Jeremías 27:10 - Bible in Tzotzil de Chenalhó with Deuterocanon

¹⁰ Yu'un li stuquique puru epalc'op no'ox li c'usitic chalique; ja' no'ox sventa ac'o loc'anic batel li' ta avosilalique, ti ac'o jpucoxuc batel yu'un te ac'o chamanic oe.

Bible in Tzotzil de Chamula

¹⁰ Ti va'i s'elan ta xalic taje, naca jutbil. Mi ta xach'unique, ja' no'ox ta xataic ti bec'bil ta xaloc' ta alumalique, ti tan puc ta xabatic ti bu ta xac'otic ta lajel cu'une.

Jeremías 27:10 Iomraidhean Croise

Éxodo 22:18

“Li j'ac'chameletique, mu me xavaq'uic cuxiuc.

Jeremías 14:14

Jech laj yalbun li Muc'ul Diose: “Li j'alc'opetique ja' no'ox ch-epalc'opojic ti c'alal jech chalic ta jventae. Muc tacbilicuc cu'un, muc ta jmantaluc ti jech chalique; mu'yuc bu la jc'opanic. Puru epalc'op li c'usi chalique; jech no'ox chloc' ta sjolic. Puru lo'lael, mu'yuc stu li c'usi chalique.

Jeremías 23:16

Jech chal noxtoc li Muc'ul Dios ti tspas ta mantal scotol te ta vinajele: “Israeletic, mu me xach'unic c'usi chal li j'alc'opetique, yu'un puru epalc'op li c'usitic chalique. Te no'ox tsnop tal ta yo'nton stuquic; muc vu'cun jech ta xcalbeic.

Jeremías 23:25

“Li vu'une ca'yoj scotol yepalc'opic li j'alc'opetic le'e. Chalic ti vu'un ta jventa c'alal chalic c'usi chc'ot ta pasele. Jech chalic: ‘Ja' jech laj quil ta jvayech, ja' jech li'ac'bat quil’, xiic.

Jeremías 27:14

Ja' lec mu xavich'beic ta muc' sc'op li j'alc'opetic me chayalboxuc ti mu xavac' abaic ta sc'ob li ajvalil ta Babiloniae, yu'un puru epalc'op li c'usi chalique.

Jeremías 27:15

Yu'un li Muc'ul Diose jech yaloj: ‘Muc tacbilicuc cu'un; jeche' no'ox tsnopic li c'usi chalic ta jbie. Ja' no'ox sventa c'u cha'al xu' ta jipoxuc loq'uel, yu'un ac'o lajanic o achi'uquic li j'alc'opetic ti jech chayalboxuque’, xi li Diose”, xcut.

Jeremías 27:16

Jech lic calbe ec li paleetique xchi'uc scotol li jteclume: “Jech chal li Muc'ul Diose: ‘Mu me xach'unic me jech chayalboxuc li j'alc'opetic avu'unique: Li c'usitic chtun ta ch'ulna yu'un Muc'ul Dios ti ich'bil batel ta Babiloniae, ta sut tal ta oratic xa no'ox, me xayutoxuque, altic no'ox tsnopic ti jech chalique.

Jeremías 28:11

Jech laj yal ta stojol scotol li jteclume: —Jech chal li Muc'ul Diose: ‘Le' ta chib jabile ja' jech ta jlilinbe li yabtejeb vacax yu'un ajvalil Nabucodonosor ta Babilonia ti xchucojbe ta snuc' li cristianoetic ta jujun banamile’, xi li Muc'ul Diose —xi li Hananiase. Li vu'une la jtam batel jbe.

Jeremías 28:16

Ja' yu'un li Muc'ul Diose jech chayalbot: ‘A'yo ava'ay, ta jloq'uesot li' ta sba banamile. Li jabil li'i ta xacham, yu'un li c'usi laj avale ja' no'ox sventa laj acontrainun vu'un li Muc'ul Diosune’, xayutot —xcut.

Jeremías 32:31

C'alal ilic yich' pasel tal li lum li'i xchi'uc c'alal to tanae, ja' no'ox laj yaq'uic ilincun, la sa'bicun o tal sc'ac'al co'nton. Ja' yu'un ta jip loq'uel ta jtojol,

Jeremías 8:19

A'yo ava'ay, xvinaj to x'avetic tal ta oq'uel li jchi'iltac te ta namal banamile: “¿Me yu'un mu'yuc xa te oy ta Sión li Muc'ul Diose? ¿Me yu'un mu'yuc te oy li ajvalil yu'une?”, xiic. Li Muc'ul Diose jech chal: “¿C'u yu'un ti la sa'bicun sc'ac'al co'nton ta sventa ti ja' la yich'ic ta muc' li yan diosetic ti mu'yuc stue?”, xi.

Lamentaciones 2:14

Li j'alc'opetic avu'une mu meleluc li xvayechique; puru epalc'op li c'usi laj yalbicote. Muc svinajesic li amule, ja' yu'un ti chucbil labate. Ja' no'ox laj yaq'uic ach'un li c'usi mu meleluc, xchi'uc li c'usi sventa chach'ay o ta bee.

Daniel 4:7

Jech italic scotol li bijil viniquetique, li boch'otic sna'ic sq'uelel senyail ta vinajel c'usitic chc'ot ta pasele, xchi'uc li jt'unuletique. Te lic jcholbe ya'yic li jvayeche, pero muc xu' yu'un laj yalbicun c'usi smelol.

Zacarías 10:2

Li c'usi chalic sdiosic ta jujubej nae mu meleluc; li c'usi chilic li jt'unuletique puru epalc'op. Li c'usi chalique vontol vaychil no'ox, mu'yuc smelol; li spatubil co'ntontic chalique mu'yuc stu. Ja' yu'un li jteclume chch'ayic ta be jech chac c'u cha'al chijetic; oy svocolic, yu'un mu'yuc xchabielic.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

Deuteronomio 18:10

Mu me oyuc boch'o chac' ta milel xnich'on avu'unic sventa chchic' ta c'oc'. Xchi'uc mu me xachanic t'unul jech chac c'u cha'al tspasique, xchi'uc mu me xanopic ti xu' avu'unic sna'el c'usi chc'ot ta pasel ta ts'acale, xchi'uc mu me xachanic ac'chamel.