Jeremías 3:21 - Bible in Tzotzil de Chenalhó with Deuterocanon

²¹ “Lec xvinaj x'avetic ta oq'uel le' ta vitsetic li israeletique, yu'un ta sc'anic coltael ta sventa ti ch'ayemic ta bee, yu'un la sjipicun ta yo'ntonic vu'un li Muc'ul Diosun yu'unique.

Bible in Tzotzil de Chamula

²¹ Xi s'elan xvinaj ti xvochetic no'ox ta jujun stselej sbajtical banomile: Ja'ic la ma' ti israeletic une, ti x'oc' x'avanic ta sc'anic ti c'uxubinele. Laj svalopatinic comel ti tuq'uil bee. Laj stenicun ta o'ntonal ti Ajvalil Diosun yu'unique.

Jeremías 3:21 Iomraidhean Croise

Job 33:27

Jech chlic yal: ‘La jta jmul; muc jpas c'usi tuc', pero li Diose muc xiyac'bun jtoj.

Proverbios 10:9

Li boch'o stamoj batel tuq'uil bee jun no'ox yo'nton; yan li boch'o yan be stamoj batele ta soc o sc'oplal.

Proverbios 19:3

Li cristianoe ta scoj sbolil yo'nton ta soquesat ta be; ts'acal ja' chlic yac'be ta smul li Muc'ul Diose.

Isaías 15:2

Li jnaclumetic ta Dibone chmuyic ta toyol ta sna sdiosic, chbat oq'uicuc; li moabetique choc'taic li Nebo xchi'uc Medebae, yu'un i'ulesatic xa, yu'un scotolic juxbil sjolic xchi'uc yisimic.

Isaías 17:10

Yu'un laj ach'ay ta avo'ntonic li Dios ti ja' la scoltaoxuque; muc xana'ic ti ja' anac'ubbailic c'oteme. Laj ats'unic nichimaltic ti toj c'upilic sbae; laj ats'unic yantic te'etic sventa te chavich'ic ta muc' li yan diose.

Isaías 57:11

“¿C'usi svu'el li yantic diosetic ti ja' laj avich' ta muc', ti laj aquejan aba ta stojole? Vu'un xa muc xavich'un o ta muc'; mu junuc avo'nton ta jtojol. ¿Me ja' yu'un ti te no'ox ch'anxichi, ti mu'yuc c'usi laj cal ta vo'one ti jech mu xavich'un ta muq'ue?

Jeremías 12:12

Ta scotol vitsetic ta xocol banamile te iloc'an tal jmilvanejetic, yu'un vu'un li Muc'ul Diosune xu' cu'un ta jmil scotol cristianoetic c'alal ta jujujot sti'iltac banamil, jech mu'yuc boch'o jun yo'nton chcom.

Jeremías 13:25

Ja' xa amoton o ti jech chajpasbote, yu'un laj ajipun ta avo'nton; ja' laj apat avo'nton yu'un li sloc'obal diosetique.

Jeremías 18:15

Pero li jteclumale i'ul xa o xch'unojel yo'ntonic ta jtojol, ja' bat xchiq'uic pom ta stojol li diosetic ti mu'yuc stue; solel ch'ayemic o ta be. Ja' stamojic o batel li poco' be ta vo'onee; ja' li chucul be ti mu'yuc boch'o xotquine.

Jeremías 2:32

¿Me oy chch'ay ta yo'nton sc'ac'ubtasel lec sba ta sventa chich' c'upinel li tsebe? ¿Me oy chch'ay ta yo'nton smeltsanel lec sba c'alal yorail chnupin li tsebe? Pero li jteclumale ep xa c'ac'al la xch'ayicun o ta yo'ntonic.

Jeremías 3:2

“Q'uelo batel lec avil li vitstique, nopo me lec; ¿me oy to bu junuc ti mu'yuc apasoj c'usi chopol tee? Xco'laj xchi'uc te chotolot ta ti'be yu'un chamala li boch'o chasc'upinote; ja' co'ol jech chapas jech chac c'u cha'al tspasic li arabetic ti chmacvanic ta be ta xocol banamile. Ta scoj amul, ta scoj achopolil isoc avu'un li alumale.

Jeremías 31:9

C'alal ta sutic tale, x'oc' x'avanic tal, li vu'une ta xc'uxul co'nton ta xcac' suticuc tal. Te ta xquiq'uic tal ti bu oy lec vo'etique; ta tuq'uil be lec chtalic cu'un jech mu sbosi tal yacanic. Yu'un vu'un stotun li Israele, ja' sba jnich'on li Efraine.

Jeremías 7:29

¡Jerusalén, seto loq'uel li stsotsil ajole, jipo batel! ¡Bat oc'tao aba ta toyol vitsetic, yu'un li Muc'ul Diose laj xa sbaj, laj xa sjip li jnaclumetic avu'une; ilinem xa o ta stojolic!

Ezequiel 23:35

“Ta sventa ti vu'un laj ajipun ta avo'ntone, ti laj ava'lupatinun comele, ja' yu'un paso ava'ay c'u x'elan stojol li c'usi tsc'an abec'tale xchi'uc li muliletic laj apase”, xi li Diose.

Ezequiel 7:16

Li boch'o chjatovic batel ta anil ta vitsetic ti x'oc'oletic batel jech chac c'u cha'al stsumute, ta jujuntal te chlic chamicuc ta scoj smul stuquic.

Oseas 13:6

“Pero c'alal toj lec noj ach'utic cu'un te ta xocol banamile, lic atoy abaic ta jtojol, jech laj ach'ayicun o ta avo'ntonic.

Oseas 8:14

Li Israele la spas muc'tic pasubmantaletic; ich'ay ta yo'nton li Jpasvanej yu'une. Li Judae la spas ep lumetic setbilic lec ta coralton, pero vu'un ta xcac'be sc'ac'al li lumetic yu'une, jech ta xc'ac' o li spasubmantal ajvaliletique”, xi li Diose.

Miqueas 3:9

A'yo ava'yic, jpasmantaletic ta stojol smomnich'nab Jacob, banquilaletic ta stojol smomnich'nab Israel, vo'oxuc ti chabajic li c'usitic tuq'ue, xchi'uc ti chayanijesic li c'usitic leque.

Números 22:32

Pero li yaj'almantal Muc'ul Diose jech laj yal: —¿C'u yu'un ti laj xa amaj oxib velta li aburoe? Vu'un tal jmacot ta be, yu'un mu lecuc chquil ti bu anopoj chabate.

2 Corintios 7:10

Yu'un li boch'o ch-ac'bat yat yo'nton yu'un Diose ja' sventa tsutes yo'nton, yu'un jech chcol. Yan li at-o'nton sventa no'ox banamile ja' no'ox sventa ch'ayel.