Jeremías 3:3 - Bible in Tzotzil de Chenalhó with Deuterocanon

³ Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Bible in Tzotzil de Chamula

³ Jech o xal un, ta acoj mu xtal ti vo' ta yorail sique, xchi'uc ta yorail corixmae. Avich'ojbe spimil sat ti jchonbail antse, q'uexavan ti jech a'elane.

Jeremías 3:3 Iomraidhean Croise

Génesis 19:34

Ta yoc'omale jech laj yalbe smuc li vixile: —Samele vu'un la jchi'in ta vayel li jtotique. Li' ta ac'ubaltic tanae ta xcac'tic yacubuc noxtoc, vo'ot xa chachi'in ta vayel ec, yu'un jech jchibaltic oy xnich'on cu'untic —xut.

Nehemías 9:17

Muc stuc'ulanic, muc svules ta sjolic li atsatsal avu'el laj apas ta stojolique. Ja' no'ox la spas ta tsots yo'ntonic, ta stoyobbailic la sva'anic jun banquilal yu'unic sventa ch-ic'atic sutel yan velta ta Egipto ti bu ochemic to'ox ta mozoile. Pero vo'ot li Diosot ti oy perdón avu'une, ti vocol chlic sc'ac'al avo'ntone, ti ja' toj ep li c'uxubinel avu'une, jech muc xajip comel ta avo'nton.

Proverbios 21:29

Li boch'o tuc' yo'ntone ta melel lec tsnop li c'usi tspase; yan li boch'o chopole ja' no'ox chac' ta ilel ti lec jun yo'nton yilele.

Isaías 5:6

J'ech'el ta xquicta o comel. Mu'yuc xa bu ta jq'uel ta jtuc'ulan; mu'yuc xa bu ta xcaq'uinta o; te ac'o nojuc ta ch'ixtic, ac'o ch'iuc chopol ts'i'laletic. Ta xcalbe mantal ti mu xa me xac' ya'lelic li toquetique.

Jeremías 14:1

Li Jeremiase ital c'opanatuc yu'un li Muc'ul Diose, yu'un chtal q'uepelaltic. Jech i'albat:

Jeremías 14:22

¿Me yu'un xu' chaq'uic tal vo' li yantic diosetique? ¿Me yu'un xu' chac' tal vo' stuc li vinajele? Mu'yuc, vo'ot no'ox atuc chavac' talel vo', vo'ot li Muc'ul Diosot cu'uncutique. Yu'un vo'ot chapas scotol, ja' no'ox ta jmalacutic li c'usi chapase.

Jeremías 14:3

Li jc'ulejetique la staquic batel ta lup vo' li smozoique; ibatic ta bic'tal nabetic, pero mu'yuc la staic tal. Toj q'uexlal sba laj ya'yic, toj ven chopol laj ya'yic; solel smacoj xa sjolic sutel tal.

Jeremías 14:4

Solel ijatan xa banamil ta scoj ti mu'yuc chac' o vo'e. Ep svocol cha'yic li jloc banamiletique; xpixojan xa sjolic.

Jeremías 36:2

“Tsaco junuc balbil vun, ja' te xats'iba scotol li c'usi laj calbot ta sventa li Judá, ta sventa Jerusalén, xchi'uc ta sventa yantic lumetique. Xquechet xlic ats'iba scotol c'alal lic jc'opanot tal ta yorail c'alal cuxul to'ox li ajvalil Josiase, xchi'uc c'alal to tanae.

Jeremías 5:24

Mu'yuc jech laj aval ta avo'ntonic: Ja' ac'o quich'tic ta muc' li Muc'ul Dios cu'untique yu'un ja' chiyac'butic tal vo' ta yorail vo'olaltic xchi'uc ta yorail q'uinubaltic, xchi'uc ja' yac'ojbe lec yorail li c'aoj cu'untique, mu'yuc xachiic.

Jeremías 5:25

Yu'un li achopolilique xch'ayesoj ajolic; li amulique la sjipboxuc loq'uel ta avo'ntonic li c'usi leque.

Jeremías 5:3

Muc'ul Dios, li c'usi chasa'e, ja' ti oyuc boch'o melel c'usi chale. Laj avac'be nucul, pero mu'yuc c'ux laj ya'yic; laj avac'be tsots svocolic pero muc xbijubic o. Toj tsots la spas sbaic jech chac c'u cha'al ton; me jutuc muc sutes yo'ntonic o.

