Jeremías 27:5 - Bible in Tzotzil de Chenalhó with Deuterocanon

⁵ Vu'un la jpas li banamile xchi'uc li cristianoetique xchi'uc li chonbolometic oy ta sba banamile. Ta jvu'el ta jtsatsal, ta coc jc'ob imeltsaj cu'un, jech xu' cu'un ta xcac'be ta sc'ob li boch'o tsc'an co'nton chcac'bee.

Bible in Tzotzil de Chamula

⁵ Ta sjunul jmuc'ul jtsatsal laj jmeltsan ti banomile, ti jnaclejetique, ti chon bolometique, xchi'uc scotol ti c'usitic oy ta stojole. Xu' ta xcac'be yich' ti buch'u xal co'nton ta sventain cu'une.

Jeremías 27:5 Iomraidhean Croise

Génesis 1:25

Ja' Dios la spas scotol li chonbolometic le'e. Lec laj yil scotol.

Génesis 9:6

“Me oy boch'o ta smil jun vinique, ta xmilat yu'un yan vinic ec, yu'un li vinique ja' sloc'obal Dios.

1 Reyes 8:42

ti puquem ac'oplal, vinajem ti ech'em amuc'ul atsatsale, me chtal sc'anbicot vocol li' ta ch'ulna avu'une,

Esdras 1:2

“Vu'un Ciroun, ajvalilun li' ta Persia, chacalboxuc tal mantal: Li Muc'ul Dios yu'un vinajele yac'ojbun jventain scotol li ajvaliletic ta banamile, xchi'uc laj yalbun ti ac'o yich' meltsanel jun ch'ulna ta Jerusalén ta yosilal Judae.

Nehemías 9:22

“Laj avac'be ta sc'obic li ajvaliletique xchi'uc c'alal ta yosilalic. Ta jujuvoc' laj avac'be yich'ic. Ja' laj avac'be yich'ic li Hesbón, ja' li yosilal ajvalil Sehone, xchi'uc li Basán yosilal ajvalil Oge.

Salmos 102:25

Ta sliquebal ono'ox vo'ot laj aliques li banamile; ja' yabtel ac'ob li vinajele.

Salmos 96:5

Yu'un li diosetic yu'un jujun lume loc'ometic no'ox; yan li Muc'ul Diose ja' la spas li vinajele.

Éxodo 20:11

Yu'un ta vaquib no'ox c'ac'al la jpas li vinajel banamile, li nabe, xchi'uc scotol li c'usitic oye. Yan ta svucubal c'ac'ale la jcux co'nton. Ja' yu'un li jun c'ac'ale ts'u'iltasbil cu'un; ja' ch'ul c'ac'al comen ta aventaic.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Isaías 42:5

Li Muc'ul Diose, ja' li Boch'o ta jech no'ox i'ayin yu'un li vinajele, ti la xlich'an batel jech chac c'u cha'al poq'ue, ti la sq'ui batel li banamile xchi'uc li c'usitic te ch'iemique, ti ja' chac'be yich'ic ic' li boch'otic te nacajtique, ti ja' chac'be xcuxlejal li boch'otic te chanovique, jech chalbe li yajtunele:

Isaías 44:24

Li Muc'ul Dios, ja' li Jpojvanej avu'un ti la xchapanot tal ta yut ch'utile, jech chal: “Vu'un Muc'ul Diosun, jtuc la jpas scotol li c'usitic oye; jtuc la jlich'an batel li vinajele; jtuc la jnacan lec li banamile.

Isaías 45:12

Vu'un laj cac' ayinuc li banamile xchi'uc li cristianoetic te nacajtique; ta jc'ob jtuc la jlich'an batel li vinajele xchi'uc li c'usitic yan te laj caq'ue.

Isaías 48:13

Ta jc'ob jtuc la jnacan li banamile; ta jc'ob jtuc la jlich'an li vinajele. C'alal laj calbe sbiique, ta ora lic ayinuc.

Isaías 51:13

¿Me chch'ay ta avo'nton li Muc'ul Dios, ja' li boch'o la spasote, ti ja' la xlich'an batel li vinajele, ti ja' la snacan lec li banamile? ¿C'u yu'un ja' chanic ta xi'el yu'un scotol c'ac'al li j'uts'intavanejetic ti toj tsots xu' yu'unique, ti chapalic xa sventa chasmilicote? ¿C'usi xu' yu'unic li j'uts'intavanejetique?

