Jeremías 3:16 - Bible in Tzotzil de Chenalhó with Deuterocanon

¹⁶ C'alal me la'epajic, me labolic xa'ox te ta avosilalique, mu'yuc xa boch'o chc'opoj ta sventa li xcaxail jmantale, mu'yuc xa boch'o tsnop, mu'yuc xa boch'o tst'ab, yu'un mu'yuc xa ta yo'ntonic o, xchi'uc mu snopic me tspasic yan. Jech chcal vu'un li Muc'ul Diosune.

Bible in Tzotzil de Chamula

¹⁶ C'alal mi labolic xa ta j'ech'el ti ta jteclume, ti yepal xa ta j'ech'el ti avalab anich'nabique, ta xch'ay sc'oplal ta yalel xcaxail strate ti Diose. Mu'yuc xa buch'u ta svules ta sjol. Mi ja'uc xa ti oy to buch'u xvulvun xchi'uque, yu'un ma'uc xa tsots sc'oplal. Mi ja'uc ta to xich' pasel ta ach'. Ti vu'un Diosune, mu stselbuj ti jc'ope.

Jeremías 3:16 Iomraidhean Croise

Isaías 60:22

Ac'o me toj jutebic, pero chc'ot c'alal ta jmil; ac'o me solel mu'yuc epic, pero chc'ot ta jun muc'ta lum. Vu'un li Muc'ul Diosune, ta xcac' c'otuc ta pasel ta ora no'ox c'alal me la sta sc'ac'alile”, xi li Diose.

Isaías 61:4

Ta to xlic yich' cha'va'anel li poco' coraltonetique; ta xlic yich' cha'va'anel li naetic ti vo'one xa sjinele; ta xlic yich' cha'meltsanel li lumetic ti vuq'uesbilique.

Isaías 65:17

“A'yo ava'yic, ta xcac' ayinuc ach' vinajel banamil. Li poco'e mu'yuc xa boch'o ta sna' o; mu'yuc xa boch'o ta snopilan o.

Jeremías 3:17

C'alal me la sta sc'ac'alil le'e, li Jerusalene ‘Smuc'ta Chotleb Muc'ul Dios’, xi sbi chc'ot. Scotol banamiletic te ta stsob sbaic tal sventa chiyich'icun ta muc', jech mu xa ja'uc chac'beic yipal spasel li c'usi toj chopol oy ta yo'ntonique.

Jeremías 30:19

Ta to xvinaj chq'uejinic sventa tstojic ta vocol, xchi'uc ta xvinaj tse'ej sventa xcuxetel yo'ntonic. Ta jbolesic, mu'yuc ta xcac' bic'tajicuc o; ta xcaq'uic ta ich'el ta muc', mu'yuc chcaq'uic ta labanel.

Jeremías 31:27

Jech chal li Muc'ul Diose: “Ta to sta sc'ac'alil ta jboles lec sts'unubal cristianoetic xchi'uc chonbolometic te ta Israel xchi'uc ta Judá.

Jeremías 31:8

A'yo ava'yic, ta to xquiq'uic loq'uel tal te ta banamil ta norte; ta xlic jtsobic tal c'alal to ta jujujot sti'il banamil. Jmoj chtal xchi'uquic li ma'satetique, li coxoetique, li antsetic ti oy xch'utique xchi'uc li boch'otic xcuxojic xae. Jmoj ep stsobetic tsutic tal.

Jeremías 7:4

Mu me xavich'beic ta muc' c'usi chalic li boch'otic ja' no'ox chlo'lavanic ti jech chalilanique: Li'i ja' ch'ulna yu'un Muc'ul Dios; ja' ch'ulna yu'un Muc'ul Dios, ja' ch'ulna yu'un Muc'ul Dios, ti xiique.

Ezequiel 15:5

Yu'un c'alal lec to'ox oye, mu'yuc ono'ox c'usi chtun o, buuc xa, me c'aq'uem xa ta c'oq'ue, ¿c'usi to chtun o?

Ezequiel 37:26

Ta jchapan jchi'uc ti jun yo'ntonic te chcac' naquiicuc oe, jech chapal chcom o. Te chcac' comicuc o; ta xcac' bolicuc. J'ech'el chcac'be o ta stojolic li ch'ulna cu'une.

Amós 9:9

Ta xcal mantal ti ac'o yich' chichinel li smomnich'nab Israel jech chac c'u cha'al chich' chichinel yi'e. Li slequile chich' puquel batel ta yantic banamil; yan li xchopolile chich' ch'ayel o.

Sofonías 3:11

Jteclumal, me la sta sc'ac'alil le'e, mu'yuc xa chaq'uexovic yu'un li c'usitic laj to'ox apasique, xchi'uc ti laj atoy abaic ta jtojole; yu'un ta jloq'ues ta atojolic li jtoybaetique, jech mu'yuc xa boch'o tstoy sba yan velta te ta ch'ul vits cu'un.

San Mateo 1:11

Inich'naj li Josiase, Jeconías sbi. Li Jeconiase oy ep xchi'iltac ta voq'uel. Ja'o yorail ichucatic batel ta Babilonia li israeletique.

San Mateo 3:9

Mu me jechuc xanop ta avo'ntonic: ‘Ja' jmoltotic li Abrahame’, mu me xachiic. Chacalboxuc ava'yic, li Diose xu' yu'un ta sc'atajesbe ta smomnich'nab Abraham li tonetic li'i.