Jeremías 3:12 - Bible in Tzotzil de Chenalhó with Deuterocanon12 Batan, jech xbat aval ta stuq'uil norte: ‘Jbajmantal Israel, sutan tal ta jtojol. Mu'yuc ta xcac' c'otuc ta atojol li sc'ac'al co'ntone, yu'un li vu'une muc'ul jc'uxubinvanejun; muc teuc stsoq'uet o co'nton ta atojol. Faic an caibideilBible in Tzotzil de Chamula12 Batan, xi xc'ot avalbe ya'i ti lo'il a'yej jech c'u cha'al li'e, ti xi aq'ueloj batel ta stuq'uil ti yolon ti yolon xocon sloq'ueb c'ac'ale: ‘Ti Diose xi ta xale: Sutan talel ta jtojol, toyobba Israel. Mu xanop ti yanijem jol co'nton mi ta xasut talel ta jtojole. Mu xanop ti ilinemun ta j'ech'ele. Yu'un oy yutsil slequil co'nton. Yu'un vu'un ti Diosune, mu stselbuj ti jc'ope. Faic an caibideil |
Me chasutic tal ta stojol li Muc'ul Diose, li jchi'iltactic xchi'uc anich'nabic ti chucbilic batel yu'un li avajcontraique ta xlic c'uxubinaticuc, chlic ic'aticuc sutel tal li' ta cosilaltic. Yu'un li Muc'ul Dios cu'untique toj lec yo'nton; ja' jc'uxubinvanej. Mu xasbajoxuc me chasutic tal ta stojol li vo'oxuque”, xi li mantal laj yal batele.
Jech chal noxtoc li Muc'ul Diose: “Me oy jun vinic ta xicta sbaic xchi'uc yajnile, me imalij ta yan vinic li antse, ¿me chbat to yic' yan velta li vinique? ¿Me mu ja'uc no'ox tsoquesbe sc'oplal sjunul slumal me jech tspase? Ja' jech laj apas ec li vo'ote, Israel; xco'laj xchi'uc ep xa boch'o lamulivaj achi'uc. ¿Me chanop ti xu' to chasut tal ta jtojole?, xacutot vu'un li Muc'ul Diosune.
jech xu' ta jsoques noxtoc li c'usi jchapanoj ta stojol smomnich'nab Jacob xchi'uc li cajtunel Davide. Jech mu'yuc chcac' ochuc ta ajvalilal smomnich'on sventa tsventainbe li smomnich'nab Abraham, Isaac, xchi'uc Jacob ti jechuque. Yu'un ta xquiq'uic ono'ox sutel tal li boch'otic chucbil ibatic ta yan banamile, ta xlic jc'uxubinic”, xi li Muc'ul Diose.
Pero vu'un li Muc'ul Diosun ti avajvalicune, jech chcal ta jamal ta jbi: Mu jc'an ti te xcuchoj smul chcham li jpasmulile; ja' ta jc'an ti ac'o scomtsan li chopol be stamoje yu'un jech xu' chcuxi. Sutanic tal, sutanic tal ti bu chopol be atamojique. ¿C'u yu'un ti te no'ox avabinoj abaic chachamique, israeletic?’, uto.
Mu me ja'uc xachanic jech chac c'u cha'al la spasic li amoltot ayame'ique, ja' li boch'otic jech i'albatic yu'un li ba'yuc j'alc'opetique: Jech chal li Muc'ul Dios ti tspas ta mantal scotol te ta vinajele: Comtsanic li chopol be atamojique xchi'uc ti chopol c'usi chapasique, x'utatic. Pero muc xch'unic, muc xich'icun ta muc' vu'un li Muc'ul Diosune.