Jeremías 27:12 - Bible in Tzotzil de Chenalhó with Deuterocanon

¹² Vu'un li Jeremiasune, ja' jech lic calbe scotol ec li ajvalil Sedequiase, jech laj calbe: “Chuco ta anuq'uic li yabtejeb vacax yu'un ajvalil ta Babiloniae; tunanic yu'un xchi'uc li steclumale, jech cuxul chacomic.

Bible in Tzotzil de Chamula

¹² Ti vu'un Jeremíasune, scotol lic calilan ta stojol ti Sedequías ajvalil yu'un ti Judae, xchi'uc xi laj cal xtoque: “Ac'o aba ta ventainel ta stojol ti ajvalil yu'un ti Babiloniae, xchi'uc ta stojol ti steclumale. Jech ta xacuxiic unbi.

Jeremías 27:12 Iomraidhean Croise

Proverbios 1:33

Yan li boch'o tspas c'usi chcale, jun no'ox yo'nton; mu xlo'ilaj yo'nton, mu xi' me oy c'usi xi'bal sba chtal ta stojole”, xi li bijubtasele.

Jeremías 17:4

Ta xcac' acomtsan li banamil cac'ojbote, yu'un ja' chbat tunan yu'un avajcontra te ta yan banamil ti mu xavotquine, yu'un laj avac' tsanuc sc'ac'al co'nton jech chac c'u cha'al c'oc' ti mu xtu'p oe”, xi li Muc'ul Diose.

Jeremías 21:9

Li boch'o li' no'ox chcomic ta lume ta xlajic ta milel, ta vi'nal, o me ta chamel. Yan li boch'o ta xloc' batel, chbat yac' sbaic ta sc'ob li caldeaetic te setuojoxuque mu'yuc ta xcham, ja' chcuch to yu'un.

Jeremías 27:8

Me oy bu junuc banamil, o ajvalil mu sc'an xchuc ta snuc' li yabtejeb vacax chac' li Nabucodonosor ajvalil ta Babiloniae, vu'un ta xcac'be stoj smul; ta xcac' ta milel ta espada, ta vi'nal, xchi'uc ta tsatsal chamel, ja' to ti me i'ochic ta sc'ob scotole, uto”, xi li Muc'ul Diose.

Jeremías 28:1

C'alal yo'bal u xa'ox stsacoj xchanibal jabil yochel ta ajvalilal ta Judá li Sedequiase, li j'alc'op Hananías xnich'on Azur te ta Gabaone jech laj yalbun te ta xch'ulna Muc'ul Dios ta stojol paleetic xchi'uc ta stojol scotol li jteclume:

Jeremías 28:2

—Li Muc'ul Dios ti tspas ta mantal scotol te ta vinajele, ja' li Dios yu'un Israele, jech laj yal: ‘Ta jc'asbe li yabtejeb vacax yu'un ajvalil ta Babiloniae.

Jeremías 38:17

Li Jeremiase jech laj yalbe li ajvalil Sedequiase: —Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chayalbot: ‘Me chavac' aba ta ora ta sc'ob li banquilaletic yu'un ajvalil ta Babiloniae, mu'yuc chachamic achi'uc li avalab anich'nabe; jech noxtoc li lum li'i mu'yuc ta xich' chiq'uel ta c'oc'.

Jeremías 42:11

Mu loq'uel xaxi'ic yu'un li ajvalil ta Babiloniae. Mu xaxi'ic yu'un; vu'un chajcoltaoxuc loq'uel ta sc'ob, ja' yu'un mu xaxi'ic.