Jeremías 26:5 - Bible in Tzotzil de Chenalhó with Deuterocanon

⁵ xchi'uc me mu xavich'beic o ta muc' sc'op li j'alc'opetic cu'un ti te ono'ox la jtaquilan o tal ta atojolic ti muc ono'ox xavich'ic ta muq'ue,

Bible in Tzotzil de Chamula

⁵ mi mu xaq'uic ta venta ti c'u s'elan cajbijubtasvanic ti cajtunel j'alc'opetique, ti mu'yuc stu laj yilic ti laj ono'ox jtaquilan talel ta stojolique,

Jeremías 26:5 Iomraidhean Croise

2 Reyes 17:13

Li Muc'ul Diose laj to staq'ui ta sventa j'alc'opetic xchi'uc ta sventa bijil viniquetic li Israel xchi'uc Judae, jech laj yal: “Sutanic tal; comtsanic li be atamojique. Ja' ch'unic li mantaletic xchi'uc li chanubtaseletic cu'un jech chac c'u cha'al calojbeic ono'ox amoltotaquic ta vo'one ta sventa cajtuneltaque, ja' li j'alc'opetique”, xut.

2 Reyes 17:23

Li Muc'ul Diose la sloq'ues o ta stojol li israeletic jech chac c'u cha'al laj ono'ox yal ta sventa li j'alc'opetic yu'une. Jech chucbil ibatic ta yosilal asiriaetic li israeletique. Te oyic o c'alal to tana.

2 Reyes 24:2

Li Muc'ul Diose la stac tal jtsob caldeaetic, jtsob siriaetic, jtsob moabetic xchi'uc jtsob amonetic ta stojol li Joaquime yu'un tscontrainic li Judae. Yu'un ac'o yulesic o ta j'ech'el jech chac c'u cha'al yaloj ono'ox Muc'ul Dios ta sventa li yaj'alc'optaque.

2 Reyes 9:7

Vo'ot chamilbe scotol smomnich'nabtac li Acabe, ja' li ajvalil to'ox avu'une, yu'un ja' ta jpacbe ti la smalbe xch'ich'alic li j'alc'opetic cu'une, xchi'uc li yantic cajtuneltac ti laj yac' ta milel li Jezabele.

Esdras 9:11

ti laj avalbuncutic ta sventa avajtuneltac, ja' li j'alc'opetic avu'une. Jech laj avalbuncutic: ‘Li banamil yo' bu chacac'boxuque boliben ta scoj smulic li cristianoetic tee. Nojem ta sbol talelic, xchi'uc li c'usitic toj chopol tspasique’, xavutuncutic.

Jeremías 11:7

Ja' ti laj ono'ox calbe tal lec ya'yic li amoltot ayame'ic ta vo'one c'alal la jloq'uesic tal ta Egiptoe. Lec laj calbe tal ya'yic ti ac'o xch'unique; mu'yuc jquechanoj o yalel c'alal to tana, jech laj calbeic: Ja' me xach'unic li c'usi chacalboxuque xcutic ono'ox.

Jeremías 29:19

Yu'un muc xch'unbicun li jc'op ti laj calbeic ta sventa j'alc'opetic cu'une, ti scotol ora la jtac tal ta stojolique.

Jeremías 32:33

La sva'lupatinicun, muc saticuc laj yac'bicun. Ac'o me mu'yuc ono'ox la jquechan o xchanubtasel, pero muc xich'ic ta muc'.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 35:17

Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Ta xcac' taluc ta atojolic te ta Judá xchi'uc ta stojol jnaclumetic ta Jerusalén scotol li vocol ti caloj ono'ox chacac'boxuque. Yu'un la jc'opanoxuc pero muc xatac'ovic; laj quic'oxuc pero muc xavich'ic ta muc', xi li Diose’, uto”, xiyutun.

Jeremías 44:4

Scotol c'ac'al la jtaquilanboxuc tal ta atojolic li cajtuneltac, ja' li j'alc'opetique. Mu'yuc bu la jquechan staquel tal, tal yalboxuc ti mu xapasic li c'usi toj chopole, yu'un mu lecuc chquil.

Jeremías 7:13

Ep xa ta velta te xivulvun o ta atojolic, pero mu xava'ibicun. Laj quic'oxuc, pero me jutuc muc xatac'bicun. Ta sventa ti jech laj apasic scotol chac le'e, ja' yu'un jech chcal jtuc, vu'un li Muc'ul Diosune:

Jeremías 7:25

Ja' ono'ox jechic o c'alal la jloq'uesic tal ta Egipto li amoltotic ayame'ic ta vo'one; ja' jechoxuc o c'alal to tana. Scotol ora la jtacboxuc tal j'alc'opetic ta atojolic, ja' li cajtuneltaque.

Ezequiel 38:17

Vo'ot ac'oplal ti laj ono'ox cac'be yalic caj'alc'optac ta vo'one ta stojol israeletique. Laj ono'ox yalic ti chajtacot batel ta scontrainel Israel ti c'alal tsta sc'ac'alile’, uto”, xiyutun.

Amós 3:7

Vu'un li Muc'ul Diosune, mu'yuc c'usi ta jpas ti me mu xcac'be sna' ba'yuc c'usi oy ta co'nton li j'alc'opetic cu'une.

Zacarías 1:6

Pero li jc'op xchi'uc li jmantaltac laj calbeic li cajtuneltac, ja' li j'alc'opetique, ic'ot ono'ox ta stojol li amoltot ayame'ique, jech isutic tal ta jtojol. La sna'ic ti vu'un Muc'ul Diosune, ti ja' jech la jpasbeic jech chac c'u cha'al stojol tsc'an li yabtelique xchi'uc li c'usitic la spasique’, uto”, xi li Muc'ul Diose.

Apocalipsis 10:7

Ja' xa no'ox me lic c'opojuc li svucubal j'almantale, me la sjupan li yoq'uese, chc'ot ta pasel ta ora li c'usi snopoj ono'ox tspas Dios ta vo'one ti muc sna'ic li cristianoetique, ja' ti laj ono'ox yalbe li yajtuneltaque, ja' li yaj'alc'optaque”, xi.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.