Jeremías 3:10 - Bible in Tzotzil de Chenalhó with Deuterocanon

¹⁰ C'alal jech la spas li jbajmantal Judae, muc xa ta scotoluc sjol yo'nton isut tal ta jtojol. La scuy sba no'ox, spasel no'ox yu'un. Vu'un jtuc Muc'ul Diosun ti jech chcale”, xiyutun.

Bible in Tzotzil de Chamula

¹⁰ Ti jech laj xa spas scotol ti va'i s'elan taje, mi ja'uc xa ta sjunul yo'nton sut talel ta jtojol ti jchuvaj jol jteclum Judae. Yu'un c'ajomal no'ox laj slo'laun. Ti vu'un Diosune, mu lo'iluc no'ox ta xcal.”

Jeremías 3:10 Iomraidhean Croise

2 Crónicas 34:33

Li Josiase la sloq'ues scotol li c'usitic toj chopol chil Dios te ta scotol yosilal israeletique. Li boch'otic te to oyic ta Israele laj yalbe ti ja' no'ox ac'o yich'ic ta muc' li Muc'ul Dios yu'unique. C'alal cuxul li Josiase, mu'yuc bu la scomtsanic o li Muc'ul Diose, ja' li Dios yu'un smoltot syame'ic ta vo'onee.

Salmos 18:44

C'alal cha'yic c'usi chcale, ta xch'unic; laj yac' sbaic ta jc'ob li yantic lumetique.

Salmos 66:3

Jech xavalbeic li Diose: “Toj ech'em yutsil li avabtele. Ta sventa amuc'ul atsatsal ta xyalic ta lum ta atojol li avajcontrataque.

Isaías 10:6

Ja' te ta jtac batel ta jun banamil ti bu mu xiyich'icun ta muq'ue; ta jtac batel ta jun lum ti liquem sc'ac'al co'nton yu'une, yu'un ac'o bat spojbe c'usitic oy yu'unic; ac'o bat stsaquic, ac'o bat xmich'ic. Laj xa caq'uic sventa ac'o yich'ic pech'ilanel ta teq'uel ta xoraltic jech chac c'u cha'al ach'el.

Isaías 29:13

Li Muc'ul Diose jech laj yalbun: “Li cristianoetic li'i, chtunic cu'un ta sc'opic no'ox; chiyich'icun ta muc' ta yeic no'ox, pero li yo'ntonique nom oy ta jtojol. Smantal no'ox cristiano chch'unic ti c'u x'elan chiyich'icun ta muc' yilele; nopbil no'ox yu'un cristiano li c'usi tspasique.

Isaías 31:6

Israeletic, sutanic ta stojol li boch'o toj ep jelovenoxuc ta stojole.

Jeremías 11:10

Ja' xa bat xcha'tambeic xchopolil li smoltot syame'ic ta vo'one ti muc xch'unic c'usi laj calbeique; ja' bat yich'ic ta muc' li yantic diosetique, ja' itunic yu'un. Li smomnich'nabtac Israel xchi'uc Judae la soquesic li c'usi chapanbil cu'un ta sventa smoltot syame'ique.

Jeremías 12:2

Vo'ot laj ats'un, jech iyal lec yisimic, ich'iic, xchi'uc isatinic. Li vo'ote nopol oyot ta yeic, pero li stuquique nom oyot ta yo'ntonic.

Jeremías 9:1

¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!

Oseas 7:14

Ac'o me x'avetic ta sc'anel vocol ta jtojol ta svayabic, pero muc ta scotoluc yo'nton chisc'opanicun. C'alal chisc'anbicun trigo xchi'uc ya'lel ts'usube, ta sbojilan sbec'talic, jech ta stoy sbaic ta jtojol.

Amós 4:9

“Jech noxtoc laj cac' tsots avocolic ta scoj muc'ta q'uixin ic' ital ta sloq'ueb c'ac'al, xchi'uc ta scoj ti ital xchanul li c'usitic ats'unojique. Jech ilaj ta c'ulubetic scotol li ts'unubaltic avu'unique, ja' li ts'usubtique, li higotique, li olivatique. Pero muc ono'ox xasutic o tal ta jtojol”, xi li Muc'ul Diose.

Malaquías 2:11

Li Judae muc ono'ox tuc'uc yo'nton ta stojol li Diose, yu'un la spas c'usi toj chopol ta pasel ta Israel xchi'uc ta Jerusalén. La soquesbe sc'oplal li ch'ulna ti toj lec sc'anoj li Muc'ul Diose. Yu'un li judaetique laj yic' yajnilinic li antsetic ti yich'ojic ta muc' yan diosetique.