Jeremías 3:13 - Bible in Tzotzil de Chenalhó with Deuterocanon

¹³ Ja' no'ox tsc'an chavotquin lec ti oy amule, yu'un abajojbun jmantal, vu'un li Muc'ul Diosun avu'une. Ay mulivajan ta stojol yan diosetic te ta yolon li muc'tic te'etique, yu'un muc xach'un li c'usi laj cale, xacutot, vu'un li Muc'ul Diosune’, uto”, xiyutun.

Bible in Tzotzil de Chamula

¹³ Ja' no'ox un, ojtiquino ti achopolale, xchi'uc ti toyobbaot ta stojol ti Ajvalil Dios avu'une, ti yoquilal avu'un ta sa'el ti xch'ayobil ajol ti mu xavojtiquinan ti ta xata ta scotol ta yolon ti limlim te'tique, xchi'uc ti mu xa xavich' ta muc' ti c'usitic albil cu'une. Ti vu'un Diosune, mu lo'iluc ta xcal.’ ”

Jeremías 3:13 Iomraidhean Croise

Nehemías 9:2

Slecoj laj yac' sbaic xchi'uc li yanlumetique. Iva'iic, te lic yalic ta jamal smulic xchi'uc smul stot sme'ic.

Proverbios 28:13

Li boch'o ta smuc smule mu'yuc lec chbat; yan li boch'o jamal chal, xchi'uc me tscomtsane, ch'aybil chc'ot smul.

Isaías 57:5

vo'oxuc ti te chamulivajic ta stojol li sloc'obal diosetic avich'ojic ta muq'ue, xchi'uc ta yolon tulantic, ta yolon te'etic ti lec pimic yanale, xchi'uc ti te chamil anich'nabic sventa smoton adiosic ta soplejaltic xchi'uc ta yolon ch'entique.

Jeremías 14:10

Li Muc'ul Diose jech chal ta sventa li israeletique: “Li jun lum li'i ja' no'ox lec cha'yic ti buyuc no'ox xloc' x'ech'ique; me jutuc mu'yuc bu chcuxic o, Jech mu'yuc lec chquilic ti jech tspasique. Li' ta orae ta jvules ta co'nton li c'usi chopol spasojique; ta xcac'be stoj smulic”, xi li Muc'ul Diose.

Jeremías 14:20

Muc'ul Dios, laj xa cotquincutic li jbolilcutique xchi'uc xchopolil li jmoltot jyame'cutique; ep jtaoj jmulcutic ta atojol.

Jeremías 2:20

“Ep xa c'ac'al laj atuch' loq'uel avaq'uil; laj apas aba ta mantal atuc, jech laj aval: ‘Mu jc'an xitun avu'un’, xachi. Jech te labat ta scotol toyol vitsetic, ta yolon muc'tic te'etic; xco'laj xchi'uc jmulavil ants lac'ot ta sventa li c'usi laj apase.

Jeremías 2:25

Jech laj calbot: ‘Israel, mu me xyayij avacan ti jeche' xbixbun avacan ta anile; mu me teuc no'ox avabinoj ti chtaquij sbe aviq'ue’, xacutot. Pero jech laj aval: ‘Mu'yuc xa jpoxil chca'ay; ta sventa ja' jc'anoj o li c'usi mu xcotquine, ja' chbat jchi'inic o’, xachi.

Jeremías 3:2

“Q'uelo batel lec avil li vitstique, nopo me lec; ¿me oy to bu junuc ti mu'yuc apasoj c'usi chopol tee? Xco'laj xchi'uc te chotolot ta ti'be yu'un chamala li boch'o chasc'upinote; ja' co'ol jech chapas jech chac c'u cha'al tspasic li arabetic ti chmacvanic ta be ta xocol banamile. Ta scoj amul, ta scoj achopolil isoc avu'un li alumale.

Jeremías 3:25

Solel chiyalcutic o ta lum ta scoj q'uexlal; mu xa xcac' ta ilel jsatcutic, yu'un ta jbic'talcutic ono'ox la jta ep jmulcutic xchi'uc li jmoltot jyame'cutique. Ja' jechuncutic o c'alal to tana; mu'yuc ono'ox laj quich'cutic ta muc' c'usi chaval, vo'ot li Muc'ul Diosot cu'uncutique”, xiic.

Jeremías 3:6

C'alal ja'o tiq'uil ta ajvalilal li Josiase, jech laj yalbun li Muc'ul Diose: “¿Me laj avil c'usi la spas li jbajmantal Israele? Te ibat ta toyol vitsetic xchi'uc ta yolon muc'tic te'etic, te imulivaj.

Jeremías 7:24

Pero muc xch'unbicun, muc xich'bicun ta muc'; ja' ono'ox la spasic batel li c'usi tsc'an yo'ntonique. Ta scoj no'ox toj tsots yo'ntonic ep sbolil yo'ntonic ti jech lic sva'lupatinicun comele.

Jeremías 7:26

Pero muc xavich'ic ta muc', muc xach'unbeic li c'usi laj yalboxuque. Solel laj atsatsubtas avo'ntonic; ech'em to labatic jech chac c'u cha'al li amoltotaquique.

Ezequiel 16:15

‘Pero laj atoy aba achi'uc li alequile; lamulivaj ta sventa ti ipuc batel ac'oplale. Laj avac'be abec'tal scotol li boch'otic te ijelovique, laj to'ox yu'uninicot.

Oseas 5:15

“Ta ora chisut batel yo' bu oyune, ja' to me laj yotquinic li smulique, ja' to me tal sa'icune. C'alal me oy svocolique, ja' to chisa'icun”, xi li Diose.

Deuteronomio 12:2

“C'alal me laj avich'beic yosilal li lumetic ti sc'oplal chavich'ique, ulesic me scotol li c'usitic te yac'ojic ta yaviltac yo' bu chich'ic ta muc' sdiosique, buyuc no'ox, me ta vitsetic, me ta tseltseltic, me ta yolon te'etic.