Jeremías 26:3 - Bible in Tzotzil de Chenalhó with Deuterocanon

³ Naca me lec cha'yic, jech xu' chlic scomtsanic li chopol be stamojique, jech mu'yuc ta xcac'beic li c'usi jnopoj chcac'beic ta scoj li c'usi chopol tspasique.

Bible in Tzotzil de Chamula

³ Xu' nan ta xlic yich'beicot ta muc' yo' jech ta xicta sbaic ta spasel ti c'usi chopole, ti xu' to stselbuj ti nopbil xa cu'un ta jtsitsic ta scoj ti c'usi chopol ta spasique.

Jeremías 26:3 Iomraidhean Croise

1 Reyes 21:27

C'alal laj ya'ay li Acabe, la sli' sc'u', lic slap c'u'il sventa at-o'nton ti ch'ixlajan ta lapele; laj yicta yixim noxtoc. Ja' jech slapoj o ivay; bats'i toj biq'uit laj yac' sba.

1 Reyes 21:29

“¿Me laj avil ti toj biq'uit chac' sba ta jtojol li Acabe? Ta sventa ti biq'uit chac' sba ta jtojole, jech mu'yuc ta xcac' taluc vocol ta stojol yalab xnich'nab ti c'alal cuxul toe. Ja' to ta xc'ot ta stojol li xnich'one”, x'utat li Eliase.

Jeremías 26:13

Ja' yu'un li' ta orae, lecubtasic li atalelique xchi'uc li c'usi chapasique; ja' ch'unbeic c'usi chal li Muc'ul Dios cu'untique, jech mu'yuc chayac'boxuc li tsots vocol ti yaloj chayac'boxuque.

Jeremías 26:19

“Li ajvalil Ezequías xchi'uc scotol li jchi'iltactic ta Judae ¿me yu'un la smilic ec li Miquease? ¿Me muc ja'uc no'ox lic xi'icuc yu'un li Muc'ul Diose? ¿Me muc ja'uc no'ox lic sc'anbeic vocol ti ac'o c'uxubinaticuque, jech muc x'ac'batic o li svocolic ti sc'oplal ox chich'ique? ¿Li vu'utique me xu' ta jpastic li c'usi toj chopol ti xu' chc'ot ta cac'oltique?

Jeremías 36:3

Naca me ja' to jech xlic scomtsan c'usi chopol tspas li judaetic c'alal me cha'yic scotol c'u x'elan li vocol ta jtacbe tal ta stojolique; jech xu' ta jpasbe perdón li smulique, li xchopolilique”, x'utat.

Jeremías 36:7

Naca me jech chlic sc'opanic li Muc'ul Diose, jech xu' chlic scomtsanic li chopol be stamojic jujunique. Yu'un toj tsots ch-ilin, toj tsots liquem sc'ac'al yo'nton ta stojolic li Muc'ul Diose”, xut.

Ezequiel 12:3

Ja' yu'un li vo'ote chapano c'usi chtun avu'un; loc'an batel ta ana jech chac c'u cha'al li boch'o chucbil chbat ta yan banamile. Ta c'ac'altic xapas, ta sat scotol achi'iltac xaloc' batel. Oy yic'al ja' to jech chc'ot ta yo'ntonic, yu'un solel jtoybaetic ta jyalel.

Ezequiel 18:21

“Pero me chlic scomtsan scotol smul li boch'o chopole, me ja' chlic xch'un li mantaletic cu'une, me ja' chlic spas li c'usitic lec, li c'usitic tuq'ue, ta jbel sc'oplal ta xcuxi; mu'yuc ta xcham.

Oseas 11:9

Mu'yuc ta jpasboxuc li c'usi jnopoj ta jpas ta sc'ac'al co'ntone; mu'yuc ta xcules yan velta li Efraine, yu'un li vu'une Diosun, muc cristianoucun. Vu'un Ch'ul Diosun ti te oyun ta atojolique; mu'yuc chtal ochcun ta alumalic ta sc'ac'al co'nton”, xi li Diose.

Joel 2:14

Oy yic'al mu xayac'boxuc atoj li amulique; xu' ja' chlic stacboxuc tal li bendicione, ja' li ya'lel ts'usub xchi'uc li yantic matanal chavaq'uic ta stojol Muc'ul Dios avu'unique.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.