Jeremías 26:9 - Bible in Tzotzil de Chenalhó with Deuterocanon

⁹ ¿C'u yu'un ti tsots avo'nton chaval ta sventa Muc'ul Dios ti ja' jech chich' pasbel jech chac c'u cha'al laj yich' pasbel te ta Silo li ch'ulna li'i, xchi'uc ti chich' yavnaijesel o li lum li'i, ti solel mu'yuc yajval chcom oe?”, xutic. Jech la stsob sbaic scotol li cristianoetic te ta ch'ulna yu'un Muc'ul Diose yu'un tscontrainic li Jeremiase.

Bible in Tzotzil de Chamula

⁹ ¿Mi stac' no'ox alel ta xava'i ta yac'bel sbainel Dios ti ta xaval ti oy c'usi q'uelel ta stojol ti ch'ulna li'e, jech c'u cha'al c'ot ta stojol ti ch'ulna ta Siloe, ti lilijem ta xcom ti jteclume, ti mu junuc ta xcom ti jnaclejetic yu'une?” Ta jech yepal un, scotol ti jteclum ti oyic ta ch'ulnae, snet'-net' xa sba liquel vol xutic ti Jeremiase.

Jeremías 26:9 Iomraidhean Croise

2 Crónicas 25:16

C'alal laj yal jech li j'alc'ope, li ajvalile jech laj yal: —¿Me vo'ot avich'oj avabtel sventa chavalbe c'usi lec ta pasel li ajvalile? ¡Avocoluc mu xa xaval jech! ¿O me yu'un chac'an milel? —xut. Li j'alc'ope te la spajes sba, pero jech to laj yal comel: —Jna'oj lec, li Diose snopoj xa chasjinesot o ta sventa ti jech laj apase, yu'un mu xach'unbun li c'usi chacalbote —xut.

Isaías 29:21

xchi'uc li boch'o jech no'ox tsa'beic smul xchi'ilic ta sventa c'usi chalique, xchi'uc li boch'o tslo'laic jchapanvanejetique, xchi'uc li boch'o tsmacbeic spojel li boch'o mu'yuc smule.

Jeremías 32:3

Yu'un ja'o ichucat yu'un li ajvalil Sedequías ti c'alal laj yal c'usi i'albat yu'un Muc'ul Diose. Jech laj yal: “Jech chal li Muc'ul Diose: ‘Li lum li'i ta xcac' ochuc ta sc'ob ajvalil ta Babilonia, jech ta sventain o.

Jeremías 33:10

Jech laj yal noxtoc li Muc'ul Diose: “Li banamil li'i chavalic ti chyavnaij o, ti mu'yuc cristianoetic, ti mu'yuc chonbolometic chcome. Te ta lumetic ta Judá xchi'uc ta xoraltic ta Jerusalene chavalic ti mu'yuc yajval, ti mu jcotuc chonbolometic chcome.

Jeremías 36:29

Jech xavalbe li ajvalil Joacime: ‘Jech chal li Muc'ul Diose: Vo'ot laj achic' li balbil vune; laj avut noxtoc li Jeremías ti c'alal la sts'iba ti ta persa ta xtal li ajvalil ta Babiloniae ti chtal syavnaijes li avosilalique, ti mu'yuc cristianoetic, ti mu'yuc chonbolometic ta xcom yu'une.

Jeremías 9:11

“Ta jc'atajes ta jbus no'ox ton li lum Jerusalene; yavil oq'uiletic ta xc'ot. Li lumetic ta Judae ta jc'atajes ta xocol banamil, mu'yuc xa boch'o te nacal chcom”, xi li Diose.

Lamentaciones 4:13

Ja' ta smul j'alc'opetic xchi'uc paleetic yu'unic, yu'un la smalbeic xch'ich'al te ta lum li boch'otic mu'yuc smulique.

Amós 5:10

Toj abul abaic ti chopol chavilic li boch'o tsc'an ac'o oyuc tuq'uil chapanele, xchi'uc ti bats'i mu'yuc lec chavilic li boch'o chal c'usi tuq'ue.

