Jeremías 27:6 - Bible in Tzotzil de Chenalhó with Deuterocanon

⁶ Ja' yu'un li banamiletic li'i laj xa cac'be ta sc'ob li cajtunel Nabucodonosor ajvalil ta Babiloniae; cac'ojbe ta sc'ob scotol c'alal ta chonbolometic.

Bible in Tzotzil de Chamula

⁶ Va'i un cha'e, ti banomil li'e, laj xa cac'be ta yoc ta sc'ob ta yu'ninel ti cajtunel Nabucodonosor ajvalil yu'un ti jteclum Babiloniae. Ma'uc no'ox taje, laj xa cac'be sventain xtoc ti chon bolometique.

Jeremías 27:6 Iomraidhean Croise

2 Reyes 25:28

Lec laj yil sbaic xchi'uc; ja' la stic' ta banquilal yu'un li yantic ajvaliletic te ta Babiloniae.

2 Crónicas 36:23

“Vu'un Ciroun, ajvalilun li' ta Persia, jech ta xcalboxuc tal mantal: Li Muc'ul Dios yu'un vinajele laj yac'bun jventain scotol li ajvaliletic li' ta banamile, xchi'uc laj yalbun ti ac'o yich' pasel jun ch'ulna ta Jerusalén te ta yosilal Judae. Ja' yu'un vo'oxuc li steclumaloxuc Muc'ul Diose, bat me abtejanic. Ja' chascoltaoxuc li Muc'ul Dios avu'unique”, xi laj yal batel.

Isaías 44:28

Vu'un jech ta xcalbe noxtoc li Ciroe: ‘Vu'un jchabichij chac'ot cu'un; vo'ot chapasbun scotol li c'usi ta jc'ane’, chcut. Jech chcalbe li Jerusalene: ‘Chavich' cha'va'anel yan velta’, chcut. Jech chcalbe li ch'ulnae: ‘Chavich' cha'nacanel lec yan velta’, chcut”, xi li Muc'ul Diose.

Jeremías 21:7

Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Jeremías 22:25

Chacac'ot ta sc'ob li boch'o tsc'an ono'ox chasmilicote xchi'uc ta sc'ob li boch'o toj ep ono'ox chaxi' yu'une, ja' li Nabucodonosor ajvalil ta Babiloniae xchi'uc li caldeaetique.

Jeremías 24:1

C'alal chucbil xa'ox batel ta Babilonia yu'un ajvalil Nabucodonosor li Jeconías ajvalil ta Judá xnich'on Joaquime, xchi'uc li banquilaletic te ta Judae, xchi'uc li boch'otic oy lec sbijilic ta abtele xchi'uc li jtentaq'uinetique, li Muc'ul Diose laj yac'bun quil chib moch higo, te ac'bil ta stuq'uil ti'ch'ulna yu'un Muc'ul Dios.

Jeremías 25:9

a'yo ava'yic, ta jtac tal ta atojolic scotol jaychop cristianoetic te ta norte xchi'uc li cajtunel Nabucodonosor ajvalil ta Babiloniae. Ja' chtal yochentaic li avosilale xchi'uc li jnaclumetic li'i, xchi'uc li yantic lumetic li' ta spat xocone. Ta xcules o ta j'ech'el. Solel ta jyavnaijes o; j'ech'el chcac' o ta labanel, ta na'leel.

Jeremías 28:14

Vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele, jech caloj: Li muc'tiquil lum le'e cac'ojbeic ta snuq'uic yabtejeb vacax pasbil ta tsatsal taq'uin, yu'un jech ac'o tunicuc yu'un li ajvalil Nabucodonosor ta Babiloniae. C'alal ta chonbolometic cac'ojbe ta sc'ob, xi li Muc'ul Diose’, uto”, xiyutun.

Jeremías 43:10

Jech xavalbe ya'yic: ‘Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele: A'yo ava'yic, ta jtac tal li cajtunel Nabucodonosor ajvalil ta Babiloniae. Li' ta xvul spas xchotleb ta sba li tonetic la jmuque; li' ta xvul xlich'an scarpana.

Jeremías 49:30

¡Jatovanic loq'uel ta anil, jnaclumetic ta Hazor! Bat nac'o abaic ti bu lec nac'alaltique, yu'un chapanbil xa chtal scontrainoxuc li Nabucodonosor ajvalil ta Babiloniae. Vu'un chcal jtuc, vu'un li Muc'ul Diosune.

Ezequiel 29:12

Li Egipto banamile ech'em to jech yavnaijem ta xcom jech chac c'u cha'al li yantic banamil yavnaijemique. Li lumetic yu'une ech'em to jech jinem ta xcom jech chac c'u cha'al li yantic lumetic ti jinesbilic oe. Cha'vinic (40) jabil jech ta xcom o. Li egiptoetique ta jpuquic batel ta yantic banamil; ta jtaniic batel ta buyuc no'ox, xi li Muc'ul Diose.

Ezequiel 30:24

Ja' chlic jtsatsubtasbe lec sc'ob li ajvalil ta Babiloniae; ta xcac'be ta sc'ob li quespadae. Yan li faraone ta jc'asbe o xchibal li sc'obe; ta xlic ta ayetel c'alal chich' ac'bel yu'un li yajcontrae.

Daniel 4:12

Lec c'upilic sba yanal, lec pim sat noxtoc. Te tsta sve'el scotol li cristianoetique. Te ital xcux yo'ntonic ta yolon scotol li chonbolometique. Te ital spas stasic ta sc'obc'ob scotol li mutetique; ja' te la sta sve'elic scotol li c'usitic cuxulic ta banamile.

Daniel 4:22

vo'ot ac'oplal atuc ajvalil. Vo'ot ti lec muc' labate, ti oy lec atsatsale, yu'un imuq'uib ac'oplal ta jyalel; ic'ot c'alal to ta vinajel, xchi'uc ic'ot c'alal to ta sti'iltac banamil ti bu c'alal chapas mantale.