbun ti Diose: “¿Mi laj xa avil c'usi laj spas ti toyobba Israele? Bat xa yac'beic yipal ta spasel smulic ta jujun toyol vits xchi'uc ta yolon limlim te'etic.

Jeremías 3:6 Iomraidhean Croise

1 Reyes 14:23

Yu'un la spas snail sdiosic ta jolvitsetic, xchi'uc la spasic loc'ometic, xchi'uc sloc'obaltac Asera. La sva'ananic ta tseltseltic ta yolon te'etic.

2 Crónicas 34:1

C'alal i'och ta ajvalilal li Josiase, yich'oj vaxquib jabil. Buluchib xcha'vinic (31) jabil i'abtej ta Jerusalén.

Salmos 106:39

Jech la sbolibtas sbaic o ta sventa li yabtelique; jmulavil vinic ants ic'otic o ta scoj ti jech la spasique.

Isaías 57:3

La'ic li'i, xnich'nab j'ac'chameletic, vo'oxuc ti la'ayinic ta sventa jmulavil vinic, jmulavil antse:

Isaías 57:7

Yu'un te laj avac' avayab ta mero sjol toyol vits; te muy avac' milbil matanaletic noxtoc.

Jeremías 1:2

C'alal yoxlajunebal (13) jabil yochel ta ajvalilal ta Judá li Josías xnich'on Amone, ja'o ital c'opanatuc yu'un Muc'ul Dios li Jeremiase.

Jeremías 11:10

Ja' xa bat xcha'tambeic xchopolil li smoltot syame'ic ta vo'one ti muc xch'unic c'usi laj calbeique; ja' bat yich'ic ta muc' li yantic diosetique, ja' itunic yu'un. Li smomnich'nabtac Israel xchi'uc Judae la soquesic li c'usi chapanbil cu'un ta sventa smoltot syame'ique.

Jeremías 17:2

Jech te tsna'ilanic o avu'unic ec li anich'nabtaquic c'u x'elan li scajleb matanaletic apasojic ta sventa li dios Asera, te ta yolon te'etic, xchi'uc ta vitsetic,

Jeremías 3:8

laj yil ti laj quicta comel li jtoyba Israel ti laj cac'be lec svunal ti muc xa quic'ojuque. Pero li jbajmantal Judae mu'yuc ixi' o; ibat mulivajuc ec.

Jeremías 31:22

¿Baq'uin to chacomtsan ti buyuc no'ox xaloc' xa'ech' jech chac c'u cha'al jun tseb ti buyuc no'ox xloc' x'ech'e? Yu'un li Muc'ul Diose oy c'usi ach' tsliques ta aventa li' ta avosilal ti mu'yuc bu jech xquiltique: jech chac c'u cha'al jun ants ti tsjoy smalale”, xi.

Jeremías 5:11

Yu'un ta scotol yo'ntonic la sva'lupatinicun o li smomnich'nab Israel xchi'uc smomnich'nab Judae, xichi vu'un li Muc'ul Diosune”, xi.

Jeremías 7:24

Pero muc xch'unbicun, muc xich'bicun ta muc'; ja' ono'ox la spasic batel li c'usi tsc'an yo'ntonique. Ta scoj no'ox toj tsots yo'ntonic ep sbolil yo'ntonic ti jech lic sva'lupatinicun comele.

Ezequiel 16:31

Xchi'uc laj apas toyol c'opojebaletic ta jujun be; ta yochebal lumetic xchi'uc ta cuxub o'ntonal ta yut lumetic te lic mulivajan o. Pero muc xa no'ox ja'uc jech xapas noxtoc jech chac c'u cha'al tspas li jmulavil antse, yu'un li vo'ote solel muc xac'an atojol.

Ezequiel 16:35

‘Ja' yu'un jmulavil ants, a'yo ava'ay c'usi chcal, vu'un li Muc'ul Diosune.

Ezequiel 20:28

C'alal la jtiq'uic ochel ta banamil ti bu calojbeic ono'ox ta jamal chcac'beique, laj yilic ti oy lec bic'tal vitsetic, ti oy lec te'etic lec pimic sc'obc'obe; ja' te lic yaq'uic chic'bil matanaletic xchi'uc yantic matanaletic ti ep chisa'bun sc'ac'al co'ntone. Te la xchiq'uic pom noxtoc ti lec muic yiq'ue, xchi'uc te laj yaq'uic ya'lel ts'usubetic noxtoc.

Ezequiel 23:11

“Li Aholibae, ja' li muquile, laj yil li c'usi ic'ot ta pasele, pero ja' toj ech'em chopol la spas li stuque; ja' xu' to jutuc li vixile. Solel la spas scotol c'usi tsc'an yo'nton, xchi'uc li mulivajele.

Ezequiel 23:4

Li vixile Ahola sbi; li muquile Aholiba sbi. Vu'un to'ox laj quiq'uic, i'ayin ep jquerem jtseb yu'unic. Li Aholae ja' li Samariae; li Aholibae ja' li Jerusalene.

Oseas 11:7

Li jteclumale ja' no'ox oy ta yo'ntonic o ti chisva'lupatinicun comele. Ac'o me ch-avanic to batel ta jtojol vu'un ti te oyun ta toyole, pero mu'yuc ta jtotsic liquel.

Oseas 4:13

Chaq'uic milbil matanal ta jol vitsetic, xchi'uc la xchiq'uic pom ta bic'tal vitsetic, ta yolon tulantic, ta álamo te'tic, xchi'uc ta yolon c'antulantic ti bu lec pimic yanale. Ja' yu'un te imulivajic o li tsebetic yu'unique; la sc'opanic yan viniquetic li yalibique.

Jueces 2:17

Pero li israeletique muc xich'beic ta muc' sc'opic noxtoc li jchapanvanejetic yu'unique; ja' bat yich'ic o ta muc' li yantic diosetique. Ta ora no'ox la scomtsanic li lequil be bu ixanov smoltotic ta vo'one ti lec la xch'unbeic smantal Muc'ul Diose. Li stuquique muc jechuc la spasic.