Miqueas 2:6

“Mu c'usi xtal avalbun ca'icutic; mu xistauncutic li tsots vocole”, xutic li boch'otic chalic c'usi chc'ot ta pasele.

San Mateo 21:23

C'alal i'och ta ch'ulna li Jesuse, te lic chanubtasvanuc. C'alal ja'o ta xchanubtasvane, te italic li banquilal paleetique xchi'uc li moletic yu'unique, jech la sjaq'uic: —¿Bu avich'oj avabtel? ¿Boch'o laj yac'bot avabtel ti jech chapase? —xutic.

San Mateo 27:20

Li banquilal paleetique xchi'uc li j'abteletic ta ch'ulnae la xchanubtasic cristianoetic ti ja' ac'o sc'anic coltabel li Barrabase, xchi'uc ti ja' ac'o chamuc li Jesuse.

Marcos 15:11

Pero li banquilal paleetique la xchanubtasic cristianoetic ti ja' ac'o sc'anic coltabel li Barrabase.

San Juan 8:20

Ja' jech laj yal Jesús ti c'alal ichanubtasvan ta ch'ulna yo' bu yavil yac'ubil smoton Diose. Mu'yuc boch'o itsacvan, yu'un muc to chc'ot yorail.

San Juan 8:59

Lic stamic tal ton scotolic, tsc'an ox tsmilic li Jesuse. Pero li Jesuse la snac' sba, jech muc xilic iloc' batel ta ch'ulna, jech ibat o.

Hechos 13:50

Li judioetic ti mu'yuc xch'unojic Jesuse bat socbeic sjol li banquilal te ta slumalique, xchi'uc li antsetic ti scotol yo'nton xch'unojbeic smantaltac Diose, xchi'uc ti lec ich'bilic ta muq'ue. Jech te lic scontrainic li Pablo xchi'uc Bernabee; la snutsic loq'uel ta yosilalic.

Hechos 21:30

Jech isoc sjol scotol li cristianoetic te ta lume. La stsob sbaic tal scotolic; la stsaquic li Pabloe. La xjochic loq'uel ta pat coralton yu'un ch'ulna; ta ora la smaquic li ti'coraltone.

Hechos 22:22

C'alal jech yepal ilo'ilaj li Pabloe, tsots lic avanicuc: “¡Ulesic ta banamil li vinic le'e; mu smeloluc me li' cuxul ta banamil!”, xiic.

Hechos 3:11

Li coxo ti colem xae, solel mu xcoltavan; te nabal o ta stojolic li Pedro xchi'uc Juane. Scotol li cristianoetique toj labal sba laj yilic. Ta anil la stsob sbaic batel ta stojol li Pedro xchi'uc Juan te ta stentenail ch'ulna Salomón sbie.

Hechos 5:12

Ta sventa yajtacbolal Jesús ep sq'uelubil, ep svinajeb stsatsal Dios ic'ot ta pasel ta stojol li cristianoetique. Scotolic co'ol yo'ntonic la stsobilan sbaic ta stentennail ch'ulna yo' bu Salomón sbie.

Hechos 5:28

—¿Me mu tsotsuc mantal laj calbotcutic ti mu xa me xachanubtasvanic ta sventa li Jesuse? Pero q'uelavilic, ivinaj xa avu'unic ta sjunul lum li c'usi chavaq'uic ta chanele. Jech noxtoc chac'an chavaq'uic jcuchincutic ti vu'uncutic la jmilcutic li vinic chavalique —xi.

Hechos 6:14

Yu'un ca'yojcutic jech chal: ‘Li Jesús liquem ta Nazarete ta xlic svuq'ues li ch'ulna li'i xchi'uc ta sjel li jtaleltic yac'oj comel Moisés ta vo'onee’, xi —xi i'epalc'opojic.

Josué 18:1

Scotol li yalab xnich'nab Israele te la stsob sbaic ta Silo; te la snacanic li ch'ulna yu'un Dios pasbil ta nucule. Yu'un li banamile i'och xa ta sc'obic o,