Jeremías 27:7 - Bible in Tzotzil de Chenalhó with Deuterocanon

⁷ Scotol li muc'tiquil lumetique ja' chlic tunicuc yu'un, xchi'uc xnich'nab, xchi'uc smomnich'nabtac, ja' to me la sta sc'ac'alil i'och ta sc'ob yantic banamil, muc'tic ajvaliletic ec li yosilale.

Bible in Tzotzil de Chamula

⁷ Scotol ti muc'tiquil lume, ta xac' sbaic ta ventainel ta stojol. Jech ta xlic sventainic ec ti xnich'one, ti smome, ja' to ti c'uxi ta xc'ot sc'ac'alil ventainbil ta xc'ot sjunul slumal yu'un ti yan muc'tiquil lumetique, xchi'uc ti ajvaliletic ti cajal xu' yu'unique.

Jeremías 27:7 Iomraidhean Croise

Salmos 37:13

Pero li Cajvaltique stse'in no'ox ti jech tspasique, yu'un sna'oj ti po'ot xa chlaj yorailique.

Isaías 13:1

Li Isaías xnich'on Amoze laj yalbe sc'oplal c'usi chc'ot ta pasel ta stojol li Babiloniae, yu'un jech i'ac'bat sna' yu'un li Diose. Jech laj yal:

Isaías 21:9

Laj quil chtalic ep viniquetic cajajtic ta caretaetic nitbil ta cha'cha'cot ca'etic. Oy boch'o jech laj yal laj ca'ay: ‘Ijin xa, ijin xa li Babiloniae; scotol li sloc'obal sdiosic ti lec natic spasojique lamal icom ta lum scotol, biq'uitic ililijan’, xi laj yal”, xi li jq'uel-osile.

Jeremías 27:22

“Ta xich' ich'el batel ta Babilonia; te ta xcom o, ja' to ti c'usi ora ta jc'an chich' ich'el sutel tal yan velta li' ta banamile”, xi li Muc'ul Diose.

Jeremías 34:1

Li Nabucodonosor ajvalil ta Babilonia xchi'uc scotol yajsoldadotac, xchi'uc scotol li ajvaliletic ta yantic banamil bu c'alal sventainoje, ital scontrainic li Jerusalén xchi'uc yantic lumetic yu'une. Ja'o ital c'opanatuc yu'un Muc'ul Dios li Jeremiase, jech i'albat:

Jeremías 44:30

Ta xcac' ochuc ta sc'ob yajcontra li ajvalil Hofra, faraón ta Egiptoe, jech chac c'u cha'al laj cac' ochuc ta sc'ob yajcontra li ajvalil Sedequiase, ja' li Nabucodonosor ajvalil ta Babiloniae, ja' li yajcontra ti pajal ono'ox sc'oplal chmilat yu'une’, xi li Muc'ul Diose —xi li Jeremiase.

Jeremías 46:13

Li j'alc'op Jeremiase ital c'opanatuc yu'un Muc'ul Dios, ja' i'albat ti chtal yich' tsaquel ta pleito yu'un ajvalil Nabucodonosor ta Babilonia li Egiptoe:

Jeremías 52:31

C'alal vuclajuneb xcha'vinic (37) jabil xa'ox xchuquel batel li Joaquín ajvalil ta Judae, ja'o i'och ta ajvalilal ta Babilonia li Evil-merodaque, ja' ta vo'ob xcha'vinic (25) c'ac'al xa'ox stsacoj li xlajchabal ue. Li ajvalil Evil-merodaque la xc'uxubin li ajvalil Joaquine; la sloq'ues ta chuquel.

Ezequiel 30:24

Ja' chlic jtsatsubtasbe lec sc'ob li ajvalil ta Babiloniae; ta xcac'be ta sc'ob li quespadae. Yan li faraone ta jc'asbe o xchibal li sc'obe; ta xlic ta ayetel c'alal chich' ac'bel yu'un li yajcontrae.

Daniel 2:37

Li vo'ote, ajvalil, ajvalilot yu'un scotol li ajvaliletique, yu'un li Dios te oy ta vinajele laj yac'bot aventain scotol; laj yac'bot avu'el, atsatsal, xchi'uc laj yac'ot ta ich'el ta muc'.

Daniel 4:22

vo'ot ac'oplal atuc ajvalil. Vo'ot ti lec muc' labate, ti oy lec atsatsale, yu'un imuq'uib ac'oplal ta jyalel; ic'ot c'alal to ta vinajel, xchi'uc ic'ot c'alal to ta sti'iltac banamil ti bu c'alal chapas mantale.

Habacuc 2:7

Ta anil no'ox xu' ta xliquic tal li boch'otic oy avil yu'une; ta xvic' tal satic, ta xtal yaq'uic avocol, jech cha'och o ta sc'obic.

Habacuc 2:8

Ta sventa ti laj apoj epal banamiletique jech ta xtal yan lum, chtal spojbot c'usitic oy avu'un ec. Ja' ta scoj ti laj amalbe xch'ich'al ep cristianoetique, ti laj avac' ep uts'intael ta banamil, ta lumetic, xchi'uc li boch'otic te nacajtique.

Apocalipsis 14:8

Ital chi'inatuc yu'un xchibal j'almantal, jech c'ot yal: “Ilom xa, ilom xa li Babiloniae, ja' li muc'ta lume. Ja' ti laj yac'be yuch' pox scotol cristianoetic ta jujun banamile, ja' li c'usitic chopol tsc'an sbec'tal ti chac' licuc sc'ac'al yo'nton Diose”, xi.

Apocalipsis 16:19

Li muc'ta lume ijav ta oxvoc'. Li muc'tic lumetic ta jujun banamile iloman noxtoc. Li Diose muc xch'ay ta yo'nton li muc'ta lum Babilonia ti tsc'an chac'be yuch' li bis ti nojem ta sc'ac'al yo'ntone.