Jeremías 27:3 - Bible in Tzotzil de Chenalhó with Deuterocanon

³ Ts'acal xatac batel mantal ta stojol li ajvaliletic ta Edom, ta Moab, ta Tiro, ta Sidón, xchi'uc li ajvalil yu'un smomnich'nabtac Amone. Ja' xatacbe batel mantal li viniquetic ti te chtalic ta Jerusalén ti tsvu'lanic li Sedequías ajvalil ta Judae.

Bible in Tzotzil de Chamula

³ Mi laj une, taco batel ts'ibabil vun ta stojol ti ajvaliletic yu'un ti jteclum Edome, ti Moabe, ti Amone, ti Tiroe, xchi'uc ti Sidone, ti ta xich'ic batel ti j'al-mantal j'ich'-c'opetic ti talemic ta svu'lanel ti ajvalil Sedequías li' ta Jerusalene.

Jeremías 27:3 Iomraidhean Croise

2 Crónicas 36:13

Xchi'uc la stoy sba ta stojol li Nabucodonosor ti ja' isujat ta yalel ta jamal ta stojol Dios ti tsco'lajes yo'nton xchi'uque. Solel la spas ta tsots yo'nton; mu xa sc'an sut o tal ta stojol li Muc'ul Dios yu'un Israele.

Isaías 23:4

Q'uexovan Sidón, vo'ot ti apatoj avo'nton yu'un li muc'ta nabe, pero li nabe jech chal: “Mu'yuc bu laj ca'ibe xc'uxul alajel; mu'yuc bu la jvoq'ues olol; mu'yuc bu la jts'ites queremetic; mu'yuc jtsebetic la jbijubtas”, xi.

Jeremías 27:12

Vu'un li Jeremiasune, ja' jech lic calbe scotol ec li ajvalil Sedequiase, jech laj calbe: “Chuco ta anuq'uic li yabtejeb vacax yu'un ajvalil ta Babiloniae; tunanic yu'un xchi'uc li steclumale, jech cuxul chacomic.

Jeremías 27:4

Albo batel ti jech ac'o c'ot yalbeic li yajvalique: Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele:

Jeremías 28:1

C'alal yo'bal u xa'ox stsacoj xchanibal jabil yochel ta ajvalilal ta Judá li Sedequiase, li j'alc'op Hananías xnich'on Azur te ta Gabaone jech laj yalbun te ta xch'ulna Muc'ul Dios ta stojol paleetic xchi'uc ta stojol scotol li jteclume:

Ezequiel 29:18

“Li ajvalil Nabucodonosor ta Babiloniae laj xa yac' batel jtsob epal soldadoetic sventa bat spasic tsots pleito xchi'uc li lum Tiroe. Solel itul batel stsotsil sjolic; icho'an batel snecubic, pero me jutuc mu'yuc c'usi iloc' yu'un li ajvalile xchi'uc li yajsoldadotaque. Altic laj yac' svocolic ti tsots abtel, ti tsots pleito la spasic xchi'uc li lum Tiroe.

Amós 1:9

Jech chal noxtoc li Muc'ul Diose: “Ta sventa ti solel i'ech' ta bis smul li lum Tiroe, jech persa ta xcac'be stoj, yu'un la xchuquic batel ta Edom jun ta lum cristianoetic; mu tsotsuc sc'oplal laj ya'ay li c'usi chapanbil yu'un xchi'iltaquique.