Jeremías 28:3 - Bible in Tzotzil de Chenalhó with Deuterocanon

³ Le' no'ox ta chib jabil ta xcac' sutuc tal li' ta banamil li c'usitic chtun ta jch'ulna ti laj yich' batel ta Babilonia li ajvalil Nabucodonosore.

Bible in Tzotzil de Chamula

³ Le' ta chib jabile, ta xc'ot ta pasel cu'un ti ta sut talel li' ta jteclum ti c'usitic jtunel yu'un ti ch'ulna ti laj yich' batel ta Babilonia ti ajvalil Nabucodonosore.

Jeremías 28:3 Iomraidhean Croise

Génesis 47:28

Li Jacobe vuclajuneb (17) jabil to icuxi te ta Egipto. Ja' vucub xvaxacvinic (147) jabil icuxi ta scotol.

Génesis 47:9

Itac'ov li Jacobe: —Oy xa lajuneb svucvinic (130) jabil li' chixanov ta sba banamil. Mu'yuc to ep jabil jch'iel. Ti c'u xa yepal jabil jch'iele, oy ono'ox ep jvocol. Mu sta jech yepal jabil jch'iel jech chac c'u cha'al ich'iic li jtot jme'taque —xi.

2 Reyes 24:13

Laj yich' batel scotol li taq'uinetic te ta xch'ulna Muc'ul Diose xchi'uc te ta spasubmantal ajvalile. Biq'uitic la slilin comel scotol li c'usitic chtun te ta ch'ulna ti pasbil ta c'anal taq'uin yu'un li ajvalil Salomone. Ja' ic'ot o ti jech ono'ox yaloj li Muc'ul Diose.

2 Crónicas 36:10

C'alal yorail q'uepelaltic ta jabil le'e, li ajvalil Nabucodonosore laj yal mantal ti ac'o yiq'uic batel ta Babilonia li Joaquine xchi'uc scotol li c'usitic chtun te ta ch'ulna yu'un Muc'ul Dios ti toyolic stojole. Ja' la stic' ta ajvalilal ta Judá xchi'uc ta Jerusalén li Sedequías yuts' yalal Joaquine.

2 Crónicas 36:7

Li Nabucodonosore laj yich' batel noxtoc li c'usitic chtun te ta xch'ulna Muc'ul Diose; te c'ot stic' ta ch'ulna yu'un ta Babilonia.

Salmos 90:10

Ja' no'ox lajuneb xchanvinic (70) jabil ti xu' chicuxicutique; li boch'o toj lec tsotsique xu' chc'otic c'alal ta chanvinic (80) jabil, pero toj vocol chca'icutic, yu'un ja' no'ox puru vocol, puru abtel. Li jabilalcutique ta anil no'ox chjelov, jech ech'el libatcutic o.

Daniel 1:2

Li Diose laj yac' ta sc'ob Nabucodonosor li Joaquime, jech la xchuc batel ta Babilonia. Jech noxtoc laj yac'be ta sc'ob ep li c'usitic chtun te ta xch'ulna Muc'ul Diose. Li Nabucodonosore te c'ot yac' scotol ta xch'ulna diosetic yu'un; te la stic' ta snail sc'ulejal li diosetic yu'une.