Jeremías 3:1 - Bible in Tzotzil de Chenalhó with Deuterocanon

¹ Jech chal noxtoc li Muc'ul Diose: “Me oy jun vinic ta xicta sbaic xchi'uc yajnile, me imalij ta yan vinic li antse, ¿me chbat to yic' yan velta li vinique? ¿Me mu ja'uc no'ox tsoquesbe sc'oplal sjunul slumal me jech tspase? Ja' jech laj apas ec li vo'ote, Israel; xco'laj xchi'uc ep xa boch'o lamulivaj achi'uc. ¿Me chanop ti xu' to chasut tal ta jtojole?, xacutot vu'un li Muc'ul Diosune.

Bible in Tzotzil de Chamula

¹ Ti Diose xi ta xale: “Mi oy jun vinic ta sutes ti yajnile, mi malij ta yan ti ants laj sbaje, ti sba vinique mu xu' ta xcha'ic'. Ti jech taje, mu ts'icbaj lec ta xa'iic ti jteclume. Ja'uc ti vo'ot une, Israel, xloc' x'och ti avajval yu'unic ta c'upinele. Tana une, ta to xasut ava'i talel ta jtojol un. Ti vu'un Diosune, mu lo'iluc no'ox ma' taje.

Jeremías 3:1 Iomraidhean Croise

Salmos 106:38

La smalbeic xch'ich'al li boch'o mu'yuc smule, ja' li xch'ich'al squerem stsebic ti la smilbeic smotonin li c'usi cuybil ta diosetic te ta Canaane, jech ibolib o ta scoj ch'ich' li yosilalique.

Isaías 24:5

Yu'un ibolib xa ta scoj li boch'otic te nacajtique, yu'un la sva'lupatinic li mantaletique; muc xch'unic li mantaletic albilique; la sbajic li c'usi chapanbil ti mu'yuc slajebale.

Jeremías 2:20

“Ep xa c'ac'al laj atuch' loq'uel avaq'uil; laj apas aba ta mantal atuc, jech laj aval: ‘Mu jc'an xitun avu'un’, xachi. Jech te labat ta scotol toyol vitsetic, ta yolon muc'tic te'etic; xco'laj xchi'uc jmulavil ants lac'ot ta sventa li c'usi laj apase.

Jeremías 2:23

Mu xu' jech chaval: ‘Mu'yuc jmul; mu'yuc chquich' ta muc' li baaletique’, mu xu' xachi. Q'uelo lec avil c'u x'elan atalel te ta stenlejaltique; tuc'ulano lec avil li c'usi apasoje. Ja' jechot jech chac c'u cha'al me' ca' ti buyuc no'ox xojet sjol ta anil c'alal chbaq'ue.

Jeremías 2:7

Vu'un laj quic'oxuc tal li' ta yaxal banamil, yu'un ac'o ave'ic li c'usitic chloq'ue, li c'usitic toj lequic chac' sate; pero vo'oxuc tal asoquesic li cosile, laj abolibtasic o li jbanamile.

Jeremías 22:20

“Muyan ta vits Líbano, te xa'avan. Tsots xa'avan batel ta vitsetic ta Basán. Avanan batel ta buyuc no'ox, yu'un li boch'o lec ac'anojan aba achi'uque laj xa yich'ic tsalel.

Jeremías 3:22

Jbajmantaletic, suteso avo'ntonic ta jtojol; vu'un ta jpoxtaboxuc li atoyobbailique”, xi li Diose. “Lec oy, ta xitalcutic ta atojol, yu'un vo'ot Muc'ul Diosot cu'uncutic.

Jeremías 3:9

Yu'un mu tsotsuc sc'oplal laj ya'ay li c'usi c'otem ta pasele, jech la soques o li slumale, yu'un imulivaj ta scoj ti ibat yich' ta muc' li tonetic xchi'uc li te'etique.

Jeremías 31:22

¿Baq'uin to chacomtsan ti buyuc no'ox xaloc' xa'ech' jech chac c'u cha'al jun tseb ti buyuc no'ox xloc' x'ech'e? Yu'un li Muc'ul Diose oy c'usi ach' tsliques ta aventa li' ta avosilal ti mu'yuc bu jech xquiltique: jech chac c'u cha'al jun ants ti tsjoy smalale”, xi.