Jeremías 27:4

Albo batel ti jech ac'o c'ot yalbeic li yajvalique: Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele:

Jeremías 32:17

Cajval, Muc'ul Dios, vo'ot laj apas li vinajel banamil ta avu'el ta atsatsal, ta avoc ta ac'obe. Mu'yuc c'usi tsots chava'ay li vo'ote.

Jeremías 51:15

Li Muc'ul Diose ta svu'el imeltsaj yu'un li banamile; ta sventa sbijil la xchapan lec, la snacan lec, xchi'uc ta sventa sbijil la xlich'an batel li vinajele.

Daniel 2:38

Laj yac'bot ta ac'ob scotol ta buyuc xa no'ox nacalic batel li cristianoetique, xchi'uc li chonbolometique, xchi'uc li mutetique; laj yac'bot aventain scotol. Ja' yu'un vo'ot senyailot li sjol loc'om pasbil ta c'anal taq'uine.

Daniel 4:14

Tsots ic'opoj, jech laj yal: ‘Ts'etic li te'e, lilinbeic li sc'obc'obe; tulbeic scotol li yanale, tanpuc ac'o batuc avu'unic li sate. Ac'o batuc scotol li chonbolometic te oyic ta yolone, xchi'uc li mutetic te oyic ta sc'obc'obe.

Daniel 4:17

Ja' jech stojol mulil chalic li jq'uelvanej j'almantaletique. Ja' jech iloc' ta yeic li ch'ul j'almantaletique, yu'un jech ac'o sna'ic scotol cristianoetic ti ja' sventainojbe yabtel scotol ajvaliletic li Boch'o te oy ta vinajele. Ja' chac'be yabtel li boch'o tsc'an chac'bee; xu' yu'un chac'be tsots yabtel li boch'o biq'uit ch-ilat yu'un cristianoetique’, xi li boch'o iyal tal ta vinajele.

Daniel 4:22

vo'ot ac'oplal atuc ajvalil. Vo'ot ti lec muc' labate, ti oy lec atsatsale, yu'un imuq'uib ac'oplal ta jyalel; ic'ot c'alal to ta vinajel, xchi'uc ic'ot c'alal to ta sti'iltac banamil ti bu c'alal chapas mantale.

Daniel 4:25

Chavich' loq'uesel batel ta stojol li cristianoetique; ja' chbat achi'in ta naclej li chonbolometique. Ts'i'lal chlic alo' jech chac c'u cha'al vacaxetic, xchi'uc te cha'ach' o ta job osil. Vucub jabil te chacom, ja' to me laj avil ja' sventainojbe yabtel ajvaliletic li Boch'o te oy ta vinajele, xchi'uc ti ja' chac'be yabtel li boch'o tsc'an chac'bee.

Daniel 5:18

Li Dios ta toyole ja' laj yac'be yabtel ta ajvalilal li amuc'ta moltot Nabucodonosore, ja' laj yac'be muc' yabtel; laj yac'be svu'el, xchi'uc laj yac' ta ich'el ta muc'.

Hechos 14:15

—Viniquetic, ¿c'u yu'un jech chapasic? yu'un co'ol cristianoutic. Ti litalcutic li'i, ja' tal calcutic ava'yic ti tsc'an chacomtsanic yich'el ta muc' li c'usi mu'yuc stue. Tsc'an ja' chatalic ta stojol li cuxul Dios ti la spas vinajel banamile, xchi'uc li nabe, xchi'uc scotol li c'usitic oye.

Hechos 17:24

“Li Dios ti la spas banamil xchi'uc scotol c'usitic oye ja' yajval li vinajel banamile. Jech mu xnaqui ta ch'ulnaetic pasbil ta sc'ob cristianoetic.

Hechos 17:26

“Li Diose jchop no'ox sts'unubal la spas li jaychop cristianoetique, yu'un jech ac'o naquiicuc ta scotol banamil. Xchi'uc bisbil yu'un c'u sjalil yorailic ta jujuchop, xchi'uc chapanbil yu'un bu c'alal yosilalic ta jujuchop.