Jeremías 6:15

¿Me oy ta xq'uexovic ta sventa ti toj chopol c'usi tspasique? Mu'yuc q'uexlal cha'yic o; bats'i mu sna' xq'uexovic o ta j'ech'el. Ja' yu'un c'alal chcac'be stoj smulique, chyalic o ta lum; nomtic mochajtic chc'otic jech chac c'u cha'al li yantique”, xi li Muc'ul Diose.

Jeremías 8:12

¿Me oy ta xq'uexovic ta sventa ti toj chopol c'usi tspasique? Mu'yuc q'uexlal cha'yic o; bats'i mu sna' xq'uexovic o ta j'ech'el. Ja' yu'un c'alal chcac'be stoj smulique, chyalic o ta lum; nomtic mochajtic chc'otic jech chac c'u cha'al li yantique’, uto”, xi li Muc'ul Diose.

Jeremías 9:12

¿Boch'o lec bij ti xa'ibe lec smelol le'e? ¿Me oy boch'o xu' ch-ac'bat sna' yu'un Muc'ul Dios, yu'un jech chalbe lec smelol ca'itic? ¿C'u yu'un xch'ijan icom li banamile? ¿C'u yu'un ti xco'laj xchi'uc xocol banamil icom ti mu xa junuc boch'o te chjelove?

Ezequiel 3:7

Yan li achi'iltac ta israelale mu sc'an xa'yic ac'op, yu'un mu ono'ox sc'an xiya'ibicun jc'op ec li vu'une. Scotol li achi'iltac ta israelale toj tsots yo'ntonic, mu x'och c'op ta xchiquinic.

Levítico 26:19

Ta jbic'tajesoxuc o ta j'ech'el ta scoj li atoyobbailique. Mu'yuc xa ta xyal tal vo' ta vinajel, jech mu xa xch'i c'usitic chats'unic ta banamil, yu'un ta jbacubtas jech chac c'u cha'al ton.

Amós 4:7

“Jech noxtoc oxib xa'ox u la jmac li vo' ti c'alal la sta yorail iyijub atrigoique. Yaloj no'ox sba bu lumal laj cac' batel li vo'e. Oy bu lumal laj cac' batel vo', oy bu lumal ti mu'yuc laj cac' batele. Svoc'olvoc'ol no'ox oy bu lec laj yac' vo', oy bu mu'yuc laj yac' o vo', jech itaquij o.

Amós 4:8

Jech li cristianoetique ibatic ta jujun lum ta sa'el vo' yuch'ic, pero muc staic ti c'u yepal ch-ech' o taqui-o'nal yu'unique. Li vo'oxuque mu'yuc ono'ox xasutic o tal ta jtojol”, xi li Muc'ul Diose.

Sofonías 2:1

Tsobo abaic acotolic, nopo lec ava'yic, vo'oxuc ti mu'yuc q'uexlal chava'yique.

Sofonías 3:5

Pero li Muc'ul Diose tuc' c'usi tspas te ta lum, mu ja'uc tspas li c'usi muc tuc'uque. Ta jujun sob chac' ta ilel ti tuc' c'usi tspase; mu'yuc bu chquechan o spasel junuc velta. Pero li chopol cristianoe mu xotquin q'uexlal ta scoj li smule.

Hageo 1:11

Vu'un laj cac' taluc li q'uepelaltic li' ta banamil, ta vitsetic, ta trigoaltic, ta ts'usubaltic, ta olivatic, xchi'uc ta scotol li c'usitic chch'i ta banamile, xchi'uc ta stojol cristianoetic, ta stojol chonbolometic, xchi'uc ta scotol li yabtel avoc ac'obique”, xi li Diose.

Deuteronomio 28:23

Li vinajel le' ta toyole mu xa xayac'boxuc tal vo'. Li banamil li' ta olone, mu xa xayac'boxuc sat scotol li c'usi chats'unique.

Hebreos 12:25

Ja' yu'un q'uelo me abaic, mu me xabajic li c'opanel yu'un Diose. Yu'un li boch'otic la sbajic c'usi i'albatic yu'un li banquilal yu'unic li' ta banamile, muc xcolic. ¡Buuc xa me ta jbajtic comel li Dios ti chisc'opanutic tal c'alal ta vinajele, j'ech'el mu xijcol o!