Jeremías 4:1

Jech chcal vu'un li Muc'ul Diosune: “Israel, me chac'an chasut tale, la' me li' ta jtojole. Me chajip comel ta avo'nton li c'usi toj chopol chquile, me mu xabat ta buyuc no'oxe,

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Lamentaciones 1:2

Toj ep ta smil sba ta oq'uel ta ac'ubaltic; li ya'lel sate belijemic yalel ta xocon sat. Li boch'o lec to'ox sc'anojan sba xchi'uque me junuc mu'yuc chtal patbatuc yo'nton. Li boch'otic lec to'ox sc'opan sbaic xchi'uque ja' xa ch-ac'vanic ta c'abal ta mucul; ipas ta yajcontra scotol.

Ezequiel 16:26

Lamulivaj achi'uc li egiptoetic ti ats'aquinoj aba achi'uque, ja' ti lec muc'tic sbec'talique, ti mu sna' x'ech' yo'ntonique. Solel laj avepajes li amule, yu'un jech ac'o licuc sc'ac'al co'nton avu'un.

Ezequiel 16:30

Solel talbat no'ox avo'nton ta jtojol, yu'un mu'yuc q'uexlal laj ava'ay spasel c'usi toj chopol jech chac c'u cha'al jun jmulavil ants ti solel mu xq'uexove.

Ezequiel 16:35

‘Ja' yu'un jmulavil ants, a'yo ava'ay c'usi chcal, vu'un li Muc'ul Diosune.

Ezequiel 33:11

Pero vu'un li Muc'ul Diosun ti avajvalicune, jech chcal ta jamal ta jbi: Mu jc'an ti te xcuchoj smul chcham li jpasmulile; ja' ta jc'an ti ac'o scomtsan li chopol be stamoje yu'un jech xu' chcuxi. Sutanic tal, sutanic tal ti bu chopol be atamojique. ¿C'u yu'un ti te no'ox avabinoj abaic chachamique, israeletic?’, uto.

Oseas 1:2

Ja' jech la sliques ya'yej ta stojol Oseas li Muc'ul Diose, jech laj yalbe: “Bat ic'o jun jmulavil ants; ac'o ayinuc avalab anich'nabic achi'uc. Jech yalab jmulavil ants chc'otic. Yu'un li Israel banamile soquem o ta mulil yu'unic; svoc'oj sbaic o ta jtojol li israeletique, jech yalab jmulavil ants c'otemic”, x'utat.

Oseas 2:2

Li Diose jech chayalboxuc: “¡Albeic ta sat smul li ame'ique, albeic ta jamal, yu'un mu xa ja'uc cajnil; muc xa vu'cun smalalun! Ac'o scomtsan yaq'uel ta ilel ta sat ti ja' jmulavil antse, ac'o sjip ta yo'nton li sc'upil vinictaque.

Miqueas 2:10

Ja' lec totsanic, xanovanic batel, yu'un mu ja'uc xcuxubil avo'ntonic li'i, yu'un isoc xa li banamile, ibolib avu'unic ta jyalel ta scoj li amulique.

San Mateo 5:31

“Ava'yojic noxtoc ti jech i'albatic ta vo'onee: ‘Li boch'o ta xicta yajnile ac'o yac'be svunal ti muc xa yajniluque’, x'utatic.

Deuteronomio 22:21

ac'o sloq'uesic ta sna li stote. Li viniquetic te ta lume ac'o smilic ta ton li tsebe yu'un toj chopol c'usi la spas te ta atojolic vo'oxuc li israeloxuque, xchi'uc muc xich' ta muc' li stot sme' te ta snae. Te no'ox sq'uelojbe sat. Me jech chapasique, mu x'epaj o boch'otic jech tspas te ta atojolic.

Jueces 19:2

Pero li antse mu'yuc jun yo'nton, jech isut batel ta sna stot te ta Belén. Chanib u te la xchi'in li stote.