Deuteronomio 2:19

Pero c'alal chac'otic te yo' bu nacal li amonetic, ja' li smomnich'nabtac Lote, mu me xavuts'intaic. Mu me xapasic pleito achi'uquic. Yu'un mu xu' chavich'beic jutebuc li yosilique, ja' yu'un stuquic cac'ojbeic’, xi.

Deuteronomio 2:21

Li slumalic to'oxe bats'i muc', xchi'uc bats'i epic noxtoc. Lec natil viniquetic jech chac c'u cha'al li smomnich'nabtac Anaque. Pero li Muc'ul Diose laj yac' ti ac'o bat smilic li amonetique. Jech te laj yich'beic o comel li yosilique; te inaquiic o.

Deuteronomio 2:7

Li Muc'ul Dios cu'untique yac'ojboxuc xa bendición ta sventa scotol li c'usi chapasique. Te xchi'inoxuc o ti c'alal te chaxanovic ta muc'ta xocol banamil cha'vinic (40) jabile. La xchi'inoxuc scotol c'ac'al ti buyuc no'ox laxanovique, jech mu'yuc c'usi sc'an avu'un laj ava'yic.

Deuteronomio 2:9

Li Muc'ul Diose jech laj yalbun: ‘Mu me xavuts'intaic li moabetique. Mu me xapasic c'op achi'uquic, yu'un ja' smomnich'nabtac li Lote. Mu'yuc chacac'boxuc jutebuc li yosilique, yu'un ja' cac'ojbe sventainic scotol li osil te ta Are’, xiyutun.

Deuteronomio 32:8

Li Boch'o oy ta vinajele, oy jun velta jech la spas. Laj yac' nacluc ta jujun banamil li cristianoetique. Laj yac'be yil bu c'alal sts'aquil li yosilique; pero mu'yuc xch'ayoj ta yo'nton li israeletique.

Deuteronomio 4:17

Mu me xapasbeic sloc'obal chonbolometic, mutetic,

Deuteronomio 4:25

“C'alal me oy xa'ox anich'nabic xchi'uc amomnich'nabique, xchi'uc me lamalubic xa'ox li' ta banamile, me ts'acal chlic asoques abaic, me chlic apasbeic sloc'obal c'usitic oye, chata amulic ta stojol li Dios cu'untique. Jech chlic ilinuc ta atojolic.

Deuteronomio 4:32

“Jaq'uilanbo ava'yic li boch'otic sna'ojic c'usi ic'otan tal ta pasel ta vo'one ti c'alal lic spas sba vinic li' ta banamil li Diose. Batanic ta scotol banamil. Jaq'uilan ava'yic me oy bu jech c'otem ta pasel junuc velta, o me oy boch'o sna'oj ti oy c'usi tsots c'otem ta pasel jech chac c'u cha'al ic'ot ta pasel li'i.

Deuteronomio 4:35

Ti jech laj yac' avilique, yu'un jech ac'o ana'ic ti ta melel ja' mero Muc'ul Dios stuque, ti mu'yuc yane.

Deuteronomio 5:16

‘Ich'o ta muc' atot ame'ic, jech chac c'u cha'al calojboxuc ono'ox vu'un li Muc'ul Diosun avu'unique. Jech lec chabatic, xchi'uc jech jal chacuxiic te ta avosilic ti bu chacac'boxuque.

Deuteronomio 9:29

Yu'un li stuquique ja' lum avu'un. Ja' ateclumal yu'un vo'ot laj aloq'ues tal ta Egipto ta avu'el ta atsatsal’, xichi ta stojol li Muc'ul Diose.

Colosenses 1:16

Ja' ta sventa i'ayin scotol li c'usitic oy ta vinajele, li c'usitic oy ta banamile, xchi'uc li c'usitic xquil ta jsatique, xchi'uc li c'usitic mu xquil ta jsatique, ti tsots tspasic mantale, ti ch'unbil smantalique, ja' li banquilaletique, ti tsots svu'elique. Scotol le'e ja' laj yich'ic pasel yu'un li Cristoe, xchi'uc ja' sventa ac'o ich'atuc ta muc'.

Hebreos 1:2

Yan li' ta ora ti slajebtic xa batel c'ac'ale, ta sventa xa Xnich'on la sc'opanutic li Diose, ja' li xnich'on ti laj yac'be sventain scotol c'usitic oye, xchi'uc ti ja' ta sventa la spas scotole.

Apocalipsis 4:11

“Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.