Jeremías 26:21 - Bible in Tzotzil de Chenalhó with Deuterocanon

²¹ Li ajvalil Joacim xchi'uc li j'abteletic, li banquilaletic yu'une, ta xa'ox smilic ti c'alal laj ya'yic jech laj yale; pero c'alal laj ya'ay li Uriase ixi', jech ijatov batel ta Egipto.

Bible in Tzotzil de Chamula

²¹ Ti ajvalil Joacime, ti yaj'opisialtaque, xchi'uc ti banquilaletic yu'une, laj ya'iic ti c'usi laj yale, ti ta x'ac'van ta milel ti ajvalile. Va'i un, c'alal c'ot ta sni' ta xchiquin ti Uriase, och xi'el ta yo'nton. Jatav batel c'alal to Egipto.

Jeremías 26:21 Iomraidhean Croise

1 Reyes 18:10

Jamal chacalbot ta stojol Muc'ul Dios, ja' li Dios cu'untique, li cajvale laj xa st'unot ta scotol banamil, ta scotol muc'tic lum, pero laj yalic ti mu'yuc bu xayilicote. Li ajvaliletique, ta jujun banamile laj yalic ta jamal ta stojol Muc'ul Dios ti mu'yuc bu la staicote.

2 Crónicas 16:10

Li Asae bats'i tsots i'ilin ta stojol li j'alc'ope, jech la stic' ta chuquel. Ja' jech ora lic socuc o sjol li Asae, lic yuts'intaan jayibuc xchi'iltac te ta slumal.

2 Crónicas 24:21

C'alal jech laj ya'yique, lic scontrainic. Ta smantal ajvalil la smilic ta ton te ta yamaq'uil ch'ulna.

Salmos 119:109

Scotol ora xi'eltic no'ox jba o ta scoj milel, pero mu'yuc ono'ox ta jch'ay o ta co'nton li amantaltaque.

Proverbios 29:25

Me ja' chijxi'utic yu'un li cristianoetique, ta xchucvan jech chac c'u cha'al lasu; yan me ja' ta jpat co'ntontic ta stojol li Muc'ul Diose, mu'yuc xi'el chca'itic.

Jeremías 26:10

C'alal laj ya'yic banquilaletic ta Judá li c'usi ic'ot ta pasele, te ibatic ta spasubmantal ajvalil te ta ch'ulna, te c'ot chotiicuc ti bu Ach' Ti'na sbie.

Jeremías 36:26

Li ajvalile lic spas ta mantal li Jerameel xnich'on Hameleque, xchi'uc li Seraías xnich'on Azriele, xchi'uc li Selemías xnich'on Abdeele, yu'un ac'o bat stsaquic li Baruc boch'o its'ibaje xchi'uc li j'alc'op Jeremiase. Pero inac'atic yu'un stuc li Muc'ul Diose.

Jeremías 38:4

C'alal jech laj ya'yic li banquilaletique, jech bat yalbeic li ajvalile: —Ac'o yich' milel li vinic li'i, yu'un ja' no'ox ta xchibajesbe yo'nton li soldadoetic cu'untic ti li' to chcomic ta lume, xchi'uc ja' no'ox ta sibtas scotol li jchi'iltactique. Yu'un muc ja'uc ta sa'be slequilal li jchi'iltactique, ja' no'ox ta sa'be svocolic —xutic.

San Mateo 10:23

Me chataic uts'intael ta junuc lume, batanic ta yan lum. Melel li c'usi chacalboxuque, mu'yuc to cuchem avu'unic sq'uelel scotol lumetic li' ta yosilal Israel c'alal chital vu'un ti Xnich'on cristiano lic'ote.

San Mateo 10:28

Mu me xaxi'ic yu'un li boch'o ta smil abec'talique, yu'un li ach'ulelique mu xu' ta smil. Ja' lec ja' xaxi'ic yu'un li Boch'o xu' yu'un ta smil abec'talic xchi'uc ach'ulelic ta muc'ta c'oq'ue.

San Mateo 10:39

Li boch'o ja' no'ox tsc'an ti cuxule, ja' chch'ayes li xcuxlejale. Yan li boch'o vu'un ta jventa chac' ch'ayuc li xcuxlejal li' ta banamile, ja' ta xcuxi.

San Mateo 14:5

Ja' yu'un li Herodese tsc'an ox ta smil ta ora li Juane pero ixi', yu'un scotolic xch'unojic ti ja' yaj'alc'op Dios li Juane.

Marcos 6:19

Jech ec li Herodiase toj chopol laj ya'ay ti jech laj yal li Juane, jech tsc'an ta smil. Pero mu'yuc to'ox c'uxi laj yut.